ਸਾਨੂੰ ਸਾਰੇ ਧਰਮਾਂ ਦੇ ਤਿਉਹਾਰ ਮਿਲ-ਜੁਲ ਕੇ ਮਨਾਉਣੇ ਚਾਹੀਦੇ ਹਨ – ਧਰਮਾ ਪ੍ਰਧਾਨ

ਅੰਮ੍ਰਿਤਸਰ, 15 ਅਪ੍ਰੈਲ (ਦਿਨੇਸ਼ ਸੋਨੀ ) ਸਥਾਨਕ ਛੇਹਰਟਾ ਚੌਂਕ ਵਿਖੇ ਵਿਸਾਖੀ ਦੇ ਪਵਿਤਰ ਤਿਉਹਾਰ ਦੇ ਸੰਬੰਧ ਵਿੱਚ ਸਰਬੱਤ ਦੇ ਭਲੇ ਲਈ ਜੀ.ਟੀ ਰੋਡ ਛੇਹਰਟਾ ਦੇ ਸਮੂੰਹ ਦੁਕਾਨਦਾਰਾਂ ਵੱਲੋਂ ਇਲਾਕਾਨਿਵਾਸੀਆਂ ਦੇ ਸਹਿਯੋਗ ਨਾਲ ਧਰਮਾ ਪ੍ਰਧਾਨ ਛੇਹਰਟਾ ਦੀ ਅਗਵਾਈ ਵਿੱਚ ਵਿਸ਼ਾਲ ਭੰਡਾਰੇ ਦਾ ਆਯੋਜਨ ਕੀਤਾ ਗਿਆ।ਇਸ ਮੌਕੇ ਵੱਖ-ਵੱਖ ਤਰ੍ਹਾਂ ਦੇ ਪਕਵਾਨਾਂ ਦੇ ਅਤੁੱਟ ਲੰਗਰ ਵਰਤਾਏ ਗਏ।ਇਸ ਮੌਕੇ ਧਰਮਾ ਪ੍ਰਧਾਨ ਛੇਹਰਟਾ ਨੇ ਦੱਸਿਆ ਕਿ ਦੁਕਾਨਦਾਰ ਐਸੋਸੀਏਸ਼ਨ ਛੇਹਰਟਾ ਵੱਲੋਂ ਵੱਖ-ਵੱਖ ਤਿਉਹਾਰਾਂ ‘ਤੇ ਅਪਣੀ ਨੇਕ ਕਮਾਈ ਵਿੱਚੋਂ ਦਸਵੰਧ ਕੱਢ ਕੇ ਲੰਗਰ ਲਗਾਏ ਜਾਂਦੇ ਹਨ ਅਤੇ ਧਾਰਮਿਕ ਸਮਾਗਮ ਕਰਵਾਏ ਜਾਂਦੇ ਹਨ।ਉਨ੍ਹਾਂ ਕਿਹਾ ਕਿ ਭਾਰਤ ਦੇਸ਼ ਹੀ ਅਜਿਹਾ ਦੇਸ਼ ਹੈ ਜਿਥੇ ਸਾਰੇ ਧਰਮਾਂ ਦੇ ਦਿਨ ਤਿਉਹਾਰ ਲੋਕ ਆਪਸ ਵਿੱਚ ਮਿਲ ਜੁਲਕੇ ਮਨਾਉਂਦੇ ਹਨ।ਇਸ ਮੌਕੇ ਸਾਬਕਾ ਕੌਂਸਲਰ ਅਵਿਨਾਸ਼ ਸ਼ੈਲਾ,ਸਾਬਕਾ ਕੌਂਸਲਰ ਅਰਵਿੰਦ ਸ਼ਰਮਾ,ਡਾ.ਸੰਦੀਪ ਜਵਾਹਰ ਨਗਰ,ਸੁਰਿੰਦਰ ਕੁਮਾਰ ਸ਼ਿੰਦਾ,ਸਤਨਾਮ ਸਿੰਘ,ਬਲਵਿੰਦਰ ਕੁਮਾਰ,ਰਿੰਕੂ,ਸ਼ੇਰਾ,ਕੁਲਵੰਤ ਸਿੰਘ,ਅਰੁਣ ਕੁਮਾਰ,ਮਨਿੰਦਰ ਸਿੰਘ,ਕਾਲਾ,ਬੰਟੀ ਮੋਟਾ,ਸੁੱਖਾ ਮੱਲੀ,ਸਾਹਿਲ ਕੁਮਾਰ,ਸੰਨੀ ਕੱਕੜ,ਵੰਸ਼ ਕੱਕੜ,ਅੰਸ਼ ਕੱਕੜ,ਰਮਨ ਖੰਡਵਾਲਾ,ਨੀਤੀਸ਼ ਕੱਕੜ,ਅਦੀਪ ਕੱਕੜ, ਹਰਸ਼ ਕੱਕੜ ਆਦਿ ਹਾਜ਼ਰ ਸਨ।