Manpreet Singh
ਨੂਰਪੁਰ ਬੇਦੀ 16 ਅਪ੍ਰੈਲ ਦਲਜੀਤ ਚਨੌਲੀ ਪਿੰਡ ਚੌਤਾ ਵਿਖੇ ਡਾਕਟਰ ਭੀਮ ਰਾਓ ਅੰਬੇਦਕਰ ਜੀ ਦਾ 134 ਵਾਂ ਜਨਮਦਿਨ ਬੜੇ ਹੀ ਧੂਮ ਧਾਮ ਨਾਲ ਮਨਾਇਆ ਗਿਆ। ਜਿਸ ਦਾ ਆਗਾਜ ਸ੍ਰੀ ਕਵਲਜੀਤ ਸਿੰਘ ਵਲੋਂ ਡਾਕਟਰ ਅੰਬੇਦਕਰ ਜੀ ਦੇ ਜੀਵਨ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕੀਤਾ ।ਇਸ ਮੌਕੇ ਪੰਚ ਜਰਨੈਲ ਸਿੰਘ ਵੱਲੋਂ ਵੀ ਡਾਕਟਰ ਅੰਬੇਦਕਰ ਜੀ ਦੇ ਜੀਵਨ ਬਾਰੇ ਚਾਨਣਾ ਪਾਇਆ। ਇਸ ਉਪਰੰਤ ਪ੍ਰਿੰਸੀਪਲ ਸ਼੍ਰੀਮਤੀ ਸੁਨੀਤਾ ਲੋਚਨ ਨੇ ਬੱਚਿਆਂ ਨੂੰ ਪੜ੍ਨ ਲਈ ਪ੍ਰੇਰਿਤ ਕੀਤਾ ਅਤੇ ਪੜ੍ਹਾਈ ਦੀ ਅਹਿਮੀਅਤ ਬਾਰੇ ਦੱਸਿਆ ।ਉਹਨਾਂ ਤੋਂ ਬਾਅਦ ਮੁੱਖ ਮਹਿਮਾਨ ਮਾਸਟਰ ਰਾਮਪਾਲ ਜੀ ਨੰਗਲ ਵੱਲੋਂ ਡਾਕਟਰ ਅੰਬੇਦਕਰ ਜੀ ਨੂੰ ਸ਼ਰਧਾਂਜਲੀ ਦੇ ਫੁੱਲ ਭੇਂਟ ਕੀਤੇ ਗਏ ਅਤੇ ਡਾਕਟਰ ਸਾਹਿਬ ਦੇ ਜੀਵਨ ਬਾਰੇ ਅਤੇ ਉਹਨਾਂ ਦੁਆਰਾ ਕੀਤੇ ਗਏ ਸੰਘਰਸ਼ ਬਾਰੇ ਲੋਕਾਂ ਨੂੰ ਦੱਸਿਆ ।ਇਸ ਉਪਰੰਤ ਪਿੰਡ ਚੋਤਾ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਹੋਣਹਾਰ ਵਿਦਿਆਰਥੀਆਂ ਨੂੰ ਸ੍ਰੀ ਰਾਮ ਸਿੰਘ ਦਿੱਲੀ ਵੱਲੋਂ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਗਿਆ਼। ਇਸ ਸ਼ੁਭ ਮੌਕੇ ਤੇ ਪਿੰਡ ਦੇ ਸਰਪੰਚ ਕਮਲਜੀਤ ਸਿੰਘ, ਪੰਚ ਜਰਨੈਲ ਸਿੰਘ, ਪੰਚ ਸੁਮਨ ਦੇਵੀ,ਪੰਚ ਜਗਤਾਰ ਕੌਰ, ਪੰਜ ਸੁਰਜੀਤ ਕੌਰ, ਮੈਡਮ ਸੋਨਿਕਾ ਹੀਰਾ, ਰਾਜਕੁਮਾਰ ਫੌਜੀ, ਰਾਮ ਦਿਆਲ ਫੌਜੀ,ਖੁਸ਼ੀ ਰਾਮ, ਗੁਰਦੇਵ ਸਿੰਘ, ਕਮਲ,ਗੁਰਚਰਨ ਸਿੰਘ ਕਾਕਾ, ਅਤੇ ਪਿੰਡ ਦੇ ਸਾਰੇ ਪਤਵੰਤੇ ਸੱਜਣ ਮੌਜੂਦ ਸਨ।
