ਕਪੂਰਥਲਾ, 20 ਜੁਲਾਈ ( ਕੌੜਾ )- ਬਾਬਾ ਸੁਖਜੀਤ ਸਿੰਘ ਜੋਗੀ ਵੱਲੋਂ ਪੀਰ ਬਾਬਾ ਸ਼ਾਹ ਹੁਸੈਨ ਜੀ ਦੇ ਕਰਵਾਏ ਜਾ ਰਹੇ ਇੱਕਵੇ ਤਿੰਨ ਰੋਜਾ ਛਿੰਝ ਮੇਲੇ ਦੇ ਤੀਸਰੇ ਦਿਨ ਜਗਜੀਤ ਸਿੰਘ ਸਰੋਆ ਸੰਚਾਲਕ ਰੈਸਲਿੰਗ ਅਕੈਡਮੀ ਵਰਿਆਣਾ (ਜਲੰਧਰ) ਦੀ ਸਰਪ੍ਰਸਤੀ ਹੇਠ ਸ਼ਾਨਦਾਰ ਦੰਗਲ ਕਰਵਾਇਆ ਗਿਆ। ਜਿਸ ਵਿੱਚ ਦੇਸ਼ ਦੇ 11 ਅਖਾੜਿਆਂ ਦੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪਹਿਲਵਾਨਾਂ ਨੇ ਭਾਗ ਲਿਆ। ਇਸ ਤੋਂ ਪਹਿਲਾਂ ਬਾਬਾ ਸੁਖਬੀਰ ਜੋਗੀ, ਛੋਟੀ ਸਰਕਾਰ ਜਸ਼ਨਪ੍ਰੀਤ ਸਿੰਘ ਅਤੇ ਸੰਗਤ ਵੱਲੋਂ ਰਵਾਇਤੀ ਦਰਬਾਰ ਮੀਰਾ ਪਾਤਸ਼ਾਹ ਦੇ ਦਰਬਾਰ ਤੇ ਚਾਦਰ ਚੜਾਉਣ ਦੀ ਰਸਮ ਅਦਾ ਕੀਤੀ। ਪਟਕੇ ਦੀ ਕੁਸ਼ਤੀ ਪਹਿਲਵਾਨ ਹਾਮਿਦ ਇਰਾਨੀ ਅਤੇ ਸ਼ਾਨਵੀਰ ਕੋਹਲੀ ਦੇ ਦਰਮਿਆਨ ਹੋਈ। ਥੋੜਾ ਸੰਘਰਸ਼ ਕਰਨ ਉਪਰੰਤ ਸ਼ਾਨਵੀਰ ਕੋਹਲੀ ਨੇ ਇਰਾਨੀ ਨੂੰ ਚਿੱਤ ਕਰਕੇ ਪਟਕੇ ਦੀ ਕੁਸ਼ਤੀ ਜਿੱਤ ਲਈ। ਬਾਬਾ ਸੁਖਜੀਤ ਸਿੰਘ ਜੋਗੀ ਵੱਲੋਂ ਪਟਕੇ ਦੀ ਰਾਸ਼ੀ ਸਮੇਤ ਵਿਸ਼ੇਸ਼ ਤੌਰ ਤੇ ਸ਼ਾਨਵੀਰ ਨੂੰ ਗੁਰਜ ਨਾਲ ਸਨਮਾਨਿਤ ਕੀਤਾ। ਵੱਖ-ਵੱਖ ਅਖਾੜਿਆਂ ਦੇ ਨਾਮਵਰ ਪਹਿਲਵਾਨਾਂ ਨੇ ਆਪਣੇ ਵਿਰੋਧੀਆਂ ਨੂੰ ਚਿੱਤ ਕੀਤਾ। ਲੜਕੀਆਂ ਪਹਿਲਵਾਨਾਂ ਦੀਆਂ ਕੁਸ਼ਤੀਆਂ ਦਾ ਵੀ ਦਰਸ਼ਕਾਂ ਨੇ ਆਨੰਦ ਮਾਣਿਆ। ਕੁਸ਼ਤੀਆਂ ਕਰਾਉਣ ਦੀ ਭੂਮਿਕਾ ਸਬ ਇੰਸਪੈਕਟਰ ਮਨਦੀਪ ਕੁਮਾਰ ਸ਼ਰਮਾ, ਰਜਿੰਦਰ ਵਰਿਆਣਾ ਅਕੈਡਮੀ, ਪਰਮਿੰਦਰ ਸਿੰਘ ਭੋਜੇਵਾਲ, ਲਹਿਬਰ ਸਿੰਘ ਨਵਾਂ ਪਿੰਡ ਕਾਲੀਆਂ,ਪਦਾਰਥ ਕੁਹਾਲੀ, ਮਲਕੀਤ ਕਾਂਜਲੀ, ਗੋਲੂ ਕੋਚ ਮੁੱਲਾਂਪੁਰ ਨੇ ਬਾਖੂਬੀ ਨਿਭਾਈ। ਵਿਰਾਸਤੀ ਖੇਡਾਂ ਵਿੱਚ ਬਾਜ਼ੀਗਰਾਂ ਵੱਲੋਂ ਬਾਜੀਆਂ ਪਾਈਆਂ ਗਈਆਂ। ਗੋਪ ਰਾਹੀਂ ਮੰਜੇ ਉੱਪਰ ਦੀ 15 ਫੁੱਟ ਛਾਲ ਮਾਰ ਕੇ ਛੀਂਟਕੇ ਵਰਗੇ ਨੌਜਵਾਨ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਛਿਨ ਮੇਲੇ ਦੀ ਕਮਂਟਰੀ ਸੋਢੀ ਟਿੱਬਾ ਨੇ ਬਾਖੂਬੀ ਕੀਤੀ। ਇਸ ਮੌਕੇ ਤੇ ਬਾਬਾ ਸੁਖਜੀਤ ਸਿੰਘ ਜੋਗੀ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਖੇਡਾਂ ਹੀ ਹਨ ਜੋ ਜਵਾਨੀ ਨੂੰ ਨਸ਼ਿਆਂ ਤੋਂ ਦੂਰ ਰੱਖ ਸਕਦੀਆਂ ਹਨ। ਮੁਕਾਬਲੇ ਵਿੱਚ ਪਏ ਨੌਜਵਾਨ ਸਿਰਫ ਆਪਣੀ ਜਿੱਤ ਵੱਲ ਹੀ ਖਿਆਲ ਰੱਖਦੇ ਹਨ ਜਿਸ ਕਰਕੇ ਉਹ ਹੋਰ ਬੁਰਿਆਈਆਂ ਤੋਂ ਬਚੇ ਰਹਿੰਦੇ ਹਨ। ਆਈਆਂ ਸੰਗਤਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਇਸ ਮੌਕੇ ਤੇ ਮਾਤਾ ਸੁਰਿੰਦਰ ਕੌਰ, ਕੁਲਵੰਤ ਕੌਰ,ਸਰਪੰਚ ਬਲਵਿੰਦਰ ਸਿੰਘ ਲੱਡੂ, ਤਰਸੇਮ ਸਿੰਘ ਅਮਰਕੋਟ , ਏਐਸਆਈ ਨਸੀਬ ਸਿੰਘ, ਬਲਜੀਤ ਸਿੰਘ ਬਾਜਵਾ,ਮਨਜੀਤ ਸਿੰਘ ਲਾਲੀ ,ਅੰਗਰੇਜ਼ ਸਿੰਘ ,ਦਵਿੰਦਰ ਸਿੰਘ ਓਠੀ,ਭਿਦਾ ਹੋਟੀ ਨੰਬਰਦਾਰ, ਅਸ਼ੋਕ ਕੁਮਾਰ ਆਰਸੀਐਫ, ਰਜਿੰਦਰ ਸ਼ਰਮਾ ਇੰਸਪੈਕਟਰ ਪੰਜਾਬ ਪੁਲਿਸ, ਰੇਸ਼ਮ ਸਿੰਘ ਰੌਣਕੀ ਭਲਵਾਨ, ਕੁਲਦੀਪ ਸਿੰਘ ਚੰਦੀ ਯੂਐਸ ਏ, ਯਾਦਵਿੰਦਰ ਸਿੰਘ ਓਠੀ, ਦਿਲਬਾਗ ਸਿੰਘ ਮਹਿਤਪੁਰ, ਕਮਲ ਕੁਮਾਰ ਬਿੱਟੂ, ਰਣਜੀਤ ਸਿੰਘ ਰਾਣਾ ਕਬੱਡੀ ਪ੍ਰਮੋਟਰ, ਸਤਨਾਮ ਸਿੰਘ ਸਾਬੀ, ਗੋਪੀ ਟਿੱਬਾ, ਹਰਜੀਤ ਸਿੰਘ ਰਾਣਾ ਸੁਆਮੀ, ਜਸਵਿੰਦਰ ਸਿੰਘ ਸੋਨੂ,ਦਰਸ਼ਨ ਸਿੰਘ ਸੰਧੂ ,ਜਤਿੰਦਰ ਸਿੰਘ ਸੰਧੂ, ਜੀਤ ਸਿੰਘ ਕੋਚ ,ਰਾਜਨ ਕੁਮਾਰ ਤਲਵੰਡੀ ਗੁਰਜੀਤ ਸਿੰਘ ,ਹਰਬੰਸ ਸਿੰਘ ,ਵਿਕਾਸ ਲਵ,ਬਲਵਿੰਦਰ ਸਿੰਘ ਯੂਕੇ, ਬਿੰਦਰ ਮੰਡ, ਸੰਤੋਖ ਸਿੰਘ ਸਾਬਕਾ ਇੰਸਪੈਕਟਰ ,ਹਰਪ੍ਰੀਤ ਸਿੰਘ ਰੀਡਰ ਜਗੀਰ ਸਿੰਘ ਲੰਬੜ ,ਕਮਲਜੀਤ ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ, ਭਿੰਦਾ ਕਬੱਡੀ ਖਿਡਾਰੀ, ਸਿੱਧਾ ਸਤਾਰ ਸਿੰਘ ਲੱਡੂ ਆਦਿ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ।
Manpreet Singh
Manpreet Singh
