ਸਿਵਲ ਹਸਪਤਾਲ ਵਿਚ ਆਨਲਾਈਨ ਰਜਿਸਟਰੇਸ਼ਨ ਲਈ ਸਕੈਨ ਐਂਡ ਸ਼ੇਅਰ ਫੀਚਰ ਲਾਗੂ-ਸਿਵਲ ਸਰਜਨ

ਫ਼ਗਵਾੜਾ- 9 ਅਪ੍ਰੈਲ (ਪ੍ਰੀਤ ਕੌਰ) ਸਰਕਾਰੀ ਹਸਪਤਾਲਾਂ ਵਿਚ ਮਰੀਜ਼ਾਂ ਦੀ ਸਹੂਲਤ ਤੇ ਸਮੇਂ ਦੀ ਬੱਚਤ ਲਈ ਆਭਾ ਆਈ. ਡੀ.ਯਾਨੀ ਕਿ ਆਯੁਸ਼ਮਾਨ ਭਾਰਤ ਹੈਲਥ ਅਕਾਊਂਟ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਉਕਤ ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ ਕਪੂਰਥਲਾ ਡਾ. ਰਿਚਾ ਭਾਟੀਆ ਨੇ ਦਸਿਆ ਕਿ ਇਸ ਪ੍ਰੋਗਰਾਮ ਤਹਿਤ ਹੁਣ ਮਰੀਜ਼ਾਂ ਨੂੰ ਪਰਚੀ ਕਟਵਾਉਣ ਲਈ ਲੰਬੀ ਕਤਾਰਾਂ ਵਿਚ ਲੱਗਣ ਦੀ ਲੋੜ ਨਹੀਂ। ਜ਼ਿਕਰਯੋਗ ਹੈ ਕਿ ਇਸ ਤਹਿਤ ਸਿਵਲ ਹਸਪਤਾਲ ਵਿਚ ਮਰੀਜ਼ਾਂ ਦੀ ਓ.ਪੀ.ਡੀ.ਰਜਿਸਟਰੇਸ਼ਨ ਅਤੇ ਆਨਲਾਈਨ ਟੋਕਨ ਜੇਨਰੇਟ ਕਰਨ ਲਈ ਸਕੈਨ ਐਂਡ ਸ਼ੇਅਰ ਫੀਚਰ ਵੀ ਲਾਗੂ ਕੀਤਾ ਗਿਆ ਹੈl ਸਿਵਲ ਸਰਜਨ ਡਾ.ਰਿਚਾ ਭਾਟੀਆ ਨੇ ਇਹ ਵੀ ਦਸਿਆ ਕਿ ਇਸ ਤਹਿਤ ਮਰੀਜ਼ ਆਪਣੇ ਫੋਨ ਦੀ ਆਭਾ ਐਪ ਹਸਪਤਾਲ ਦਾ ਕਉ ਆਰ ਕੋਡ ਸਕੈਨ ਕਰ ਕੇ ਆਪਣੀ ਓ.ਪੀ.ਡੀ.ਪਰਚੀ ਸਿਰਫ ਟੋਕਨ ਨੰਬਰ ਦਾ ਕੇ ਪ੍ਰਾਪਤ ਕਰ ਸਕਦੇ ਹਨ। ਇਸ ਸਹੂਲਤ ਦਾ ਲਾਭ ਇਹ ਇਹ ਕਿ ਇਕ ਤਾਂ ਮਰੀਜ਼ ਦੇ ਸਮੇਂ ਦੀ ਬੱਚਤ ਹੋ ਰਹੀ ਹੈ ਦੂਸਰਾ ਡਾਟਾ ਐਂਟਰੀ ਦੌਰਾਨ ਹੋਣ ਵਾਲੀਆਂ ਗਲਤੀਆਂ ਵਿੱਚ ਵੀ ਸੁਧਾਰ ਹੋਏਗਾ। ਸਿਵਲ ਸਰਜਨ ਨੇ ਇਹ ਵੀ ਦਸਿਆ ਕਿ ਉਕਤ ਆਭਾ ਆਈ.ਡੀ.ਮਰੀਜ਼ ਦੀ ਇਕ ਡਿਜੀਟਲ ਮੈਡੀਕਲ ਫਾਈਲ ਤਿਆਰ ਕਰ ਦਯੇਗੀ ਜਿਸ ਨਾਲ ਮਰੀਜ਼ ਨੂੰ ਅਪਣਾ ਮੈਡੀਕਲ ਰਿਕਾਰਡ ਵੀ ਨਾਲ ਲਿਜਾਣ ਦੀ ਵੀ ਜ਼ਰੂਰਤ ਨਹੀਂ ਪਏਗੀ। ਓਹਨਾਂ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੀ ਆਭਾ ਆਈ ਡੀ ਬਣਵਾਉਣ ਤਾਂ ਜੌ ਸਰਕਾਰ ਦੀ ਇਸ ਸਹੂਲਤ ਦਾ ਵੱਧ ਤੋਂ ਵੱਧ ਲਾਭ ਲਿਆ ਜਾ ਸਕੇ।