ਐਕਸੀਅਨ ਦੇ ਖਿਲਾਫ਼ ਪੀਐਸਈਬੀ ਇੰਪਲਾਈਜ਼ ਫੈਡਰੇਸ਼ਨ ਨੇ ਕੀਤੀ ਰੋਸ ਰੈਲੀ

ਸ਼੍ਰੀ ਮੁਕਤਸਰ ਸਾਹਿਬ, 22 ਜੁਲਾਈ ()- ਪੀਐਸਈਬੀ ਇੰਪਲਾਈਜ਼ ਫੈਡਰੇਸ਼ਨ ਰਜ਼ਿ: ਵੱਲੋਂ ਐਕਸੀਅਨ/ਡੀਐਸ ਸੰਮਨ ਸਿੰਘ ਦੇ ਖਿਲਾਫ਼ ਭਰਵੀਂ ਗੇਟ ਰੈਲੀ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਕੀਤੀ ਗਈ। ਇਸ ਮੌਕੇ ਆਗੂਆਂ ਦਾ ਕਹਿਣਾ ਹੈ ਕਿ ਐਕਸੀਅਨ ਦਾ ਰਵੱਈਆ ਮੁਲਾਜ਼ਮਾਂ ਪ੍ਰਤੀ ਬਹੁਤ ਹੀ ਘਟੀਆ ਹੈ, ਕਿਉਂਕਿ ਜਥੇਬੰਦੀ ਦੇ ਸਾਥੀ ਪ੍ਰਗਟ ਸਿੰਘ ਦੀ ਬਦਲੀ ਪੀਅੇਸਪੀਸੀਐਲ ਦੇ ਹੈਡ ਆਫਿਸ ਪਟਿਆਲਾ ਤੋਂ ਸ਼੍ਰੀ ਮੁਕਤਸਰ ਸਾਹਿਬ ਤੋਂ ਮਾਨਸਾ ਡਵੀਜਨ ਦੀ ਹੋਈ ਹੈ। ਪਰ ਅੱਜ ਲਗਭਗ ਤਿੰਨ ਮਹੀਨੇ ਬੀਤਣ ਤੋਂ ਬਾਅਦ ਵੀ ਪ੍ਰਗਟ ਸਿੰਘ ਨੂੰ ਰਲੀਵ ਨਹੀਂ ਕੀਤਾ। ਜਿਸ ਕਰਕੇ ਜਥੇਬੰਦੀ ਦੀ 27 ਜੂਨ 2025 ਐਕਸੀਅਨ ਨਾਲ ਹੋਈ ਲਿਖਤੀ ਮੀਟਿੰਗ ਤੋਂ ਬਾਅਦ 10 ਦਿਨਾਂ ਦੇ ਅੰਦਰ ਅੰਦਰ ਰਲੀਵ ਕਰਨ ਦਾ ਵਿਸਵਾਸ਼ ਦੁਆਇਆ ਗਿਆ। ਪਰ ਇਨ੍ਹਾ ਸਮਾਂ ਬੀਤਣ ਤੋਂ ਵੀ ਹਲੇ ਤੱਕ ਰਲੀਵ ਨਹੀਂ ਕੀਤਾ ਗਿਆ। ਜਿਸ ਕਰਕੇ ਜਥੇਬੰਦੀ ਵਿੱਚ ਬਹੁਤ ਰੋਸ ਹੈ ਤੇ ਆਗੂਆਂ ਨੇ ਕਿਹਾ ਕਿ ਜੇਕਰ ਪ੍ਰਗਟ ਸਿੰਘ ਨੂੰ ਰਲੀਵ ਨਹੀਂ ਕੀਤਾ ਜਾਦਾ ਤਾਂ 30 ਜੁਲਾਈ 2025 ਨੂੰ ਦੁਬਾਰਾ ਫਿਰ ਤੋਂ ਵਿਸ਼ਾਲ ਗੇਟ ਰੈਲੀ ਕੀਤੀ ਜਾਵੇਗੀ। ਇਸ ਗੇਟ ਰੈਲੀ ਵਿੱਚ ਪੈਨਸ਼ਨਰ ਵੈਲਫੇਅਰ ਐਸੋਸੀਏਸ਼ਨ ਦੇ ਆਗੂਆਂ ਤੇ ਸਾਥੀਆਂ ਨੇ ਵਿਸੇਸ਼ ਤੌਰ ’ਤੇ ਸ਼ਮੂਲੀਅਤ ਕੀਤੀ। ਇਸ ਗੇਟ ਰੈਲੀ ਨੂੰ ਮੰਡਲ ਪ੍ਰਧਾਨ ਬਲਜੀਤ ਸਿੰਘ, ਸਿਬੋਦ ਕੁਮਾਰ, ਕ੍ਰਿਪਾਲਕੇ, ਮੰਡਲ ਸੀਨੀਅਰ ਮੀਤ ਪ੍ਰਧਾਨ, ਸੁੰਦਰ ਸਿੰਘ, ਬਲਜਿੰਦਰ ਸਿੰਘ, ਬਸੰਤ ਸਿੰਘ, ਮਨਦੀਪ ਸਿੰਘ, ਮਨਪ੍ਰੀਤ ਸਿੰਘ, ਰਿਸ਼ੂ ਬਰਾੜ, ਗੁਰਮੇਲ ਸਿੰਘ ਤੋਂ ਇਲਾਵਾ ਪੈਨਸ਼ਨਰ ਵੈਲਫੇਅਰ ਐਸੋਸੀਏਸ਼ਨ ਵੱਲੋਂ ਸਬੋਧਨ ਕੀਤਾ ਗਿਆ। ਇਸ ਤੋਂ ਇਲਾਵਾ ਮਨਿੰਦਰ ਸਿੰਘ ਸਕੱਤਰ ਪੰਜਾਬ ਵਲੋਂ ਸਾਥੀਆਂ ਨੂੰ ਸਬੋਧਨੜ ਕੀਤਾ ਤੇ ਬਿਜਲੀ ਮੁਲਾਜ਼ਮ ਏਕਤਾ ਮੰਚ ਤੇ ਜੁਆਇੰਟ ਫੋਰਮ ਪੰਜਾਬ ਦੇ ਸੱਦੇ ’ਤੇ 27 ਜੁਲਾਈ ਨੂੰ ਅੰਮ੍ਰਿਤਸਰ ਬਿਜ਼ਲੀ ਮੰਤਰੀ ਦੀ ਰਿਹਾਇਸ਼ ’ਤੇ ਦਿੱਤੇ ਜਾਣ ਵਾਲੇ ਧਰਨੇ ਵਿੱਚ ਸਾਥੀਆ ਨੂੰ ਵੱਧ ਚੜ੍ਹਕੇ ਪੁੱਜਣ ਦੀ ਅਪੀਲ ਕੀਤੀ ਹੈ।