ਅਧਿਆਪਕ ਪ੍ਰਮੋਦ ਧੀਰ ਨੇ ਯੂਨੀਵਰਸਿਟੀ ਕਾਲਜ ਜੈਤੋ ਦੀ ਲਾਇਬਰੇਰੀ ਲਈ 40 ਕਿਤਾਬਾਂ ਦਾਨ ਕੀਤੀਆਂ

ਜੈਤੋ 17 ਜੁਲਾਈ (ਗੁਰਦੀਪ ਸਿੰਘ ਢਿੱਲੋਂ ): ਪਿਛਲੇ ਦਿਨੀਂ ਪ੍ਰਮੋਦ ਧੀਰ ਕੰਪਿਊਟਰ ਅਧਿਆਪਕ ਸਰਕਾਰੀ ਹਾਈ ਸਕੂਲ ਢੈਪਈ ਜ਼ਿਲ੍ਹਾ ਫਰੀਦਕੋਟ ਨੇ ਯੂਨੀਵਰਸਿਟੀ ਕਾਲਜ ਜੈਤੋ ਦੀ ਲਾਇਬਰੇਰੀ ਲਈ ਲਗਭਗ 40 ਕਿਤਾਬਾਂ ਦਾਨ ਕੀਤੀਆਂ। ਉਹਨਾਂ ਨੇ ਯੂਨੀਵਰਸਿਟੀ ਕਾਲਜ ਜੈਤੋ ਦੇ ਇੰਚਾਰਜ਼ ਪ੍ਰਿੰਸੀਪਲ ਸਮਰਾਟ ਖੰਨਾ ਅਤੇ ਪੋਸਟ ਗਰੈਜੂਏਟ ਪੰਜਾਬੀ ਵਿਭਾਗ ਦੇ ਮੁਖੀ ਪ੍ਰੋ ਪਰਮਿੰਦਰ ਸਿੰਘ ਤੱਗੜ ਦੀ ਅਗਵਾਈ ਹੇਠ ਇਹ ਕਿਤਾਬਾਂ ਯੂਨੀਵਰਸਿਟੀ ਕਾਲਜ ਜੈਤੋ ਦੀ ਲਾਇਬਰੇਰੀ ਲਈ ਦਾਨ ਕੀਤੀਆਂ। ਇਹਨਾਂ ਕਿਤਾਬਾਂ ਵਿੱਚ ਅਧਿਆਪਕ ਪ੍ਰਮੋਦ ਧੀਰ ਦੀ ਖੁਦ ਦੀ ਲਿਖੀ ਕਿਤਾਬ “ਜਗਦੀ ਅੱਖ ਜਗਾਏ ਆਸ” ਦੀਆਂ 5 ਕਾਪੀਆਂ ਅਤੇ 35 ਦੇ ਕਰੀਬ ਹੋਰ ਵੱਖ ਵੱਖ ਵਿਸ਼ਿਆਂ ਵਾਲੀਆਂ ਕਿਤਾਬਾਂ ਕਾਲੇਜ ਦੀ ਲਾਇਬਰੇਰੀ ਲਈ ਦਾਨ ਕੀਤੀਆਂ ਗਈ। ਕਾਲਜ਼ ਦੇ ਪੰਜਾਬੀ ਲੈਕਚਰਾਰ ਡਾ ਹਲਵਿੰਦਰ ਸਿੰਘ, ਰੁਪਿੰਦਰਪਾਲ ਸਿੰਘ ਧਰਮਸੋਤ, ਪ੍ਰੋ ਸ਼ਿਲਪਾ ਕਾਂਸਲ, ਲਾਇਬ੍ਰੇਰੀਅਨ ਮੀਨਾਕਸ਼ੀ ਜੋਸ਼ੀ ਅਤੇ ਸਮੂਹ ਸਟਾਫ਼ ਨੇ ਪ੍ਰਮੋਦ ਧੀਰ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਪ੍ਰਿੰਸੀਪਲ  ਸਮਰਾਟ ਖੰਨਾ ਨੇ ਪ੍ਰਮੋਦ ਧੀਰ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਇਹ ਕਿਤਾਬਾਂ ਕਾਲਜ ਦੇ ਵਿਦਿਆਰਥੀਆਂ ਲਈ ਬਹੁਤ ਹੀ ਲਾਭਕਾਰੀ ਹੋਣਗੀਆਂ। ਇਸ ਮੌਕੇ ਪੱਤਰਕਾਰ ਅਸ਼ੋਕ ਧੀਰ ਅਤੇ ਜ਼ਿਲ੍ਹਾ ਡਿਪਟੀ ਮਾਸ ਮੀਡੀਆ ਅਫਸਰ ਸੁਧੀਰ ਧੀਰ ਵੀ ਹਾਜ਼ਰ ਸਨ ।