ਨਗਰ ਕੌਂਸਲ ਦੇ ਪ੍ਰਧਾਨ ਬਲਜੀਤ ਸਿੰਘ ਬਾਸੀ ਨੇ ਨੈਣਾਂ ਦੇਵੀ ਭੰਡਾਰੇ ਲਈ ਸਮੱਗਰੀ ਦੇ ਟਰੱਕਾਂ ਨੂੰ ਝੰਡੀ  ਦੇ ਕੇ ਕੀਤਾ ਰਵਾਨਾ                                   

ਤਪਾ ਮੰਡੀ 12 ਅਗਸਤ (ਗੋਲਡੀ ਵਿਆਸ) ਸਥਾਨਕ ਭਾਰਤੀ ਸਨਾਤਨ ਧਰਮ ਮਹਾਵੀਰ ਦਲ ਵੱਲੋਂ 37ਵਾਂ ਵਿਸ਼ਾਲ ਭੰਡਾਰਾ ਮਾਂ ਨੈਣਾ ਦੇਵੀ ਹਿਮਾਚਲ ਪ੍ਰਦੇਸ਼ ਵਿਖੇ ਲਗਾਇਆ ਜਾ ਰਿਹਾ ਹੈ ਜਿਸ ਦੇ ਸਬੰਧ ਵਿੱਚ ਦੋ ਗੱਡੀਆਂ ਰਾਸ਼ਨ ਸਮੱਗਰੀ ਦੀਆਂ ਨਗਰ ਕੌਂਸਲ ਦੇ ਪ੍ਰਧਾਨ ਬਲਜੀਤ  ਸਿੰਘ ਬਾਸੀ, ਮੀਤ ਪ੍ਰਧਾਨ ਮਨੀਸ਼ ਕੁਮਾਰ ਗਰਗ ਅਤੇ ਕੌਂਸਲਰ ਧਰਮਪਾਲ  ਸ਼ਰਮਾ ਵੱਲੋਂ ਝੰਡੀ ਦੇ ਕੇ ਰਵਾਨਾ ਕੀਤੀਆਂ। ਇਸ ਮੌਕੇ ਉਹਨਾਂ ਕਿਹਾ ਕਿ ਪਿਛਲੇ 36 ਸਾਲ ਤੋਂ ਮਾਂ ਨੈਣਾ ਦੇਵੀ ਦਰਬਾਰ ਤੇ 37ਵਾਂ ਭੰਡਾਰਾ 13 ਅਗਸਤ ਤੋਂ 21 ਅਗਸਤ ਤੱਕ  ਲਗਾਇਆ ਜਾ ਰਿਹਾ ਹੈ ਜੋ ਕਿ ਬਹੁਤ ਹੀ ਸ਼ਲਾਘਾਯੋਗ ਕਦਮ ਹੈ ਇਸ ਲਈ ਉਹਨਾਂ ਦਾਨੀ ਸੱਜਣਾਂ ਨੂੰ ਅਪੀਲ ਕੀਤੀ ਕਿ ਦਲ ਨੂੰ ਵੱਧ ਤੋਂ ਵੱਧ ਸਹਿਯੋਗ ਦਿੱਤਾ ਜਾਵੇ ਤਾਂ ਜੋ ਹੋਰ ਵੀ ਵਧੀਆ ਕਾਰਜ ਕਰ ਸਕਣ। ਇਸ ਮੌਕੇ ਪੰਡਿਤ ਭੂਸ਼ਣ ,ਰਾਜਾ ਢਿੱਲਵਾਂ ਵੱਲੋਂ ਮੁੱਖ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਸ਼ਾਮਾਂ ਹਲਵਾਈ ,ਰੋਹਿਤ ਕੁਮਾਰ, ਸੀਤਾ ਆਇਸਕਰੀਮ ਵਾਲਾ ,ਭੋਲੂ ਕੁਮਾਰ ,ਅੱਛਰੂ ਰਾਮ ਆਦਿ ਹਾਜ਼ਰ ਸਨ।