Manpreet Singh
ਸ਼੍ਰੀ ਮੁਕਤਸਰ ਸਾਹਿਬ, 11 ਜੁਲਾਈ ( ਮਨਪ੍ਰੀਤ ਮੋਨੂੰ ) – ਦੇਖਿਆ ਜਾਵੇ ਤਾਂ ਜਿਸ ਦਿਨ ਦੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਸੱਤਾ ‘ਚ ਆਈ ਹੈ ਤਦ ਤੋਂ ਹੀ ਤਕਰੀਬਨ ਪੂਰੇ ਪੰਜਾਬ ‘ਚ ਗੁੰਡਾਗਰਦੀ ਆਦਿ ਹੋਰ ਅਪਰਾਧਾਂ ‘ਚ ਬੇਤਹਾਸ਼ਾ ਵਾਧਾ ਹੋਇਆ ਹੈ । ਹਰ ਰੋਜ ਦੀ ਤਰ੍ਹਾਂ ਇਨਸਾਨੀ ਜਾਨ ਨੂੰ ਵੱਢ-ਟੁੱਕ ਦਿੱਤਾ ਜਾਂਦਾ ਹੈ ਅਤੇ ਕਈ ਜਗ੍ਹਾਂ ਕਤਲਾ ਦੀਆਂ ਖਬਰਾਂ ਪਿਛਲੇ ਕੁਝ ਸਮੇਂ ਤੋਂ ਰੋਜਾਨਾਂ ਹੀ ਸੁਨਣ ਅਤੇ ਦੇਖਣ ਨੂੰ ਮਿਲ ਰਹੀਆ ਹਨ । ਦੋ ਗੁੱਟਾਂ ‘ਚ ਤਾਂ ਲੜ੍ਹਾਈ ਝਗੜ੍ਹਾ ਕਰਦਿਆ ਆਮ ਦੇਖਿਆਂ ਜਾਂਦਾ ਹੈ ਪਰ ਆਪਣੀ ਫੋਕੀ ਸ਼ਾਨ ਲਈ ਬਿਨ੍ਹਾਂ ਵਜ੍ਹਾ ਪਰਿਵਾਰਕ ਮੈਂਬਰਾਂ ਨਾਲ ਕੁੱਟਮਾਰ ਕਰਨ ਦੇ ਮਾਮਲੇ ਵੀ ਸਾਹਮਣੇ ਆਉਣ ਲੱਗੇ ਹਨ । ਅਜਿਹੇ ਕੁਝ ਕੁ ਮੁਹੱਲੇ ਦੇ ਬਦਮਾਸ਼ਾਂ ਨੇ ਆਮ ਜਨਤਾ ਦਾ ਜੀਣਾ ਦੁੱਭਰ ਕੀਤਾ ਹੋਇਆ ਹੈ । ਮਾਮਲਾ ਇੰਝ ਸੀ ਕਿ ਪਰਿਵਾਰ ਦੇ ਦੋ ਮੈਂਬਰ ਭੁੱਲਰ ਕਲੋਨੀ ਗਲੀ ਨੰਬਰ 06 ‘ਚ ਆਪਣੇ ਘਰ ਦੇ ਬਾਹਰ ਖੜ੍ਹੇ ਗੱਲਾਂ-ਬਾਤਾਂ ਕਰ ਰਹੇ ਸਨ ਕਿ ਇਸ ਦਰਮਿਆਨ ਗੁਆਂਢ ‘ਚ ਰਹਿੰਦਾ ਬਲਕਾਰ ਸਿੰਘ ਨਾਮਕ ਵਿਅਕਤੀ “ਜੋਕਿ ਪਹਿਲ੍ਹਾਂ ਤੋਂ ਹੀ ਰੰਜਿਸ਼ ਰੱਖਦਾ ਹੈ” ਆਪਣੇ ਘਰ ਵਿੱਚੋਂ ਬਾਹਰ ਆਉਦਾ ਹੈ ਅਤੇ ਆਉਣ ਸਾਰ ਹੀ ਬਾਹਰ ਖੜ੍ਹੇ ਲੜ੍ਹਕੇ ਦਾ ਗਲ਼ਾ ਘੁੱਟਣ ਦੀ ਕੋਸ਼ਿਸ਼ ਕਰਦਾ ਹੈ ਅਤੇ ਜਦ ਉਕਤ ਵਿਅਕਤੀ ਵੱਲੋਂ ਵਿਰੋਧ ਕੀਤਾ ਜਾਂਦਾ ਹੈ ਤਾਂ ਬਾਹਰੋਂ ਬਦਮਾਸ਼ ਟਾਇਪ ਲੜ੍ਹਕੇ ਲਿਆ ਕੇ ਪੀੜ੍ਹਤ ਲੜ੍ਹਕੇ ਦੇ ਪਰਿਵਾਰਕ ਮੈਂਬਰਾਂ ਨਾਲ ਵੀ ਕੁੱਟਮਾਰ ਕੀਤੀ ਗਈ । ਇਸ ਤੋਂ ਪਹਿਲ੍ਹਾਂ ਘਰ ਦੇ ਅੰਦਰ ਦਾਖਲ ਹੋ ਕੇ ਵਿਅਕਤੀਆਂ ਦੇ ਸੱਟਾਂ ਮਾਰੀਆਂ ਗਈਆਂ ਅਤੇ ਜਦ ਆਪਣੇ ਸਾਇਕਲ ‘ਤੇ ਪਾਣੀ ਲੈਣ ਜਾਣ ਲੱਗੇ ਤਾਂ ਬਲਕਾਰ ਦਾ ਲੜ੍ਹਕਾ ਕੁਲਵਿੰਦਰ ਉਰਫ ਬਬਲੂ ਆਪਣੇ ਸਾਥੀਆਂ ਸਣੇ ਪਹਿਲ੍ਹਾਂ ਤੋਂ ਹੀ ਤਾਂਕ ਲਗਾਈ ਬੈਠਾ ਸੀ, ਨੇ ਘੇਰ ਕੇ ਦੁਬਾਰਾ ਫਿਰ ਕੁੱਟਮਾਰ ਕੀਤੀ ਅਤੇ ਸ਼ਰੇਆਮ ਮੁਹੱਲੇ ‘ਚ ਬਦਮਾਸ਼ੀ ਕੀਤੀ ਗਈ । ਜਿਸ ਕਾਰਨ ਪਰਿਵਾਰ ‘ਚ ਡਰ ਦਾ ਮਾਹੋਲ ਬਣਿਆ ਹੋਇਆ ਹੈ ।ਇਸ ਸਾਰੀ ਘਟਨਾ ਗਲੀ ‘ਚ ਲੱਗੇ ਸੀ.ਸੀ.ਟੀ.ਵੀ ਕੈਮਰਿਆ ‘ਚ ਕੈਦ ਹੋ ਗਈ । ਪੀੜ੍ਹਤ ਲੜ੍ਹਕੇ ਨੇ ਦੋਸ਼ ਲਗਾਇਆ ਕਿ ਉਕਤ ਡੇਟਿੰਗ-ਪੇਟਿੰਗ ਦਾ ਕੰਮ ਕਰਦਾ ਹੈ ਅਤੇ ਉਸ ਨੂੰ 20 ਹਜ਼ਾਰ ਰੁਪਏ ਤਹਖਾਹ ਮਿਲੀ ਸੀ, ਜੋਕਿ ਕੁੱਟਮਾਰ ਦੋਰਾਨ ਬਲਕਾਰ ਸਿੰਘ ਦਾ ਲੜ੍ਹਕੇ ਵੱਲੋਂ ਆਪਣੇ ਸਾਥੀਆਂ ਸਣੇ ਲੁੱਟ-ਖੋਹ ਕਰਦਿਆ ਮੇਰੀ ਤਨਖਾਹ 20 ਹਜ਼ਾਰ ਰੁਪਏ ਵੀ ਖੋਹ ਕੇ ਲੈ ਗਏ । ਬਲਕਾਰ ਸਿੰਘ ਅਤੇ ਉਸ ਦੇ ਲੜ੍ਹਕੇ ਵੱਲੋਂ ਬਾਹਰੀ ਗੁੰਡਿਆਂ ਦੀ ਮੱਦਦ ਨਾਲ ਕੀਤੀ ਗੁੰਡਾਗਰਦੀ ਕਾਰਨ ਚਾਰ ਪਰਿਵਾਰਕ ਮੈਂਬਰਾਂ ਦੇ ਗੰਭੀਰ ਸੱਟਾਂ ਲੱਗੀਆਂ ਹਨ , ਜਿਨ੍ਹਾਂ ਨੂੰ ਇਲਾਜ਼ ਲਈ ਸਿਵਲ ਹਸਪਤਾਲ ਸ਼੍ਰੀ ਮੁਕਤਸਰ ਸਾਹਿਬ ‘ਚ ਦਾਖਲ ਕਰਵਾਇਆ ਗਿਆ ਹੈ । ਪੀੜ੍ਹਤ ਵਿਅਕਤੀਆਂ ਨੇ ਪੁਲਿਸ ਪ੍ਰਸ਼ਾਸ਼ਨ ਤੋਂ ਮੰਗ ਕੀਤੀ ਹੈ ਕਿ ਦੋਸ਼ੀਆਂ ਦੇ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇ । ਜਦ ਇਸ ਸਬੰਧੀ ਥਾਣਾ ਸਿਟੀ ਦੇ ਐਸਐਚਓ ਜਸਕਰਨ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਪੀੜ੍ਹਤ ਪਰਿਵਾਰ ਨੂੰ ਭਰੋਸਾ ਦਿੱਤਾ ਕਿ ਦੋਸ਼ੀਆਂ ਦੇ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਏਗੀ ਅਤੇ ਕਿਸੇ ਵੀ ਦੋਸ਼ੀ ਨੂੰ ਬਖਸ਼ਿਆ ਨਹੀ ਜਾਵੇਗਾ ।
