ਕੈਂਟਰ ਯੂਨੀਅਨ ਕਾਠਗੜ੍ਹ ਅਤੇ ਬਲਾਚੌਰ ਵਲੋਂ ਸ੍ਰੀ ਸ਼ਿਵ ਕਾਂਵੜੀਆਂ ਲਈ ਲੰਗਰ ਲਗਾਏ ਗਏ ਹਨ ।

ਨਵਾਂਸ਼ਹਿਰ /ਕਾਠਗੜ੍ਹ 10 ਅਗਸਤ (ਜਤਿੰਦਰ ਪਾਲ ਸਿੰਘ ਕਲੇਰ ) ਰੋਪੜ ਬਲਾਚੌਰ ਨੈਸ਼ਨਲ ਹਾਈਵੇ ਪਿੰਡ ਭਰਥਲਾ ਵਿਖੇ ਕੈਂਟਰ ਯੂਨੀਅਨ ਕਾਠਗੜ੍ਹ ਅਤੇ ਯੂਨੀਅਨ ਬਲਾਚੌਰ ਵਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਸ੍ਰੀ ਸ਼ਿਵ ਭਗਤਾਂ, ਕਾਂਵੜੀਆਂ ਲਈ ਫਲ ਫਰੂਟ, ਮਠਿਆਈਆਂ, ਦੁੱਧ ਦੇ ਲੰਗਰ ਲਗਾਏ ਗਏ ਹਨ। ਇਹ ਲੰਗਰ ਸ਼ਿਵ ਕਾਂਵੜੀਏ ਜੋ ਕਿ ਸ੍ਰੀ ਹਰਿਦੁਆਰ ਤੋਂ ਗੰਗਾ ਜਲ ਲੈ ਕੇ ਪੈਦਲ ਯਾਤਰਾ ਕਰਦੇ ਹੋਏ ਵੱਖ ਵੱਖ ਇਲਾਕਿਆਂ ਦੇ ਮੰਦਿਰਾਂ ਵਿਚ ਜਲਾਭਿਸੇਕ ਕਰਦੇ ਹਨ, ਉਨ੍ਹਾਂ ਦੀ ਸਹੁਲਤ ਲਈ ਵਰਤਾਏ ਜਾਂਦੇ ਹਨ। ਨਾਲ ਹੀ ਉਨ੍ਹਾਂ ਦੇ ਅਰਾਮ ਕਰਨ ਅਤੇ ਦਵਾਈਆਂ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਜਾਂਦੀ ਹੈ। ਇਹ ਲੰਗਰ ਪੰਜ ਦਿਨ ਲਗਾਤਾਰ ਵਰਤਾਏ ਜਾਂਦੇ ਹਨ। ਇਸ ਮੌਕੇ ਪ੍ਰਧਾਨ ਧਰਮਪਾਲ ਕੋਹਲੀ, ਬਿੱਟੂ ਲਿਬੜਾ,ਚਮਨ ਲਾਲ ਭਾਟੀਆ, ਨਿਹਾਲ ਸਿੰਘ,ਜੈ ਪਾਲ ਸਰਪੰਚ, ਮੋਹਨ ਲਾਲ,ਨੰਦ ਲਾਲ,ਮਨੀ,ਦੇਬੀ ਕੋਹਲੀ, ਵਿਜੇ ਕੋਹਲੀ ਅਤੇ ਸਤਨਾਮ ਸੇਵਾ ਵਿੱਚ ਜੁਟੇ ਹੋਏ ਸਨ।