Manpreet Singh
ਫਗਵਾੜਾ 02 ਜੁਲਾਈ (ਪ੍ਰੀਤ ਕੋਰ ਪ੍ਰੀਤੀ ) ਪਿੰਡ ਵਜੀਦੋਵਾਲ ਦੀ ਪੰਚਾਇਤ ਨੇ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਅੱਜ ਸਰਕਾਰੀ ਪ੍ਰਾਇਮਰੀ ਸਕੂਲ ਪਿੰਡ ਵਜੀਦੋਵਾਲ ਨੂੰ ਇਨਵਰਟਰ ਅਤੇ ਬੈਟਰੀ ਭੇਂਟ ਕੀਤੇ। ਇਸ ਮੌਕੇ ਗੱਲਬਾਤ ਕਰਦਿਆਂ ਸਰਪੰਚ ਰਿੰਪਲ ਕੁਮਾਰ ਨੇ ਦੱਸਿਆ ਕਿ ਅੱਜਕਲ ਲੱਗਣ ਵਾਲੇ ਬਿਜਲੀ ਦੇ ਅਣ-ਐਲਾਨੇ ਕੱਟਾਂ ਨਾਲ ਭੱਖਦੀ ਗਰਮੀ ‘ਚ ਛੋਟੇ-ਛੋਟੇ ਸਕੂਲੀ ਬੱਚਿਆਂ ਅਤੇ ਸਟਾਫ ਨੂੰ ਬਹੁਤ ਪਰੇਸ਼ਾਨੀ ਹੋ ਰਹੀ ਸੀ। ਜਿਸ ਨੂੰ ਦੇਖਦੇ ਹੋਏ ਪੰਚਾਇਤ ਨੇ ਨੰਬਰਦਾਰ ਸਤੀਸ਼ ਕੁਮਾਰ, ਚੰਦਰ ਮੋਹਨ, ਰਕਸ਼ਾ ਰਾਣੀ, ਸ਼ਿਵ ਕੁਮਾਰ ਮੇਹਲੀ, ਐਨ.ਆਰ. ਆਈ. ਬਲਰਾਮ ਕੁਮਾਰ, ਡਿੰਪੀ ਸ਼ਰਮਾ ਪਤਨੀ ਸੰਜੂ ਸ਼ਰਮਾ ਕਨੇਡਾ, ਰਿਟਾ. ਇੰਸਪੈਕਟਰ ਰਮਨ ਕੁਮਾਰ, ਗੌਰਵ ਸ਼ਰਮਾ ਸਵੀਟ ਸ਼ਾਪ ਮੇਹਲੀ, ਪਰਮਜੀਤ ਕੌਰ ਪੰਮੀ, ਸੁਖਵਿੰਦਰ ਡੇਅਰੀ ਦੇ ਵਢਮੁੱਲੇ ਸਹਿਯੋਗ ਸਦਕਾ ਇਹ ਉਪਰਾਲਾ ਕੀਤਾ ਹੈ। ਸਕੂਲ ਇੰਚਾਰਜ ਨੀਨਾ ਬਨਿਆਲ ਨੇ ਸਮੂਹ ਪੰਚਾਇਤ ਅਤੇ ਸਹਿਯੋਗੀਆਂ ਤਹਿ ਦਿਲੋਂ ਧੰਨਵਾਦ ਕਰਦਿਆਂ ਦੱਸਿਆ ਕਿ ਉਕਤ ਦਾਨੀ ਸੱਜਣਾਂ ਦਾ ਸਕੂਲ ਦੇ ਵਿਕਾਸ ‘ਚ ਹਮੇਸ਼ਾ ਵਢਮੁੱਲਾ ਸਹਿਯੋਗ ਮਿਲਦਾ ਹੈ। ਜਿਸ ਦੇ ਚਲਦਿਆਂ ਨੂੰ ਵਿਦਿਆਰਥੀਆਂ ਨੂੰ ਵਧੀਆ ਸਹੂਲਤਾਂ ਅਤੇ ਮਿਆਰੀ ਸਿੱਖਿਆ ਪ੍ਰਾਪਤ ਹੋ ਰਹੀ ਹੈ। ਉਹਨਾਂ ਦੱਸਿਆ ਕਿ ਉਕਤ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਲੋਹੇ ਦੀਆਂ ਖਿੜਕੀਆਂ, ਦਰਵਾਜ਼ੇ, ਬਿਜਲੀ ਦੀ ਫਿਟਿੰਗ, ਪੀਣ ਵਾਲੇ ਪਾਣੀ ਦੀ ਪਾਈਪ, ਟੂਟੀਆਂ, ਬੱਚਿਆਂ ਦੇ ਬੈਠਣ ਲਈ ਨਵੇਂ ਬੈਂਚ ਆਦਿ ਬਣਾਏ ਗਏ ਹਨ। ਇਸ ਮੌਕੇ ਸਮਾਜ ਸੇਵਕ ਰਾਕੇਸ਼ ਕੁਮਾਰ ਢੰਡਾ, ਪੰਚਾਇਤ ਮੈਂਬਰ ਪੰਡਿਤ ਅਸ਼ੋਕ ਕੁਮਾਰ, ਸੰਜੀਵ ਕੁਮਾਰ, ਨਰਿੰਦਰ ਪਾਲ, ਸੰਤੋਸ਼ ਰਾਣੀ, ਸਰਬਜੀਤ ਕੌਰ ਤੋਂ ਇਲਾਵਾ ਬੀਬੀ ਸੋਨੀਆ ਰਾਣੀ, ਨੰਬਰਦਾਰ ਸੋਮਨਾਥ, ਪਿ੍ਰੰਸ ਕੁਮਾਰ, ਸੁਰੇਸ਼ ਕੁਮਾਰ ਫੌਜੀ, ਬਲਿਹਾਰ ਲਾਲ, ਰਾਜਕੁਮਾਰ, ਰਵੀ ਦੱਤ, ਸੁਰੇਸ਼ ਕੁਮਾਰ ਬਿੱਲਾ, ਦੀਪਕ ਕੁਮਾਰ, ਸਤਪਾਲ, ਡਾ. ਸੋਹਨ ਲਾਲ, ਰਿਟਾ. ਏ.ਐਸ.ਆਈ. ਹਰਬਲਾਸ, ਰਾਕੇਸ਼ ਕੁਮਾਰ, ਮੁਕੇਸ਼ ਕੁਮਾਰ ਏ.ਐਸ.ਆਈ., ਪਵਨ ਕੁਮਾਰ ਏ.ਐਸ.ਆਈ. ਪਰਵੀਨ ਕੁਮਾਰ, ਸਰੋਜ ਰਾਣੀ, ਅਸ਼ਵਨੀ ਕੁਮਾਰ ਆਦਿ ਹਾਜਰ ਸਨ।
