Manpreet Singh
ਸ਼੍ਰੀ ਮੁਕਤਸਰ ਸਾਹਿਬ, 22 ਜੁਲਾਈ ()- ਪੰਜਾਬ ਸੂਬਾਡੀਨੇਟਰ ਫਡਰੇਸ਼ਨ ਚੰਡੀਗੜ੍ਹ ਜੰਗਲਾਤ ਵਰਕਰ ਯੂਨੀਅਨ ਪੰਜਾਬ ਦੇ ਸੂਬਾ ਕਮੇਟੀ ਦੇ ਫੈਸਲੇ ’ਤੇ 22 ਜੁਲਾਈ ਨੂੰ ਸਰਕਾਰ ਨੂੰ ਮੰਗ ਪੱਤਰ ਦੇਣ ਦੀ ਲੜੀ ਤਹਿਤ ਜਗਲਾਤ ਵਰਕਰ ਯੂਨੀਅਨ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਵਲੋਂ ਵਣ ਮੰਡਲ ਅਫਸਰ ਸ਼੍ਰੀ ਮੁਕਤਸਰ ਸਾਹਿਬ ਰਾਹੀਂ ਪੰਜਾਬ ਸਰਕਾਰ ਦੇ ਨਾਮ ਇੱਕ ਮੰਗ ਪੱਤਰ ਭੇਜਿਆ, ਜਿਸ ਦੀ ਪ੍ਰਧਾਨਗੀ ਜ਼ਿਲ੍ਹਾ ਪ੍ਰਧਾਨ ਮਲਕੀਤ ਸਿੰਘ ਝੋਰੜ ਨੇ ਕੀਤੀ ਤੇ ਸਵੇਰ ਤੋਂ ਹੀ ਜਗਲਾਤ ਕਾਮੇ ਝੰਡੇ ਬੈਨਰ ਲੈ ਕੇ ਪੂਰੇ ਜੋਸ਼ ਨਾਲ ਧਰਨਾ ਪ੍ਰਦਰਸ਼ਨ ਕੀਤਾ। ਇਸ ਮੌਕੇ ਯੂਨੀਅਨ ਆਗੂਆਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਜਿਨ੍ਹਾਂ ਵਰਕਰਾਂ ਦੇ ਮੈਡੀਕਲ ਅਤੇ ਪੁਲਿਸ ਵੈਰੀਫਿਕੇਸ਼ਨ ਹੋ ਚੁੱਕੀ ਹੈ, ਉਨ੍ਹਾਂ ਨੂੰ ਤੁਰੰਤ ਜੁਆਈਨਿੰਗ ਲੈਟਰ ਦਿੱਤੇ ਜਾਣ, ਤੇ ਜਿਨ੍ਹਾਂ ਵਰਕਰਾਂ ਦੇ 10 ਸਾਲ ਪੂਰੇ ਕਰ ਚੁੱਕੇ ਹਨ, ਉਨ੍ਹਾਂ ਦੀਆਂ ਤੁਰੰਤ ਮੈਡੀਕਲ ਅਤੇ ਪੁਲਿਸ ਵੈਰੀਫਿਕੇਸ਼ਨ ਕਰਵਾਈ ਜਾਵੇ। ਪਰ ਕਿਸੇ ਕਾਰਨ ਕਰਕੇ ਉਨ੍ਹਾਂ ਦੇ ਗੈਬ ਹਨ, ਉਨ੍ਹਾਂ ’ਤੇ ਗੈਬ ਵਾਲੀ ਸ਼ਰਤ ਹਟਾ ਕੇ ਤੁਰੰਤ ਮੈਡੀਕਲ ਅਤੇ ਪੁਲਿਸ ਵੈਰੀਫਿਕੇਸ਼ਨ ਕਰਵਾਈ ਜਾਵੇ। ਜੰਗਲਾਤ ਵਰਕਰ ਯੂਨੀਅਨ ਸ਼੍ਰੀ ਮੁਕਤਸਰ ਸਾਹਿਬ ਦੀ ਪ੍ਰਧਾਨਗੀ ਵਿੱਚ ਜ਼ਿਲ੍ਹਾ ਜਰਨਲ ਸਕੱਤਰ ਸੁਖਮੰਦਰ ਸਿੰਘ, ਸੀਨੀਅਰ ਮੀਤ ਪ੍ਰਧਾਨ ਰਾਧੇ ਸ਼ਾਮ, ਜਗਮੀਤ ਮਲੋਟ, ਰੇਸ਼ਮ ਮਹੂਆਣਾ, ਸੰਦੀਪ ਆਲਮਵਾਲਾ, ਚਮਕੌਰ ਸਿੰਘ, ਸਰਵਨ ਗਿਲਜੇਵਾਲਾ, ਸੰਤਾ ਛੱਤੇਆਣਾ, ਤਰਸੇਮ ਆਲਮਵਾਲਾ, ਰਾਮ ਸਰੂਪ, ਸਰਬਨ ਰਾਮ ਅਤੇ ਵੱਡੀ ਗਿਣਤੀ ਵਿੱਚ ਜੰਗਲਾਤ ਵਰਕਰ ਮੌਜੂਦ ਸਨ।
