ਇੱਕੋ ਸਿਟੀ ਟੂ ‘ਚ ਆਰ.ਡਬਲਿਊ.ਏ ਵੱਲੋਂ ਵਿਸ਼ਾਲ ਪੌਦਾ ਰੋਪਣ ਮੁਹਿੰਮ ਛਾਦਾਰ ਅਤੇ ਫਲਦਾਰ ਬੂਟੇ ਲਗਾਏ 

ਮਾਜਰੀ 3ਅਗਸਤ (ਜਗਦੇਵ ਸਿੰਘ )ਵਾਤਾਵਰਨ ਨੂੰ ਸਾਫ਼-ਸੁਥਰਾ ਅਤੇ ਹਰਿਆ-ਭਰਿਆ ਬਣਾਉਣ ਦੇ ਮਕਸਦ ਨਾਲ ਇੱਕੋ ਸਿਟੀ ਟੂ ਵਿਖੇ ਰੈਜ਼ੀਡੈਂਟ ਵੈਲਫੇਅਰ ਐਸੋਸੀਏਸ਼ਨ ਵੱਲੋਂ ਵਿਸ਼ਾਲ ਪੌਦਾ ਰੋਪਣ ਮੁਹਿੰਮ ਚਲਾਈ ਗਈ। ਇਸ ਮੌਕੇ ਸੁਸਾਇਟੀ ਦੇ ਵਸਨੀਕਾਂ ਨੇ ਵੱਡੀ ਗਿਣਤੀ ‘ਚ ਸ਼ਿਰਕਤ ਕੀਤੀ।ਇਸ ਮੁਹਿੰਮ ਦੌਰਾਨ ਸੁਸਾਇਟੀ ਦੇ ਵੱਖ-ਵੱਖ ਹਿੱਸਿਆਂ  ਬੂਟੇ ਲਗਾਏ ਗਏ। ਆਰ.ਡਬਲਿਊ.ਏ ਦੇ ਅਹੁਦੇਦਾਰਾਂ ਨੇ ਦੱਸਿਆ ਕਿ ਇਸ ਮੁਹਿੰਮ ਦਾ ਮੁੱਖ ਮੰਤਵ ਸੁਸਾਇਟੀ ‘ਚ ਹਰਿਆਵਲ ਵਧਾਉਣਾ ਅਤੇ ਵਾਤਾਵਰਨ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨਾ ਹੈ।ਇਸ ਮੌਕੇ ਪੰਜਾਬੀ ਗਾਇਕ ਰੁਪਿੰਦਰ ਸੋਹੀ ਨੇ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕੀਤੀ। ਉਨ੍ਹਾਂ ਆਰ.ਡਬਲਿਊ.ਏ ਦੇ ਅਹੁਦੇਦਾਰਾਂ ਦੇ ਨਾਲ ਮਿਲ ਕੇ ਬੂਟੇ ਲਗਾਏ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਰੁੱਖ ਹੀ ਸਾਡਾ ਭਵਿੱਖ ਹਨ। ਹਰ ਨਾਗਰਿਕ ਨੂੰ ਚਾਹੀਦਾ ਹੈ ਕਿ ਉਹ ਆਪਣੇ ਜੀਵਨ ‘ਚ ਘੱਟੋ-ਘੱਟ ਇੱਕ ਬੂਟਾ ਜ਼ਰੂਰ ਲਗਾਵੇ। ਅੱਜ ਲਗਾਏ ਗਏ ਇਹ ਬੂਟੇ ਆਉਣ ਵਾਲੀਆਂ 250 ਸਾਲਾਂ ਤੱਕ ਸਾਡੀਆਂ ਪੀੜ੍ਹੀਆਂ ਨੂੰ ਆਕਸੀਜਨ ਅਤੇ ਛਾਂ ਪ੍ਰਦਾਨ ਕਰਨਗੇ।ਆਰ.ਡਬਲਿਊ.ਏ ਦੇ ਅਹੁਦੇਦਾਰਾਂ ਨੇ ਕਿਹਾ ਕਿ ਸੁਸਾਇਟੀ ‘ਚ ਲਗਾਏ ਗਏ ਸਾਰੇ ਬੂਟਿਆਂ ਦੀ ਸਾਂਭ-ਸੰਭਾਲ ਦੀ ਜ਼ਿੰਮੇਵਾਰੀ ਸਾਰੇ ਵਸਨੀਕ ਮਿਲ ਕੇ ਨਿਭਾਉਣਗੇ, ਤਾਂ ਜੋ ਇਹ ਬੂਟੇ ਵੱਡੇ ਰੁੱਖਾਂ ਦਾ ਰੂਪ ਧਾਰਨ ਕਰ ਸਕਣ ਇਸ ਮੌਕੇ ਰਮੇਸ਼ ਜੈਨ ਆਸ਼ੀਸ਼ ਬਾਂਸਲ ਕੁਲਬੀਰ ਸੈਣੀ ਨਵੀਨ ਕੁਮਾਰ ਲਖਵਿੰਦਰ ਸਿੰਘ ਅਸ਼ਲੇਸ਼ ਕੁਮਾਰ ਰਾਜੀਵ ਕੁਮਾਰ ਆਦੀ ਹਾਜਰ ਸਨ