ਪਿਛਲੀ ਦਿਨੀ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋ ਅੱਠਵੀ ਕਲਾਸ ਦੇ ਐਲਾਨਿਆ ਨਤੀਜਿਆ ਚ ਆਦਰਸ਼ ਪਬਲਿਕ ਸਕੂਲ ਬਜੀਦਪੁਰ ਦਾ ਰਿਹਾ ਨਤੀਜਾ ਸ਼ਾਨਦਾਰ।

ਫਿਰੋਜ਼ਪੁਰ 7 ਅਪ੍ਰੈਲ (ਅਸ਼ੋਕ ਭਾਰਦਵਾਜ) ਪਿਛਲੀ ਦਿਨੀ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋ ਅੱਠਵੀ ਕਲਾਸ ਦਾ ਨਤੀਜਾ ਐਲਾਨਿਆ ਗਿਆ। ਜਿਸ ਚ ਆਦਰਸ਼ ਪਬਲਿਕ ਸਕੂਲ ਬਜੀਦਪੁਰ (ਫਿਰੋਜ਼ਪੁਰ) ਦੇ 20 ਬੱਚਿਆ ਚੋ 10 ਬੱਚਿਆ ਨੇ 90% ਤੋ ਉਪਰ ਅੰਕ ਪ੍ਰਾਪਤ ਕਰਕੇ ਮੱਲਾਂ ਮਾਰੀਆਂ। ਸਕੂਲ ਦੀਆਂ ਤਿੰਨ ਹੋਣਹਾਰ ਵਿਦਿਆਰਥਣਾਂ ਨੇ 98% ਤੋ ਉਪਰ ਨੰਬਰ ਲੈ ਕੇ ਨਾਮਨਾ ਖੱਟਿਆ। ਜਿਸ ਚ ਮਹਿਕਪ੍ਰੀਤ ਨੇ 587/600 (98%) ਅੰਕ ਪ੍ਰਾਪਤ ਕਰਕੇ ਸਕੂਲ ਚੋ ਪਹਿਲਾਂ ਸਥਾਨ ਤੇ ਜਿਲੇ ਚੋ ਤੇਹਰਵਾ ਸਥਾਨ ਪ੍ਰਾਪਤ ਕੀਤਾ,ਅਮਰਪ੍ਰੀਤ ਕੋਰ ਨੇ 583/600 (97:2%), ਅੰਕ ਪ੍ਰਾਪਤ ਕਰਕੇ ਦੂਸਰਾ ਸਥਾਨ ਅਤੇ ਯਾਮਿਤਾ ਸ਼ਰਮਾ ਨੇ 580/600 (96:6%) ਅੰਕ ਲੈ ਕੇ ਸਕੂਲ ਚੋ ਤੀਜਾ ਸਥਾਨ ਪ੍ਰਾਪਤ ਕਰਕੇ ਜਿਥੇ ਸਕੂਲ ਦਾ ਨਾਮ ਰੋਸ਼ਨ ਕੀਤਾ ਉਥੇ ਹੀ ਆਪਣੇ ਮਾਪਿਆ ਦਾ ਨਾਮ ਰੁਸ਼ਨਾਇਆ। ਸਕੂਲ ਪ੍ਰਿੰਸੀਪਲ ਦਰਸ਼ਨ ਲਾਲ ਵਲੋ ਇਹਨਾਂ ਬੱਚੀਆਂ ਦੀ ਹੌਸਲਾ ਅਫਜਾਈ ਲਈ ਸਵੇਰ ਦੀ ਪ੍ਰਾਥਨਾ ਸਭਾ ਚ ਸਨਮਾਨਿਤ ਕੀਤਾ ਗਿਆ ਤੇ ਬਾਕੀ ਸਕੂਲ ਦੇ ਵਿਦਿਆਰਥੀਆਂ ਨੂੰ ਇਹਨਾ ਬੱਚੀਆਂ ਤੋ ਸੇਧ ਲੈਣ ਲਈ ਪ੍ਰੇਰਿਤ ਕੀਤਾ ਗਿਆ।