ਬਜ਼ਾਰ ਅੰਦਰ ਕੈਂਟਰ ਦੇ ਨਾਲ ਬਿਜਲੀ ਦੀਆਂ ਤਾਰਾਂ ਅੜਨ ਕਰਕੇ ਮੀਟਰ ਬਕਸਾ ਡਿੱਗਿਆ 

ਗੁਰੂਹਰਸਹਾਏ, 27 ਅਗਸਤ (ਪੰਜਾਬ ਦਾ ਖੁਲਾਸਾ) ਹਲਕਾ ਗੁਰੂਹਰਸਹਾਏ ਦੇ ਬਜ਼ਾਰ ਅੰਦਰ ਨੇੜੇ ਸ੍ਰੀ ਰਾਧਾ ਕ੍ਰਿਸ਼ਨ ਮੰਦਰ ਵਾਲੀ ਗਲੀ ਵਿੱਚ ਲੱਗੇ ਮੀਟਰ ਬਕਸੇ ਦੇ ਦੀਆਂ ਉੱਪਰ ਜਾ ਰਹੀਆਂ ਬਿਜਲੀ ਦੀਆਂ ਤਾਰਾਂ ਦੇ ਨਾਲ ਕੈਂਟਰ ਦੇ ਅੜਨ ਕਰਕੇ ਉੱਪਰ ਲੱਗੀਆਂ ਤਾਰਾਂ ਥੱਲੇ ਡਿੱਗ ਪਈਆਂ ਉੱਥੇ ਹੀ ਮੀਟਰ ਬਕਸਾ ਵੀ ਡਿੱਗ ਪਿਆ ਜਿਸ ਨਾਲ ਤਾਰਾਂ ਵਿੱਚ ਹਾਈ ਵੋਲਟੇਜ ਕਰੰਟ ਵੀ ਆ ਗਿਆ। ਕੈਂਟਰ ਅੜਨ ਕਰਕੇ ਗਲੀ ਵਾਸੀ ਸਹਿਮ ਗਏ ਅਤੇ ਬਿਜਲੀ ਵੀ ਗੁੱਲ ਹੋ ਗਈ।ਇਸ ਸਬੰਧੀ ਜਦ ਗਲੀ ਵਾਸੀਆਂ ਨੂੰ ਪਤਾ ਲੱਗ ਗਿਆ ਤਾਂ ਉਹਨਾਂ ਨੇ ਤੁਰੰਤ ਬਿਜਲੀ ਵਿਭਾਗ ਦੀਆਂ ਅਧਿਕਾਰੀਆਂ ਨੂੰ ਸੁਚਿਤ ਕੀਤਾ ਅੱਜ ਇਸ ਤੋਂ ਬਾਅਦ ਮੌਕੇ ਤੇ ਬਿਜਲੀ ਵਿਭਾਗ ਦੇ ਅਧਿਕਾਰੀਆਂ ਵੱਲੋਂ ਪਹੁੰਚ ਕੇ ਬਿਜਲੀ ਨੂੰ ਬੰਦ ਕਰਵਾ ਕੇ ਉਹਦੀ ਮੁਰੰਮਤ ਕਰਵਾਈ ਜਾ ਰਹੀ ਹੈ।