Manpreet Singh
ਕਪੂਰਥਲਾ, ਜੂਨ ( ਕੌੜਾ )-ਪ੍ਰੈੱਸ ਕਲੱਬ ਕਪੂਰਥਲਾ ਦੇ ਗਠਨ ਲਈ ਵੱਖ-ਵੱਖ ਅਖ਼ਬਾਰਾਂ ਦੇ ਇੰਚਾਰਜਾਂ, ਅਖ਼ਬਾਰਾਂ ਤੇ ਵੱਖ-ਵੱਖ ਚੈਨਲਾਂ ਦੇ ਨੁਮਾਇੰਦਿਆਂ ਦੀ ਇਕ ਮੀਟਿੰਗ ਹੋਈ | ਮੀਟਿੰਗ ਵਿਚ ਵਿਚਾਰ ਵਟਾਂਦਰੇ ਉਪਰੰਤ ਪੱਤਰਕਾਰਾਂ ਵਲੋਂ ਇਸ ਨਵੇਂ ਮੰਚ ਦੇ ਪ੍ਰਧਾਨ ਤੇ ਸਕੱਤਰ ਦੀ ਚੋਣ ਪ੍ਰਕਿਰਿਆ ਆਰੰਭ ਹੋਈ, ਜਿਸ ਵਿਚ ਸੀਨੀਅਰ ਪੱਤਰਕਾਰਾਂ ਦੀ 8 ਮੈਂਬਰੀ ਕਮੇਟੀ ਨੇ ਪ੍ਰੈੱਸ ਕਲੱਬ ਕਪੂਰਥਲਾ ਦੇ ਪ੍ਰਧਾਨ ਤੇ ਜਨਰਲ ਸਕੱਤਰ ਦੀ ਸਰਬਸੰਮਤੀ ਨਾਲ ਚੋਣ ਕੀਤੀ | ਚੋਣ ਦੌਰਾਨ ਸੰਦੀਪ ਓਬਰਾਏ ਨੂੰ ਪ੍ਰਧਾਨ ਤੇ ਅਮਰਜੀਤ ਸਿੰਘ ਸਡਾਨਾ ਦੀ ਜਨਰਲ ਸਕੱਤਰ ਵਜੋਂ ਚੋਣ ਕੀਤੀ ਗਈ | ਕਲੱਬ ਦੇ ਮੈਂਬਰ ਤੇ ਸੀਨੀਅਰ ਪੱਤਰਕਾਰਾਂ ਨੇ ਨਵਨਿਯੁਕਤ ਪ੍ਰਧਾਨ ਸੰਦੀਪ ਓਬਰਾਏ ਤੇ ਜਨਰਲ ਸਕੱਤਰ ਅਮਰਜੀਤ ਸਿੰਘ ਸਡਾਨਾ ਨੂੰ ਸਨਮਾਨਿਤ ਕੀਤਾ | ਇਸ ਮੌਕੇ ਸੰਦੀਪ ਓਬਰਾਏ ਤੇ ਅਮਰਜੀਤ ਸਿੰਘ ਸਡਾਨਾ ਨੇ ਹਾਜ਼ਰ ਪੱਤਰਕਾਰਾਂ ਨੂੰ ਭਰੋਸਾ ਦਿਵਾਇਆ ਕਿ ਉਹ ਸਮੂਹ ਸਾਥੀਆਂ ਦੇ ਸਹਿਯੋਗ ਨਾਲ ਇਮਾਨਦਾਰੀ ਤੇ ਸਮਰਪਣ ਦੀ ਭਾਵਨਾ ਨਾਲ ਕੰਮ ਕਰਨਗੇ ਤੇ ਪੱਤਰਕਾਰਾਂ ਦੀਆਂ ਮੁਸ਼ਕਲਾਂ ਦੇ ਪਹਿਲ ਦੇ ਆਧਾਰ ‘ਤੇ ਹੱਲ ਕੀਤੀਆਂ ਜਾਣਗੀਆਂ | ਇਸ ਮੌਕੇ ਕਲੱਬ ਦੇ ਨਵਨਿਯੁਕਤ ਪ੍ਰਧਾਨ ਤੇ ਜਨਰਲ ਸਕੱਤਰ ਨੂੰ ਕਲੱਬ ਦੀ ਟੀਮ ਬਣਾਉਣ ਦੇ ਅਧਿਕਾਰ ਦਿੱਤੇ ਗਏ | ਮੀਟਿੰਗ ਵਿਚ ਅਮਰਜੀਤ ਕੋਮਲ, ਰੌਸ਼ਨ ਖੈੜਾ, ਵਿਪਨ ਮਹਾਜਨ, ਨਵੀਨ ਓਬਰਾਏ, ਰਜਨੀਸ਼ ਚੌਧਰੀ, ਅਮਰੀਕ ਸਿੰਘ ਮੱਲ੍ਹੀ, ਲਾਜਪਤ ਮਲਹੋਤਰਾ, ਨਰੇਸ਼ ਕੱਦ, ਰਵੀ ਪਾਠਕ, ਐਡਵੋਕੇਟ ਪਵਨ ਕਾਲੀਆ, ਅਮਨਜੋਤ ਸਿੰਘ ਵਾਲੀਆ, ਕਿਸ਼ੋਰੀ ਰਾਜਪੂਤ, ਸੁਰਿੰਦਰ ਚੋਪੜਾ, ਸਤਪਾਲ ਮਲਹੋਤਰਾ, ਅਮਰਜੀਤ ਕੌਰ ਮੱਲ੍ਹੀ, ਅਸ਼ੀਸ਼ ਪੁਰੀ, ਦੀਪਕ ਮਰਵਾਹਾ, ਮਨੀਸ਼ ਚੋਪੜਾ, ਗਗਨ ਬਹਿਲ, ਰਿੰਕੂ ਕਾਲੀਆ, ਹਰਵੰਤ ਸਿੰਘ ਸਚਦੇਵਾ, ਜਸਪ੍ਰੀਤ ਸਿੰਘ ਸਚਦੇਵਾ, ਰਵਿੰਦਰ ਕੁਮਾਰ ਥਾਪਾ, ਦੀਪਕ ਬਜਾਜ ਤੋਂ ਇਲਾਵਾ ਸੁਖਜਿੰਦਰ ਸਿੰਘ ਬੇਗੋਵਾਲ, ਮਨਜੀਤ ਸਿੰਘ ਰਤਨ ਭੁਲੱਥ, ਮੇਹਰ ਚੰਦ ਸਿੱਧੂ ਭੁਲੱਥ, ਗੋਬਿੰਦ ਸੁਖੀਜਾ ਢਿਲਵਾਂ, ਜੋਗਿੰਦਰ ਸਿੰਘ ਜਾਤੀਕੇ ਭੰਡਾਲ ਬੇਟ, ਤਰਲੋਚਨ ਸਿੰਘ ਸੋਢੀ ਹੁਸੈਨਪੁਰ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਸਨ।
