Manpreet Singh
ਗਿੱਦੜਬਾਹਾ, 13 ਜੁਲਾਈ (ਮਨੀਸ਼ ਚਾਵਲਾ) – ਥਾਣਾ ਗਿੱਦੜਬਾਹਾ ਪੁਲਿਸ ਨੇ ਲੁੱਟ ਦੀ ਯੋਜਨਾ ਬਣਾਉਂਦੇ 8 ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਡੀ.ਐੱਸ.ਪੀ. ਜਤਿੰਦਰ ਸਿੰਘ ਨੇ ਦੱਸਿਆ ਕਿ ਏ.ਐੱਸ.ਆਈ. ਬਲਦੇਵ ਸਿੰਘ ਸਮੇਤ ਪੁਲਿਸ ਪਾਰਟੀ ਗਸ਼ਤ ਅਤੇ ਚੈਕਿੰਗ ਦੌਰਾਨ ਭਾਰੂ ਚੌਂਕ ਗਿੱਦੜਬਾਹਾ ਵਿਖੇ ਮੌਜੂਦ ਸੀ ਤਾਂ ਮੁਖਬਰ ਨੇ ਇਤਲਾਹ ਦਿੱਤੀ ਕਿ ਪਿ੍ਰੰਸ ਕੁਮਾਰ ਪੁੱਤਰ ਸਾਗਰ ਕੁਮਾਰ, ਹਿਮਾਂਸ਼ੂ ਉਰਫ ਨੰਨਾ ਪੁੱਤਰ ਮਦਨ ਲਾਲ, ਮਨੀਸ਼ ਕੁਮਾਰ ਪੁੱਤਰ ਨਿੱਕਾ ਕੁਮਾਰ ਵਾਸੀਆਨ ਗਿੱਦੜਬਾਹਾ, ਆਯੂਸ਼ ਕੁਮਾਰ ਪੁੱਤਰ ਅਨਿਲ ਕੁਮਾਰ ਵਾਸੀ ਬਠਿੰਡਾ, ਅਜੇ ਕੁਮਾਰ ਪੁੱਤਰ ਜਸਪਾਲ ਸਿੰਘ ਵਾਸੀ ਰੱਤਾ ਖੇੜਾ ਹਾਲ ਆਬਾਦ ਬਠਿੰਡਾ ਕੈਂਟ, ਜਤਿਨ ਕੁਮਾਰ ਪੁੱਤਰ ਰਿੰਕੂ ਕੁਮਾਰ, ਸਾਹਿਲ ਕੁਮਾਰ ਪੁੱਤਰ ਫੌਜੀ ਸਿੰਘ, ਕਿ੍ਰਸ਼ ਗੋਇਲ ਪੁੱਤਰ ਅਸ਼ੋਕ ਕੁਮਾਰ ਵਾਸੀਆਨ ਬਠਿੰਡਾ ਨੇ ਗਿਰੋਹ ਬਣਾਇਆ ਹੋਇਆ ਹੈ, ਜੋ ਲੁੱਟਾ ਖੋਹਾਂ ਕਰਨ ਦਾ ਆਦੀ ਹੈ ਅਤੇ ਅੱਜ ਉਕਤ ਵਿਅਕਤੀ ਮਾਰੂ ਹਥਿਆਰਾਂ ਨਾਲ ਲੈਸ ਹੋ ਕੇ ਦਾਣਾ ਮੰਡੀ ਗਿੱਦੜਬਾਹਾ ਦੇ ਗੇਟ ਦੇ ਨਜਦੀਕ ਇਕ ਝੂੰਡ ਵਿਚ ਬੈਠੇ ਹਨ। ਉਕਤ ਵਿਅਕਤੀ ਸ਼ਹਿਰ ਗਿੱਦੜਬਾਹਾ ਅਤੇ ਆਸਪਾਸ ਦੇ ਪਿੰਡਾਂ ਵਿਚ ਡਕੈਤੀ ਜਾਂ ਹੋਰ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਤਿਆਰੀ ਕਰ ਰਹੇ ਹਨ। ਉਨਾਂ ਦੱਸਿਆ ਕਿ ਉਕਤ ਮਾਮਲੇ ਵਿਚ ਤੁਰੰਤ ਕਾਰਵਾਈ ਕਰਦੇ ਹੋਏ ਪੁਲਿਸ ਨੇ ਮੌਕੇ ਤੇ ਹਿਮਾਂਸ਼ੂ ਉਰਫ ਨੰਨਾ, ਮਨੀਸ਼ ਕੁਮਾਰ, ਆਯੂਸ਼ ਕੁਮਾਰ, ਅਜੇ ਕੁਮਾਰ, ਜਤਿਨ ਕੁਮਾਰ, ਸਾਹਿਲ ਕੁਮਾਰ ਅਤੇ ਕਿ੍ਰਸ਼ ਗੋਇਲ ਨੂੰ ਗਿ੍ਰਫਤਾਰ ਕਰ ਲਿਆ ਹੈ, ਜਦੋਂਕਿ ਪਿ੍ਰੰਸ ਕੁਮਾਰ ਅਜੇ ਪੁਲਿਸ ਦੀ ਗਿ੍ਰਫਤ ਤੋਂ ਬਾਹਰ ਹੈ। ਪੁਲਿਸ ਨੇ ਉਕਤ ਕਥਿਤ ਦੋਸ਼ੀਆਨ ਪਾਸੋਂ 2 ਦਸਤੇ, 2 ਤਲਵਾਰਾਂ, 1 ਲੋਹੇ ਦੀ ਪੱਤੀ ਵਾਲੀ ਤਲਵਾਰ, 1 ਟੋਕਾ ਅਤੇ ਖੰਡਾਨੁਮਾ ਤਲਵਾਰ ਬਰਾਮਦ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਉਕਤ ਵਿਅਕਤੀਆਂ ਦੇ ਖਿਲਾਫ ਪੁਲਿਸ ਵੱਲੋਂ ਵੱਖ ਵੱਖ ਧਾਰਾਵਾਂ ਅਧੀਨ ਮੁਕੱਦਮਾ ਦਰਜ ਇੰਨਾਂ ਨੂੰ ਮਾਨਯੋਗ ਅਦਾਲਤ ਵਿਖੇ ਪੇਸ਼ ਕੀਤਾ ਜਾ ਰਿਹਾ ਹੈ, ਜਿੱਥੋਂ ਅਦਾਲਤ ਪਾਸੋਂ ਇੰਨਾਂ ਦੇ ਪੁਲਿਸ ਰਿਮਾਂਡ ਦੀ ਮੰਗ ਕੀਤੀ ਜਾਵੇਗੀ ਅਤੇ ਹੋਰ ਪੁੱਛਗਿੱਛ ਕੀਤੀ ਜਾਵੇਗੀ ਕਿ ਇੰਨਾਂ ਨੇ ਕਿਥੇ ਕਿੱਥੇ ਵਾਰਦਾਤਾਂ ਨੂੰ ਦੇਣਾ ਸੀ ਜਾਂ ਇਸ ਤੋਂ ਪਹਿਲਾਂ ਕਿਥੇ ਕਿਥੇ ਵਾਰਦਾਤਾਂ ਕਰ ਚੁੱਕੇ ਹਨ। ਉਨ੍ਹਾਂ ਦੱਸਿਆ ਕਿ ਅੱਜ ਕਾਬੂ ਕੀਤੇ ਗਏ ਕਥਿਤ ਦੋਸ਼ੀਆਨ ਵਿਚੋਂ ਹਿਮਾਂਸ਼ੂ ਉਰਫ ਨੰਨਾ, ਆਯੂਸ਼ ਅਤੇ ਕਿ੍ਰਸ਼ ਗੋਇਲ ਦੇ ਖਿਲਾਫ ਪਹਿਲਾਂ ਹੀ ਵੱਖ ਵੱਖ ਮੁਕੱਦਮੇ ਦਰਜ ਹਨ।
