Manpreet Singh
ਗਿੱਦੜਬਾਹਾ, 10 ਜੁਲਾਈ (ਮਨੀਸ਼ ਚਾਵਲਾ ) – ਗਿੱਦੜਬਾਹਾ ਪੁਲਿਸ ਨੇ ਇਕ ਮਹਿਲਾ ਨੂੰ 106 ਗ੍ਰਾਮ ਹੈਰੋਇਨ ਸਮੇਤ ਗਿ੍ਰਫਤਾਰ ਕਰਕੇ ਉਸਦੇ ਖਿਲਾਫ ਮੁਕੱਦਮਾ ਦਰਜ ਕੀਤਾ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਐੱਸ.ਐੱਸ.ਓ. ਪਰਵਿੰਦਰ ਸਿੰਘ ਨੇ ਦੱਸਿਆ ਕਿ ਐੱਚ.ਸੀ. ਜਸਮੀਤ ਸਿੰਘ ਸਮੇਤ ਪੁਲਿਸ ਪਾਰਟੀ ਜਿਸ ਵਿਚ ਮਹਿਲਾ ਸਿਪਾਹੀ ਪਿ੍ਰਅੰਕਾ ਰਾਣੀ ਵੀ ਸ਼ਾਮਿਲ ਸਨ, ਨਾਲ ਦੌਰਾਨੇ ਗਸ਼ਤ ਟਰੀਟਮੈਂਟ ਪਲਾਟ ਗਿੱਦੜਬਾਹਾ ਨੇੜੇ ਮਲੋਟ ਰੋਡ ਤੋਂ ਲਿੰਕ ਰੋਡ ਢਾਣੀਆਂ ਗਿੱਦੜਬਾਹਾ ਨੂੰ ਜਾ ਰਹੇ ਸੀ ਤਾਂ ਸੜਕ ਦੇ ਨਾਲ ਕਿੱਕਰ ਦੇ ਹੇਠਾਂ ਇਕ ਔਰਤ ਆਪਣੇ ਹੱਥ ਵਿਚ ਪਕੜੇ ਪਾਰਦਰਸ਼ੀ ਮੋਮੀ ਲਿਫਾਫੇ ਵਿਚ ਫਰੋਲਾ ਫਰਾਲੀ ਕਰ ਰਹੀ ਸੀ, ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਘਬਰਾ ਗਈ ਅਤੇ ਮੌਕਾ ਤੋਂ ਖਿਸਕਣ ਲੱਗੀ, ਤਾਂ ਮਹਿਲਾ ਸਿਪਾਹੀ ਪਿ੍ਰਅੰਕਾ ਰਾਣੀ ਨੇ ਉਕਤ ਔਰਤ ਨੂੰ ਕਾਬੂ ਕਰਕੇ ਜਦੋਂ ਉਸਦੇ ਉਕਤ ਹੱਥ ਵਿਚ ਪਕੜੇ ਹੋਏ ਮੋਮੀ ਲਿਫਾਫੇ ਦੀ ਤਲਾਸ਼ੀ ਲਈ ਤਾਂ ਉਸ ਵਿਚੋਂ 106 ਗ੍ਰਾਮ ਹੈਰੋਇਨ ਬਰਾਮਦ ਹੋਈ। ਪੁਲਿਸ ਵੱਲੋਂ ਕਾਬੂ ਕੀਤੀ ਗਈ ਮਹਿਲਾ ਦੀ ਪਹਿਚਾਣ ਰਮਨੀਤ ਕੌਰ ਉਰਫ ਰਮਨ ਪਤਨੀ ਸੁਰਿੰਦਰ ਸਿੰਘ ਵਾਸੀ ਨੇੜੇ ਤਾਰਾ ਆਟਾ ਚੱਕੀ ਨੇੜੇ ਡੀਏਵੀ ਸਕੂਲ ਗਿੱਦੜਬਾਹਾ ਵਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਨੇ ਉਕਤ ਰਮਨੀਤ ਕੌਰ ਦੇ ਖਿਲਾਫ ਐੱਨਡੀਪੀਐੱਸ ਅਧੀਨ ਮੁਕੱਦਮਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਫੋਟੋ ਫਾਈਲ –
ਫੋਟੋ ਕੈਪਸ਼ਨ – ਹੈਰੋਇਨ ਸਮੇਤ ਕਾਬੂ ਕੀਤੀ ਗਈ ਮਹਿਲਾ ਪੁਲਿਸ ਪਾਰਟੀ ਨਾਲ ਅਤੇ ਮਾਮਲੇ ਸੰਬੰਧੀ ਜਾਣਕਾਰੀ ਦਿੰਦੇ ਐੱਸ.ਐੱਸ.ਓ. ਪਰਵਿੰਦਰ ਸਿੰਘ।
