ਨਗਰ ਪੰਚਾਇਤ ਘਨੌਰ ਦੇ ਸਾਰੇ 11 ਵਾਰਡਾਂ ਚ ਪੜ੍ਹੇ ਲਿੱਖੇ ਸੁਝਵਾਨ ਉਮੀਦਵਾਰ     

ਆਮ ਆਦਮੀ ਪਾਰਟੀ ਨੇ ਯੂਥ ਆਗੂਆਂ ਤੇ ਪ੍ਰਗਟਾਇਆ ਭਰੋਸਾ :- ਇੰਦਰਜੀਤ ਸਿਆਲੂ

ਘਨੌਰ, 13 ਦਸੰਬਰ (ਅਭਿਸ਼ੇਕ ਸੂਦ) ਹਲਕਾ ਵਿਧਾਇਕ ਗੁਰਲਾਲ ਘਨੌਰ ਦੀ ਰਹਨੁਮਾਈ ਹੇਠ ਆਮ ਆਦਮੀ ਪਾਰਟੀ ਵੱਲੋਂ ਨਗਰ ਪੰਚਾਇਤ ਘਨੌਰ ਦਿਆਂ ਚੋਣਾਂ ਲਈ ਸਾਰੇ 11 ਵਾਰਡਾਂ ਚ ਪੜ੍ਹੇ ਲਿੱਖੇ ਸੁਝਵਾਨ ਉਮੀਦਵਾਰ ਨੂੰ ਚੋਣ ਮੈਦਾਨ ਵਿੱਚ ਉਤਾਰਿਆ ਗਿਆ ਹੈ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦਿਆਂ ਸੀਨੀਅਰ ਆਪ ਆਗੂ ਇੰਦਰਜੀਤ ਸਿੰਘ ਸਿਆਲੂ ਨੇ ਕਿਹਾ, ਇੱਕ ਵਾਰ ਫਿਰ ਪਾਰਟੀ ਨੇ ਯੂਥ ਆਗੂਆਂ ਤੇ ਵਧੇਰੇ ਭਰੋਸਾ ਪ੍ਰਗਟਾਇਆ ਹੈ। ਇਹਨਾਂ ਉਮੀਦਵਾਰਾਂ ਦਾ ਪਿਛੋਕੜ ਪਾਰਟੀ ਵਿੱਚ ਯੂਥ ਆਗੂਆਂ ਵਜੋਂ ਕੰਮ ਕਰਨਾ ਉਸ ਤੋਂ ਬਾਅਦ ਲੰਘੀਆਂ ਚੋਣਾਂ ਵਿੱਚ ਜਿੱਤ ਲਈ ਅਹਿਮ ਭੂਮਿਕਾ ਨਿਭਾਉਣਾ, ਨਾਲ ਨਾਲ ਪਾਰਟੀ ਵਿੱਚ ਯੂਥ ਆਗੂਆਂ ਨੂੰ ਵਧੇਰੇ ਗਿਣਤੀ ਵਿੱਚ ਜੋੜਨਾ ਕਾਰਜ ਇਹਨਾਂ ਉਮੀਦਵਾਰਾਂ ਦੇ ਹਿੱਸੇ ਆਇਆ ਹੈ।  ਪਾਰਟੀ ਦੀਆਂ ਹਰ ਗਤੀਵਿਧੀਆਂ ਵਿੱਚ ਇਹ ਆਪ ਆਗੂ ਪਾਰਟੀ ਦੀ ਮਜਬੂਤੀ ਲਈ ਅਹਿਮ ਭੂਮਿਕਾ ਨਿਭਾ ਚੁੱਕੇ ਹਨ। ਜਦ ਹਲਕਾ ਵਿਧਾਇਕ ਗੁਰਲਾਲ ਘਨੌਰ ਵੱਲੋਂ ਉਹਨਾਂ ਦੇ ਨਾਂ ਦੀ ਘੋਸ਼ਣਾ ਕੀਤੀ ਗਈ ਤਾਂ ਘਨੌਰ ਸ਼ਹਿਰ ਵਾਸੀਆਂ ਤੇ ਪਾਰਟੀ ਵਰਕਰਾਂ ਵਿੱਚ ਖੁਸ਼ੀ ਦੀ ਲਹਿਰ ਦੌੜ ਗਈ ਅਤੇ ਉਹਨਾਂ ਦੇ ਸਮਰਥਕਾਂ ਨੇ ਵੱਡੀ ਗਿਣਤੀ ਵਿੱਚ ਲੱਡੂ ਵੰਡ ਕੇ ਜਸ਼ਨ ਵੀ ਮਨਾਇਆ। ਸਾਰੇ 11 ਵਾਰਡਾਂ ਦੇ ਉਮੀਦਵਾਰਾਂ  ਨੇ ਅੱਜ ਆਪਣੇ ਸਮਰਥਕਾਂ ਸਮੇਤ ਆਪਣੇ ਆਪਣੇ ਵਾਰਡਾਂ ਲਈ ਨਾਮਜ਼ਦ ਪੱਤਰ ਵੀ ਭਰ ਦਿੱਤੇ ਗਏ ਹਨ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਇੰਦਰਜੀਤ ਸਿੰਘ ਸਿਆਲੂ ਨੇ ਦੱਸਿਆ ਕਿ ਪਾਰਟੀ ਨੇ ਜੋ ਜਿੰਮੇਵਾਰੀ ਇਹਨਾਂ ਯੂਥ ਆਗੂਆਂ ਨੂੰ ਸੋਂਪੀ ਹੈ ਉਹ ਤਨ ਦੇਹੀ ਨਾਲ ਨਿਭਾਉਣਗੇ ਅਤੇ

ਆਪਣੇ ਸਮਰਥਕਾਂ ਅਤੇ ਵਾਰਡ ਦੇ ਵਸਨੀਕਾਂ ਦੇ ਦਿਲ ਜਿੱਤ ਕੇ ਸਾਰੀਆਂ 11 ਵਾਰਡ ਜਿੱਤ ਕੇ ਪਾਰਟੀ ਦੀ ਝੋਲੀ ਵਿੱਚ ਪਾਉਣਗੇ। ਉਹਨਾਂ ਪਾਰਟੀ ਸੀਨੀਅਰ ਆਗੂਆਂ ਦੇ ਨਾਲ ਨਾਲ ਸਰਦਾਰ ਭਗਵੰਤ ਸਿੰਘ ਮਾਨ ,ਪਾਰਟੀ ਦੇ ਸੂਬਾ ਪ੍ਰਧਾਨ ਅਮਨ ਅਰੋੜਾ ਅਤੇ ਹੋਰਨਾਂ ਦਾ ਆਗੂਆਂ ਦਾ ਵੀ ਧੰਨਵਾਦ ਕੀਤਾ ।