ਫ਼ਿਰੋਜ਼ਪੁਰ ਦੇ ਦਫ਼ਤਰ ਵਿਖੇ ਉਸ ਸਮੇਂ ਖ਼ੁਸ਼ੀ ਦੀ ਲਹਿਰ ਦੇਖਣ ਨੂੰ ਮਿਲੀ

ਫ਼ਿਰੋਜ਼ਪੁਰ, 6 ਜੁਲਾਈ (ਅਸ਼ੋਕ ਭਾਰਦਵਾਜ) ਪਾਵਰਕਾਮ (PSPCL) ਫ਼ਿਰੋਜ਼ਪੁਰ ਦੇ ਦਫ਼ਤਰ ਵਿਖੇ ਉਸ ਸਮੇਂ ਖ਼ੁਸ਼ੀ ਦੀ ਲਹਿਰ ਦੇਖਣ ਨੂੰ ਮਿਲੀ, ਜਦੋਂ  ਇੰਜੀਨੀਅਰ ਨਵਨੀਤ ਕੁਮਾਰ ਨੇ ਵਧੀਕ ਨਿਗਰਾਨ ਇੰਜੀਨੀਅਰ (ASE) ਇੰਨਫੋਰਸਮੈਂਟ ਦੀ ਅਹਿਮ ਆਸਾਮੀ ‘ਤੇ ਆਪਣਾ ਅਹੁਦਾ ਰਸਮੀ ਤੌਰ ‘ਤੇ ਸੰਭਾਲ ਲਿਆ। ਦਫ਼ਤਰ ਪਹੁੰਚਣ ‘ਤੇ ਸਮੂਹ ਸਟਾਫ਼ ਮੈਂਬਰਾਂ ਅਤੇ ਇੰਜੀਨੀਅਰਾਂ ਵੱਲੋਂ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ ਅਤੇ ਗੁਲਦਸਤੇ ਭੇਟ ਕਰਕੇ ਜੀ ਆਇਆਂ ਨੂੰ ਆਖਿਆ ਗਿਆ। ਅਹੁਦਾ ਸੰਭਾਲਦਿਆਂ ਹੀ ਇੰਜੀਨੀਅਰ ਨਵਨੀਤ ਕੁਮਾਰ ਨੇ ਆਪਣੀ ਪ੍ਰਤੀਬੱਧਤਾ ਦੁਹਰਾਉਂਦੇ ਹੋਏ ਕਿਹਾ ਕਿ ਦਫ਼ਤਰ ਦੇ ਸਾਰੇ ਕੰਮਾਂ-ਕਾਰਾਂ ਨੂੰ ਪੂਰੀ ਪਾਰਦਰਸ਼ਤਾ ਅਤੇ ਸੁਚੱਜੇ ਢੰਗ ਨਾਲ ਨੇਪਰੇ ਚਾੜ੍ਹਿਆ ਜਾਵੇਗਾ। ਖਪਤਕਾਰਾਂ ਦੀਆਂ ਸੇਵਾਵਾਂ ਅਤੇ ਵਿਭਾਗੀ ਕੰਮਾਂ ਨੂੰ ਨਿਸ਼ਚਿਤ ਸਮੇਂ ਦੇ ਅੰਦਰ-ਅੰਦਰ ਪੂਰਾ ਕਰਨਾ ਉਨ੍ਹਾਂ ਦੀ ਮੁੱਖ ਤਰਜੀਹ ਹੋਵੇਗੀ। ਇਸ ਪ੍ਰਭਾਵਸ਼ਾਲੀ ਤਾਇਨਾਤੀ ਦੇ ਮੌਕੇ ‘ਤੇ ਪਾਵਰਕਾਮ ਦੇ ਕਈ ਸੀਨੀਅਰ ਅਧਿਕਾਰੀ, ਮੁਲਾਜ਼ਮ ਅਤੇ ਇਲਾਕੇ ਦੇ ਪਤਵੰਤੇ ਸੱਜਣ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਸਨ, ਜਿਨ੍ਹਾਂ ਵਿੱਚ ਸ਼ਾਮਲ ਸਨ ਇੰਜੀ: ਰਾਜੀਵ (ਸੀਨੀਅਰ ਕਾਰਜਕਾਰੀ ਇੰਜੀਨੀਅਰ, ਸੰਚਾਲਣ ਸਬਅਰਬਨ ਮੰਡਲ, ਫਿਰੋਜ਼ਪੁਰ), ਇੰਜੀ: ਸੁਰਿੰਦਰ ਪਾਲ ਸਿੰਘ (ਵਧੀਕ ਨਿਗਰਾਨ ਇੰਜੀਨੀਅਰ, ਓ ਐਂਡ ਐਮ ਮੰਡਲ, ਫਿਰੋਜ਼ਪੁਰ), ਇੰਜੀਨੀਅਰ ਸਾਹਿਬਾਨ ਇੰਜ: ਸੁਖਦੇਵ ਸਿੰਘ, ਇੰਜ: ਮੁਲਖ ਰਾਜ, ਇੰਜ: ਤਰਲੋਚਨ ਚੋਪੜਾ, ਇੰਜ: ਰਜੀਵ ਚਾਵਲਾ, ਇੰਜ: ਮਨਜੀਤ ਸਿੰਘ ਮਠਾੜੂ, ਇੰਜ: ਪਿੰਕਾ ਵੋਹਰਾ, ਇੰਜ: ਸੰਦੀਪ ਕੁਮਾਰ ਅਤੇ ਇੰਜ ਗੁਰਪ੍ਰਤਾਪ ਸਿੰਘ,ਮਮਦੋਟ ਤੋਂ ਵਿੱਕੀ ਮੈਣੀ, ਬਿੱਕਰ ਸਿੰਘ ਅਤੇ ਗੁਰਪ੍ਰੀਤ ਸਿੰਘ ਗੋਪੀ, ਦਲਜੀਤ ਸਿੰਘ (ਐਸ.ਐਸ.ਏ.) ਅਤੇ ਰਣਜੀਤ ਸਿੰਘ ਢੋਟ (ਐਡਵੋਕੇਟ) ਸਮੂਹ ਹਾਜ਼ਰ ਸ਼ਖਸੀਅਤਾਂ ਨੇ ਉਮੀਦ ਜਤਾਈ ਕਿ ਇੰਜੀਨੀਅਰ ਨਵਨੀਤ ਕੁਮਾਰ ਦੀ ਅਗਵਾਈ ਹੇਠ ਫ਼ਿਰੋਜ਼ਪੁਰ ਸਰਕਲ ਵਿਖੇ ਇੰਨਫੋਰਸਮੈਂਟ ਵਿੰਗ ਹੋਰ ਵਧੇਰੇ ਬਿਹਤਰੀ ਅਤੇ ਮੁਸਤੈਦੀ ਨਾਲ ਕੰਮ ਕਰੇਗਾ।