Manpreet Singh
ਸ਼੍ਰੀ ਮੁਕਤਸਰ ਸਾਹਿਬ, 20 ਜੂਨ () – ਸ਼੍ਰੀ ਮੁਕਤਸਰ ਸਾਹਿਬ ਦੇ ਕੱਚਾ ਭਾਗਸਰ ਰੋਡ ’ਤੇ ਦੋ ਕਾਰਾਂ ਦੀ ਆਪਸੀ ਟੱਕਰ ਵਿੱਚ ਦੋ ਨੌਜਵਾਨਾਂ ਦੇ ਜਖ਼ਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ। ਇਕੱਤਰ ਕੀਤੀ ਗਈ ਜਾਣਕਾਰੀ ਮੁਤਾਬਿਕ ਸੋਨੂੰ ਵਾਸੀ ਚੜ੍ਹੇਵਾਨ ਜੋ ਆਪਣੀ ਆਈ-20 ਗੱਡੀ ’ਤੇ ਪਿੰਡ ਬਧਾਈ ਤੋਂ ਮੁਕਤਸਰ ਆ ਰਿਹਾ ਸੀ ਅਤੇ ਉਧਰ ਅਜੈ ਪੁੱਤਰ ਮੰਗਤ ਰਾਮ ਆਪਣੀ ਬਲੈਨੋ ਗੱਡੀ ’ਤੇ ਸਵਾਰ ਹੋ ਕੇ ਮੁਕਤਸਰ ਤੋਂ ਪਿੰਡ ਭਾਗਸਰ ਜਾ ਰਿਹਾ ਸੀ, ਤੇ ਜਦੋਂ ਉਹ ਦੋਵੇਂ ਕਾਰ ਸਵਾਰ ਅਬੋਹਰ ਰੋਡ ’ਤੇ ਲੰਘਦੇ ਗੰਦੇ ਨਾਲੇ ਦੇ ਚੁਰੱਸਤੇ ’ਚ ਪੁੱਜੇ ਤਾਂ ਦੋਵੇ ਕਾਰਾਂ ਦੀ ਆਪਸੀ ਟੱਕਰ ਹੋ ਗਈ ਜਿਸ ਤੋਂ ਬਾਅਦ ਇੱਕ ਗੱਡੀ ਕੋਲੋਂ ਲੰਘਦੇ ਗੰਦੇ ਨਾਲ ’ਚ ਜਾ ਡਿੱਗੀ ਤੇ ਦੂਸਰੀ ਗੱਡੀ ਸੜ੍ਹਕ ’ਤੇ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀ ਗਈ। ਪ੍ਰਤੱਖਦਰਸ਼ੀਆਂ ਅਨੁਸਾਰ ਟੱਕਰ ਐਨੀ ਭਿਆਨਕ ਸੀ ਕਿ ਆਈ-20 ਗੱਡੀ ਦੇ ਏਅਰਬੈਗ ਵੀ ਖੁੱਲ ਗਏ ਤਾਂ ਰਾਹਗੀਰਾਂ ਵੱਲੋਂ ਤੁਰੰਤ ਮੌਕੇ ’ਤੇ ਪਹੁੰਚ ਕੇ ਬਚਾਅ ਕਾਰਜ਼ ਸ਼ੁਰੂ ਕਰਦਿਆ ਜਖ਼ਮੀਆਂ ਨੂੰ ਬਾਹਰ ਕੱਢਿਆ ਤੇ ਇਲਾਜ਼ ਲਈ ਹਸਪਤਾਲ ਪਹੁੰਚਾਇਆ। ਹਾਦਸੇ ਦਾ ਕਾਰਨ ਤੇਜ਼ ਰਫ਼ਤਾਰ ਦੱਸਿਆ ਜਾ ਰਿਹਾ ਹੈ। ਉਧਰ ਲੋਕਾਂ ਨੇ ਪੁਲਿਸ ਨੂੰ ਵੀ ਸੂਚਿਤ ਕਰ ਦਿੱਤਾ।
