ਪੀਰ ਬਾਬਾ ਸ਼ਾਹ ਹੁਸੈਨ ਜੀ ਦੀ ਯਾਦ ਵਿੱਚ ਇੱਕਵਾਂ ਸਲਾਨਾ  ਛਿੰਝ ਮੇਲਾ 15 ਤੋਂ 17 ਤੱਕ

ਕਪੂਰਥਲਾ, 6 ਜੁਲਾਈ (ਕੌੜਾ )- ਧੰਨ ਧੰਨ ਗੁਰੂ ਅਮਰਦਾਸ ਜੀ ਦੇ ਸਮਕਾਲੀ ਭਗਤ ਹਜਰਤ ਮੀਰਾ ਪਾਤਸ਼ਾਹ ਬਾਬਾ ਸ਼ਾਹ ਹੁਸੈਨ ਜੀ ਦਾ ਇਕਵਾਂ ਸਲਾਨਾ ਤਿੰਨ ਰੋਜ਼ਾ ਛਿੰਝ ਮੇਲਾ 15 ,16 ਤੇ 17 ਜੁਲਾਈ ਪਿੰਡ ਤਲਵੰਡੀ ਚੌਧਰੀਆ ਨਵੇਂ ਬਣੇ ਦਰਬਾਰ ਮੀਰਾ ਪਾਤਸ਼ਾਹ ਸ਼ਾਹ ਹੁਸੈਨ ਟਿੱਬਾ ਰੋਡ ਵਿਖੇ ਬਾਬਾ ਸੁਖਜੀਤ ਸਿੰਘ ਜੋਗੀ ਗੱਦੀ ਨਸ਼ੀਨ ਬਾਬਾ ਸ਼ਾਹ ਹੁਸੈਨ ਤਲਵੰਡੀ ਚੌਧਰੀਆਂ ਵੱਲੋਂ ਐਨਆਰਆਈ ਵੀਰਾਂ ਅਤੇ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ। ਬਾਬਾ ਜੋਗੀ ਸਾਈ ਅਤੇ ਉਨਾਂ ਦੇ ਫਰਜੰਦ ਜਸ਼ਨ ਪ੍ਰੀਤ ਸਿੰਘ ਭਲਵਾਨ ਨੇ ਸਾਂਝੇ ਤੌਰ ਤੇ ਦੱਸਿਆ ਕਿ 15 ਜੁਲਾਈ ਨੂੰ ਲੋੜਵੰਦ ਪਰਿਵਾਰਾਂ ਦੀਆਂ ਲੜਕੀਆਂ ਦੇ ਵਿਆਹ ਕਰਵਾਏ ਜਾਣਗੇ। 16 ਜੁਲਾਈ ਨੂੰ  ਪੰਜਾਬ ਦੇ ਨਾਮਵਰ ਕਲਾਕਾਰ ਦਾਮਨ ਸੂਫੀ, ਚੰਨੀ ਗਿੱਲ, ਰਹਿਮਤ ਅਲੀ ਕਵਾਲ , ਸਰਦਾਰ ਅਲੀ ,ਆਸਰਾਫ ਸਾਬਰੀ ਕਵਾਲ, ਰਜਾ ਸਿਸਟਰ ਆਪਣੇ ਸੂਫੀ ਕਲਾਮ ਰਾਹੀਂ ਨਿਸ਼ਚਿਤ ਸਮੇਂ ਅਨੁਸਾਰ ਸਟੇਜ ਤੋਂ ਆਪਣੀ ਹਾਜਰੀ ਲਵਾਉਣਗੇ। ਸਮਾਂ ਸੱਦੇ ਕਲਾਕਾਰਾਂ ਨੂੰ ਹੀ ਦਿੱਤਾ ਜਾਵੇਗਾ। ਬਾਬਾ ਜੋਗੀ ਸਾਈਂ ਨੇ ਅੱਗੇ ਦੱਸਿਆ ਕਿ 17 ਜੁਲਾਈ ਦਿਨ ਸ਼ੁਕਰਵਾਰ ਨੂੰ ਜਗਜੀਤ ਰੈਸਲਿੰਗ ਅਕੈਡਮੀ ਵਰਿਆਣਾ ਦੇ ਸੰਚਾਲਕ ਜਗਜੀਤ ਸਿੰਘ ਸਰੋਆ ਏ ਆਈ ਜੀ ਜਲੰਧਰ ਦੀ ਰੇਖ ਦੇਖ ਹੇਠ ਸਮੁੱਚਾ ਛਿੰਝ ਮੇਲਾ ਕਰਵਾਇਆ ਜਾਵੇਗਾ। ਇਸ ਦਿਨ ਸਮਾਗਮ ਦੇ ਮੁੱਖ ਮਹਿਮਾਨ ਰਾਣਾ ਗੁਰਜੀਤ ਸਿੰਘ ਐਮਐਲਏ ਕਪੂਰਥਲਾ ਅਤੇ ਵਿਸ਼ੇਸ਼ ਮਹਿਮਾਨ ਰਾਣਾ ਇੰਦਰ ਪ੍ਰਤਾਪ ਸਿੰਘ ਐਮਐਲਏ ਸੁਲਤਾਨਪੁਰ ਲੋਧੀ ਪਹਿਲਵਾਨਾਂ ਨੂੰ ਅਸ਼ੀਰਵਾਦ ਦੇਣਗੇ। ਬਾਬਾ ਸੁਖਜੀਤ ਸਿੰਘ ਜੋਗੀ ਵੱਲੋਂ ਮੁਖ ਮਹਿਮਾਨ , ਜੇਤੂ ਪਹਿਲਵਾਨਾ ਅਤੇ  ਸਖਸ਼ੀਅਤਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਜਾਵੇਗਾ