ਹਵਾਲਦਾਰ ਵਾਲੀ ਗਲੀ `ਚ ਬਲਾਕ ਸੀਵਰੇਜ਼ ਕਾਰਨ ਪ੍ਰੇਸ਼ਾਨ

ਸ਼੍ਰੀ ਮੁਕਤਸਰ ਸਾਹਿਬ, 03 ਅਪ੍ਰੈਲ ()- ਸੀਵਰੇਜ ਵਿਭਾਗ ਦੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਵੱਲੋਂ ਲਗਾਤਾਰ ਸ਼ਹਿਰ ਵਿੱਚ ਸੀਵਰੇਜ਼ ਦੀ ਸਮੱਸਿਆ ਨਾਲ ਜੂਝ ਰਹੇ ਲੋਕਾਂ ਨੂੰ ਰਾਹਤ ਦੁਆਉਣ ਲਈ ਅਧੁਨਿਕ ਤਕਨੀਕ ਨਾਲ ਲੈਂਸ ਮਸ਼ੀਨਾਂ ਦੀ ਮੱਦਦ ਨਾਲ ਯੋਗ ਉਪਰਾਲੇ ਕੀਤੇ ਜਾ ਰਹੇ ਹਨ।ਪਰ ਇਸ ਦੇ ਚੱਲਦਿਆ ਸ਼੍ਰੀ ਦਰਬਾਰ ਸਾਹਿਬ ਦੇ ਛੋਟਾ ਤਲਾਅ ਨਜ਼ਦੀਕ ਹਵਾਲਦਾਰ ਵਾਲੀ ਗਲੀ ਤੋਂ ਸੀਵਰੇਜ਼ ਜਾਮ ਹੋਣ ਦਾ ਸਮਾਚਾਰ ਮਿਲਿਆ।ਇਥੋ ਦੇ ਮੁਹੱਲਾ ਨਿਵਾਸੀਆਂ ਲਖਵਿੰਦਰ ਸਿੰਘ ਲਾਡੀ, ਸੁੱਖੀ ਭੁੱਲੀਰ, ਵਿਜੈ ਜੈਨ, ਵਿਨੈ, ਡਾਂ ਅਜੈ ਕੁਮਾਰ, ਬਲਦੇਵ ਸਿੰਘ, ਰਾਜ ਕੁਮਾਰ ਤੇ ਨਿੱਕਾ ਬਰਾੜ ਨੇ ਦੱਸਿਆ ਕਿ ਪਿਛਲੇਂ ਕਰੀਬ 3 ਦਿਨਾਂ ਤੋਂ ਸੀਵਰੇਜ਼ ਬਲਾਕ ਹੋਣ ਕਾਰਨ ਮੁਹੱਲਾ ਨਿਵਾਸੀਆਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ।
ਕੀ ਕਹਿਣਾ ਐਸ ਡੀ ਓ ਜਗਮੋਹਨ ਸਿੰਘ ਦਾ
ਉਧਰ ਜਦੋਂ ਸਾਡੇ ਪੱਤਰਕਾਰ ਵੱਲੋਂ ਵਿਭਾਗ ਦੇ ਐਸ ਡੀ ਓ ਜਗਮੋਹਨ ਸਿੰਘ ਨਾਲ ਇਸ ਸਮੱਸਿਆ ਸਬੰਧੀ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਨੇ ਮੁਹੱਲਾ ਨਿਵਾਸੀਆਂ ਦੀ ਪ੍ਰੇਸ਼ਾਨੀ ਨੂੰ ਵਾਚਦੇ ਹੋਏ ਤੁਰੰਤ ਹੀ ਕਰਮਚਾਰੀਆਂ ਕੰਪਲੇਟ ਦੂਰ ਕਰਨ ਦੇ ਹੁਕਮ ਦਿੱਤੇ ਤੇ ਨਾਲ ਹੀ ਉਨ੍ਹਾਂ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਜਿਸ ਕਿਸੇ ਮੁਹੱਲੇ ਵਿੱਚ ਲੋਕਾਂ ਨੂੰ ਸੀਰਵੇਜ਼ ਸਬੰਧੀ ਪ੍ਰੇਸ਼ਾਨੀ ਆਉਂਦੀ ਹੈ ਤਾਂ ਉਹ ਤੁਰੰਤ ਸਾਡੇ ਨਾਲ ਸੰਪਰਕ ਕਰ ਸਕਦੇ ਹਨ।ਉਨ੍ਹਾਂ ਕਿਹਾ ਕਿ ਸ਼ਹਿਰ ਨੂੰ ਸਾਫ ਸੁਥਰਾ ਰੱਖਣਾਂ ਸਾਡਾ ਮੁੱਢਲਾ ਫਰਜ਼ ਹੈ, ਤੇ ਉਨ੍ਹਾਂ ਲੋਕਾਂ ਨੂੰ ਇਹ ਵੀ ਅਪੀਲ ਕੀਤੀ ਕਿ ਆਪਣੇ ਘਰਾਂ ਦੇ ਸੀਵਰੇਜ਼ ਚੈਬਰਾਂ ਨੂੰ ਢੱਕ ਕੇ ਰੱਖਿਆ ਜਾਵੇ ਤਾਂ ਜੋ ਇਨ੍ਹਾਂ ਰਾਹੀਂ ਪਲਾਸਟਿਕ ਦੇ ਲਿਫਾਫੇ ਜਾਂ ਫਿਰ ਕੋਈ ਹੋਰ ਅਜਿਹੀ ਵਸਤੂ ਸੀਵਰੇ਼ਜ ਦੇ ਮੇਨ ਹੋਲਾਂ ਵਿੱਚ ਨਾ ਜਾ ਸਕੇ ਜੋ ਸੀਵਰੇ਼ਜ ਬਲਾਕਿੰਗ ਦਾ ਕਾਰਨ ਬਣਦੀਆਂ ਹਨ।
ਕੈਪਸ਼ਨ: ਮੁਹੱਲੇ ਦੀਆਂ ਸੜ੍ਹਕਾਂ `ਤੇ ਫੈਲਿਆ ਸੀਵਰੇਜ਼ ਦਾ ਪਾਣੀ।
ਫੋਟੋ ਫਾਇਲ: ਐਮਕੇਐਸ 03-02