Manpreet Singh
ਫਿਰੋਜ਼ਪੁਰ 26 ਅਗਸਤ (ਅਸ਼ੋਕ ਭਾਰਦਵਾਜ) ਸਿਵਲ ਸਰਜਨ ਫਿਰੋਜ਼ਪੁਰ ਮੈਡਮ ਰਾਜਵਿੰਦਰ ਕੌਰ ਜੋ ਕਿ ਕਿਸੇ ਨਾਮ ਦੇ ਮੋਹਤਾਜ ਨਹੀ ਹਨ। ਇੱਕ ਔਰਤ ਹੋਣ ਦੇ ਨਾਤੇ ਮਰਦਾਂ ਤੋ ਵੱਧ ਭੂਮਿਕਾ ਨਿਭਾਅ ਰਹੇ ਹਨ ਇਹ ਮੈਡਮ। ਸਿਹਤ ਵਿਭਾਗ ਫਿਰੋਜ਼ਪੁਰ ਜੋ ਕਿ ਬੜੇ ਹੀ ਡਾਵਾਂਡੋਲ ਸਥਿਤੀ ਦਾ ਸਾਹਮਣਾ ਕਰ ਰਿਹਾ ਸੀ ਪਰ ਜਦੋ ਦੇ ਮੈਡਮ ਰਾਜਵਿੰਦਰ ਕੌਰ ਹੁਰਾਂ ਨੇ ਸਿਵਲ ਸਰਜਨ ਫਿਰੋਜ਼ਪੁਰ ਦਾ ਚਾਰਜ ਸੰਭਾਲਿਆ ਹੈ ਉਦੋ ਤੋ ਲੈ ਕੇ ਹੁਣ ਤੱਕ ਸਿਹਤ ਸੇਵਾਵਾਂ ਚ ਵਡਮੁੱਲਾ ਯੋਗਦਾਨ ਰਿਹਾ ਹੈ ਮੈਡਮ ਹੁਰਾਂ ਦਾ। ਆਪਣੀ ਡਿਊਟੀ ਦੇ ਨਾਲ ਨਾਲ ਇਨਸਾਨੀਅਤ ਨਾਤੇ ਹੁਣ ਹੜ ਪੀੜਤਾਂ ਲਈ ਮਸੀਹਾ ਬਣ ਅੱਗੇ ਆ ਕੇ ਡੱਟ ਗਏ ਹਨ ਤੇ ਨਿਰਵਿਘਨ ਸੇਵਾਵਾਂ ਦੇਣ ਲਈ ਉਹ ਨਾ ਦਿਨ ਦੇਖਦੇ,ਨਾ ਰਾਤ, ਨਾ ਟਾਇਮ ਤੇ ਨਾ ਹੀ ਮੌਸਮ ਦਾ ਮਿਜਾਜ,ਆਪਣੀਆਂ ਵੱਖ ਵੱਖ ਟੀਮਾਂ ਜਰੀਏ ਹੜ ਪੀੜਤਾ ਲਈ ਮਦਦਗਾਰ ਸਾਬਿਤ ਹੋਏ ਮੈਡਮ ਸਿਵਲ ਸਰਜਨ ਜਦੋ ਤੋ ਹੜਾਂ ਵਰਗੇ ਹਾਲਾਤ ਪੈਦਾ ਹੋਏ ਨਜਰ ਆਏ ਉਦੋ ਤੋਲੈ ਕੇ ਹੁਣ ਤੱਕ ਮੈਡਮ ਹੁਰਾਂ ਵਲੋ ਆਪਣੀ ਜਾਨ ਦੀ ਪਰਵਾਹ ਕੀਤੇ ਬਿਨਾਂ ਨਿਰੰਤਰ ਸਿਹਤ ਸੇਵਾਵਾਂ ਦੇਣ ਲਈ ਤਿਆਰ ਬਰ ਤਿਆਰ ਰਹਿੰਦੇ ਨੇ ਸਿਵਲ ਸਰਜਨ ਮੈਡਮ। ਇਹਨਾਂ ਦੁਆਰਾ ਕੀਤੀ ਇਨਸਾਨੀਅਤ ਸੇਵਾ ਲਈ ਸਿਹਤ ਵਿਭਾਗ ਅਮਲੇ ਤੋ ਇਲਾਵਾ ਪੂਰੇ ਫਿਰੋਜ਼ਪੁਰ ਵਾਸੀਆਂ ਨੂੰ ਮਾਣ। ਹੜ ਪੀੜਤਾਂ ਦੀ ਸਿਹਤ ਪੱਖੋ ਹਰੇਕ ਸਾਇਡ ਤੋ ਮਦਦ ਲਈ ਉਹ ਖੁਦ ਪੈਦਲ ਮਾਰਗੀ ਰਸਤੇ ਜਾਂ ਬੇੜੀਆਂ ਰਾਹੀ ਜਾ ਕੇ ਆਪਣਾ ਆਪ ਹੀ ਸਮਰਪਿਤ ਕਰ ਰਹੇ ਨੇ। ਪਿਛਲੇ ਦਿਨੀ ਇਹਨਾਂ ਦੀ ਟੀਮ ਵਲੋ ਬੜੀ ਮਿਹਨਤ ਸਦਕਾ ਐਬੂਲੈਂਸ ਰਾਹੀ ਦੋ ਹੜ ਪੀੜਤ ਔਰਤਾਂ ਨੂੰ ਸਿਵਲ ਹਸਪਤਾਲ ਫਿਰੋਜ਼ਪੁਰ ਵਿਖੇ ਲਿਆ ਕੇ ਉਹਨਾਂ ਦਾ ਜਣੇਪਾ ਕਰਵਾਇਆ ਗਿਆ। ਮੈਡਮ ਸਿਵਲ ਸਰਜਨ ਫਿਰੋਜ਼ਪੁਰ ਹੁਰਾਂ ਵਲੋ ਆਪਣੀ ਟੀਮ ਜਰੀਏ ਹੜ ਪੀੜਤ ਇਲਾਕਿਆ ਚ ਮੈਡੀਕਲ ਕੈਪ ਲਗਾਏ ਜਾ ਰਹੇ ਹਨ ਤੇ ਇਹਨਾਂ ਦੀ ਟੀਮ ਵਲੋ ਲੋਕਾਂ ਦੀ ਚੰਗੀ ਸਿਹਤ ਲਈ ਦਿਨ ਰਾਤ ਪਹਿਰਾ ਦਿੱਤਾ ਜਾ ਰਿਹਾ ਹੈ।
