Manpreet Singh
ਸ਼੍ਰੀ ਮੁਕਤਸਰ ਸਾਹਿਬ, 15 ਜੁਲਾਈ ()- ਅਗਰਵਾਲ ਸਭਾ ਰਜ਼ਿ: ਪੰਜਾਬ ਸ੍ਰੀ ਮੁਕਤਸਰ ਸਾਹਿਬ ਦੀ ਸ਼ਹਿਰੀ ਮੀਟਿੰਗ ਜ਼ਿਲ੍ਹਾ ਪ੍ਰਧਾਨ ਤਰਸੇਮ ਗੋਇਲ ਦੀ ਪ੍ਰਧਾਨਗੀ ਵਿੱਚ ਸ਼ਹਿਰ ਦੇ ਨਿੱਜੀ ਹੋਟਲ ਵਿਖੇ ਹੋਈ ਤੇ ਮੀਟਿੰਗ ਦੌਰਾਨ ਸਭਾ ਦੇ ਚੇਅਰਮੈਨ ਬਲਦੇਵ ਸਹਾਏ ਗਰਗ ਨੇ ਵਿਸੇਸ਼ ਤੌਰ ’ਤੇ ਸ਼ਮੂਲੀਅਤ ਕੀਤੀ। ਇਸ ਮੀਟਿੰਗ ਵਿੱਚ ਪੁੱਜੇ ਅਗਜੈਕਟਿਵ ਮੈਬਰਾਂ ਤੇ ਆਹੁਦੇਦਾਰਾਂ ਨੂੰ ਆਈ.ਡੀ. ਕਾਰਡ ਦਿੱਤੇ ਗਏ। ਇਸ ਮੌਕੇ ਜਾਣਕਾਰੀ ਦਿੰਦੇ ਹੋਏ ਜ਼ਿਲ੍ਹਾ ਪ੍ਰਧਾਨ ਤਰਸੇਮ ਗੋਇਲ ਨੇ ਦੱਸਿਆ ਕਿ ਅਗਰਵਾਲ ਸਭਾ ਦੀ ਮੀਟਿੰਗ ਦੌਰਾਨ ਸਰਬਸੰਮਤੀ ਨਾਲ ਇੱਕ ਫੈਸਲਾ ਕੀਤਾ ਗਿਆ ਕਿ ਆਉਣ ਵਾਲੇ ਕੁਝ ਦਿਨਾਂ ਵਿੱਚ ਮਹਾਰਾਜਾ ਅਗਰਸੈਨ ਜੀ ਦੀ ਵਿਸੇਸ਼ ਫੋਟੋ ਤਿਆਰ ਕਰਵਾਕੇ ਪਰਿਵਾਰ ਦੇ ਹਰੇਕ ਘਰ ਪਹੁੰਚਾਈ ਜਾਵੇਗੀ ਤਾਂ ਜੋ ਸਾਡੀ ਨੌਜਵਾਨ ਪੀੜ੍ਹੀ ਨੂੰ ਸਮਾਜ ਨਾਲ ਜੋੜਿਆ ਜਾ ਸਕੇ, ਤੇ ਮਹਾਰਾਜਾ ਅਗਰਸੇਨ ਜੀ ਦਾ ਸੰਦੇਸ਼ ਘਰ ਘਰ ਪਹੁੰਚਾਇਆ ਜਾਵੇ। ਇਸ ਮੌਕੇ ਮਹਾਰਾਜਾ ਅਗਰਸੈਨ ਜੀ ਦੀ ਜਯੰਤੀ ਮਨਾਉਣ ਸਬੰਧੀ ਵੀ ਵਿਚਾਰਾਂ ਕੀਤੀਆਂ ਗਈਆਂ ਤੇ ਇਹ ਫੈਸਲਾ ਲਿਆ ਗਿਆ ਕਿ ਇਸ ਵਾਰ ਮਹਾਰਾਜਾ ਅਗਰਸੈਨ ਜੀ ਦੀ ਜਯੰਤੀ ਪੂਰੇ ਸ਼ਹਿਰ ਅੰਦਰ ਬੜੀ ਹੀ ਧੂਮਧਾਮ, ਸ਼ਰਧਾ ਭਾਵਨਾ ਤੇ ਉਤਸ਼ਾਹ ਨਾਲ ਮਨਾਈ ਜਾਵੇਗੀ। ਇਸ ਮੌਕੇ ਪ੍ਰਧਾਨ ਗੋਇਲ ਨੇ ਕਿਹਾ ਕਿ ਜੋ ਮਹਾਰਾਜਾ ਅਗਰਸੈਨ ਜੀ ਨੇ ਰੀਤ ਚਲਾਈ ਸੀ ਕਿ ਜੋ ਕੋਈ ਵੀ ਲੋੜਵੰਦ ਪਰਿਵਾਰ ਹੈ, ਉਸ ਦੀ ਮੱਦਦ ਕਰਕੇ ਉਸ ਨੂੰ ਆਪਣੇ ਬਰਾਬਰ ਖੜਾ ਕਰੀਏ ਤਾਂ ਜੋ ਉਹ ਖੁਦ ਨੂੰ ਸਮਾਜ ਵਿੱਚ ਛੋਟਾ ਮਹਿਸੂਸ ਨਾ ਕਰੇ, ਇਸ ਮੌਕੇ ਸਮੂਹ ਆਹੁਦੇਦਾਰਾਂ ਨੇ ਇਹ ਫੈਸਲਾ ਕੀਤਾ ਕਿ ਅਗਰਵਾਲ ਸਮਾਜ ਅੰਦਰ ਜੇਕਰ ਕਿਸੇ ਵਿਅਕਤੀ ਨੂੰ ਦੁੱਖ ਤਕਲੀਫ ਆਉਂਦੀ ਹੈ ਤਾਂ ਪੂਰਾ ਸਮਾਜ ਉਸ ਦੇ ਮੋਢੇ ਨਾਲ ਮੋਢਾ ਲਗਾ ਕੇ ਖੜੇਗਾ ਤੇ ਉਨ੍ਹਾਂ ਦੀਆਂ ਦੁੱਖ ਤਕਲੀਫਾਂ ਨੂੰ ਦੂਰ ਕਰਨ ਵਿੱਚ ਸਹਿਯੋਗ ਕਰੇਗਾ। ਇਸ ਮੌਕੇ ਖਜਾਨਚੀ ਪੱਪੂ ਸਿੰਗਲਾ, ਜਰਨਲ ਸੈਕਟਰੀ ਸੰਜੀਵ ਜਿੰਦਲ, ਮਨੋਜ ਗਰਗ, ਪ੍ਰਦੀਪ ਜੈਨ, ਵਾਇਸ ਪ੍ਰਧਾਨ ਅਸ਼ੋਕ ਕੁਮਾਰ ਖਿੱਲਾ, ਅਸ਼ੋਕ ਤਾਇਲ, ਕੁਲਦੀਪ ਗੋਇਲ, ਪ੍ਰਵੀਨ ਗੋਇਲ, ਜ਼ਿਲ੍ਹਾ ਸੈਕਟਰੀ ਪਦਮ ਸੈਨ ਬਾਂਸਲ, ਸਰਪ੍ਰਸਤ ਭਾਰਤ ਅਗਰਵਾਲ, ਭੂਸ਼ਨ ਕਾਂਸਲ, ਸੁਨੀਲ ਜੈਨ, ਰਮੇਸ਼ ਗਰਗ, ਸੈਕਟਰੀ ਰਾਜ ਬਾਂਸਲ, ਸਵਿੱਕੀ ਗਰਗ, ਸਲਾਹਕਾਰ ਵਿਜੈ ਮਿੱਤਲ, ਐਡਵੋਕੇਟ ਚਿਮਨ ਬਾਂਸਲ, ਸ਼ਾਮ ਲਾਲ ਬਾਂਸਲ, ਸੋਨੂੰ ਗੋਇਲ, ਮਾਨਵ ਗਰਗ, ਰਾਜੂ ਗੋਇਲ ਅਤੇ ਕੁਲਭੂਸ਼ਨ ਗਰਗ ਆਦਿ ਮੌਜੁਦ ਸਨ। ਇਸ ਮੌਕੇ ਪ੍ਰਧਾਨ ਤਰਸੇਮ ਗੋਇਲ ਨੇ ਮੀਟਿੰਗ ਵਿੱਚ ਪੁੱਜੇ ਆਹੁਦਾਰਾਂ ਤੇ ਮੈਬਰਾਂ ਦਾ ਤਹਿ ਦਿਲੋ ਧੰਨਵਾਦ ਕੀਤਾ।
