Manpreet Singh
ਮਲੋਟ, 14 ਅਗਸਤ ( ਕ੍ਰਿਸ਼ਨ ਮਦਾਨ / ਅਮਰ ਸੋਨੀ) ਸਾਢੇ ਤਿੰਨ ਕਿਲੋ ਦੀ ਰਸੌਲੀ ਦਾ ਸਫਲ ਅਪਰੇਸ਼ਨ ਕਰਕੇ ਸ੍ਰੀ ਮੁਕਤਸਰ ਸਾਹਿਬ ਦੇ ਸਰਕਾਰੀ ਹਸਪਤਾਲ ਦੇ ਡਾਕਟਰਾਂ ਨੇ ਕੀਰਤੀਮਾਨ ਸਥਾਪਿਤ ਕੀਤਾ। ਅੱਜ ਜ਼ਿਲਾ ਸ੍ਰੀ ਮੁਕਤਸਰ ਸਾਹਿਬ ਦੇ ਸਰਕਾਰੀ ਹਸਪਤਾਲ ਵਿਖੇ ਚੱਲੇ ਚਾਰ ਘੰਟੇ ਦੇ ਲੰਮੇ ਆਪਰੇਸ਼ਨ ਤੋਂ ਬਾਅਦ ਪਿੰਡ ਭਲੂਰ ਜਿਲਾ ਮੋਗਾ ਦੀ ਰਹਿਣ ਵਾਲੀ ਜਸਵਿੰਦਰ ਕੌਰ ਦਾ ਰਸੋਲੀ ਦਾ ਸਫਲ ਅਪਰੇਸ਼ਨ ਕਰਕੇ ਡਾਕਟਰਾਂ ਨੇ ਇੱਕ ਵਾਰ ਫਿਰ ਸਰਕਾਰੀ ਹਸਪਤਾਲ ਵੱਲ ਲੋਕਾਂ ਨੂੰ ਮੁੜ ਆਉਣ ਲਈ ਪ੍ਰੇਰਿਤ ਕੀਤਾ ਹੈ । ਇਥੇ ਦੱਸਣ ਯੋਗ ਇਹ ਹੈ ਕਿ ਇਸ ਮਾਤਾ ਦਾ ਆਪਰੇਸ਼ਨ ਬਹੁਤ ਔਖਾ ਸੀ ਵੱਡੇ ਹਸਪਤਾਲਾਂ ਨੇ ਬਹੁਤ ਜਿਆਦਾ ਖਰਚਾ ਦੱਸਿਆ ਸੀ ਅਤੇ ਜਾਨ ਨੂੰ ਵੀ ਖਤਰਾ ਦੱਸਿਆ ਸੀ ਅਤੇ ਅਪਰੇਸ਼ਨ ਦੌਰਾਨ ਜਿਆਦਾ ਬਲੀਡਿੰਗ ਦਾ ਡਰ ਸੀ। ਮੌਕੇ ਉੱਪਰ ਚਲਦੇ ਅਪਰੇਸ਼ਨ ਦੌਰਾਨ ਦੋ ਬੋਤਲਾਂ ਖੂਨ ਦੀਆਂ ਵੀ ਚੜਾਣੀਆਂ ਪਈਆਂ ਜੋ ਕਿ ਸਾਰਾ ਇੰਤਜਾਮ ਹਸਪਤਾਲ ਵਿੱਚੋਂ ਹੀ ਡਾਕਟਰਾਂ ਵੱਲੋਂ ਕੀਤਾ ਗਿਆ ਸੀ । ਸ੍ਰੀ ਮੁਕਤਸਰ ਸਾਹਿਬ ਦੇ ਸਿਵਲ ਹਸਪਤਾਲ ਵਿੱਚ ਬੁੱਧਵਾਰ ਅਤੇ ਸ਼ਨੀਵਾਰ ਵੱਡੇ ਛੋਟੇ ਹਰ ਤਰ੍ਹਾਂ ਦੇ ਆਪਰੇਸ਼ਨ ਕੀਤੇ ਜਾਂਦੇ ਹਨ। ਜਿਸ ਦਾ ਇਕ ਰੁਪਈਆ ਵੀ ਖਰਚਾ ਨਹੀਂ ਲਿਆ ਜਾਂਦਾ ਅਤੇ ਹੁਣ ਇੱਥੇ ਚੰਗੇ ਡਾਕਟਰਾਂ ਦੀ ਟੀਮ ਹੋਣ ਕਰਕੇ ਮਰੀਜ਼ਾਂ ਦਾ ਹਸਪਤਾਲ ਅੰਦਰ ਹੜ ਜਿਹਾ ਆਇਆ ਰਹਿੰਦਾ ਹੈ। ਇਸ ਅਪਰੇਸ਼ਨ ਨੂੰ ਕਾਮਯਾਬ ਕਰਨ ਲਈ ਡਾਕਟਰ ਅਭਿਸ਼ੇਕ ਖੇੜਾ ਜਨਰਲ ਸਰਜਨ ,ਡਾਕਟਰ ਸੁਨੀਲ ਨੱਡਾ ਜਨਰਲ ਸਰਜਨ, ਡਾਕਟਰ ਸਿਮਰਪ੍ਰੀਤ ਕੌਰ ਗਾਇਨੀ, ਡਾਕਟਰ ਅੰਕਿਤਾ ਐਨੀਥਸੀਆ, ਡਾਕਟਰ ਸੋਮੀਆ ਐਨੀਥੀਸੀਆ, ਅਤੇ ਉਹਨਾਂ ਦੀ ਟੀਮ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ ਇੱਥੇ ਦੱਸਣ ਯੋਗ ਇਹ ਵੀ ਹੈ ਕਿ ਡਾਕਟਰ ਅਭਿਸ਼ੇਕ ਖੇੜਾ ਨੇ ਐਮ.ਬੀ.ਬੀ.ਐੱਸ ਅਤੇ ਐਮ.ਐਸ. ਜਨਰਲ ਸਰਜਰੀ ਦਾ ਕੋਰਸ ਜੀ.ਐਮ.ਸੀ. ਅੰਮ੍ਰਿਤਸਰ ਤੋਂ ਕੀਤਾ ਹੈ. ਉਸ ਤੋਂ ਬਾਅਦ ਏਮਜ ਬਠਿੰਡਾ ਵਿਖੇ ਵੀ ਆਪਣੀਆਂ ਸੇਵਾਵਾਂ ਦਿੰਦੇ ਰਹੇ ਹਨ ਅਤੇ ਹੁਣ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਵੀ ਰੋਜ਼ ਬੈਠਦੇ ਹਨ ਅਤੇ ਆਪਣੀਆਂ ਸੇਵਾਵਾਂ ਪ੍ਰਦਾਨ ਕਰ ਰਹੇ ਹਨ।
