ਗਰੀਨ ਸੇਵਾ ਸੁਸਾਇਟੀ ਨੇ ਈਦ ਮੌਕੇ ਮੁਸਲਿਮ ਭਾਈਚਾਰੇ ਨਾਲ ਈਦ ਦੀਆਂ ਖੁਸ਼ੀਆਂ ਕੀਤੀਆਂ ਸਾਂਝੀਆਂ

ਮਾਛੀਵਾੜਾ ਸਾਹਿਬ 31 ਮਾਰਚ ਸੰਦੀਪ ਸ਼ਰਮਾ ਈਦ ਉਲ ਫਿਤਰ ਦੇ ਮੌਕੇ ਅੱਜ ਮਾਛੀਵਾੜਾ ਸਾਹਿਬ ਦੀ ਪੱਥਰਾਂ ਵਾਲੀ ਮਸਜਿਦ ਵਿਖੇ ਸੈਂਕੜੇ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਨੇ ਨਮਾਜ਼ ਅਦਾ ਕੀਤੀ।ਅੱਜ ਇਸ ਪਵਿੱਤਰ ਤਿਉਹਾਰ ਦੇ ਮੌਕੇ ‘ਤੇ ਗਰੀਨ ਸੇਵਾ ਸੁਸਾਇਟੀ ਮਾਛੀਵਾੜਾ ਸਾਹਿਬ ਵੱਲੋਂ ਅੱਜ ਮਸਜਿਦ ਵਿਖੇ ਪਹੁੰਚੇ ਇਹਨਾ ਲੋਕਾਂ ਨਾਲ ਖ਼ੁਸ਼ੀ ਸਾਂਝੀ ਕਰਦਿਆਂ ਮਿਠਾਈ ਵੰਡੀ ਗਈ।ਗਰੀਨ ਸੇਵਾ ਸੁਸਾਇਟੀ ਦੇ ਪ੍ਰਧਾਨ ਰੇਨੂੰ ਬੈਂਸ ਦੀ ਅਗੁਵਾਈ ਵਿਚ ਹਿੰਦੂ ਤੇ ਸਿੱਖ ਭਾਈਚਾਰੇ ਨਾਲ ਸਬੰਧਤ ਸੁਸਾਇਟੀ ਮੈਬਰਾਂ ਨੇ ਇਸ ਪਵਿੱਤਰ ਮੁਸਲਿਮ ਤਿਉਹਾਰ ਮੌਕੇ ਮੁਸਲਿਮ ਭਾਈਚਾਰੇ ਨਾਲ ਖੁਸ਼ੀਆਂ ਸਾਂਝੀਆਂ ਕੀਤੀਆਂ। ਇਸ ਮੌਕੇ ਸਮੂਹ ਮੁਸਲਿਮ ਭਾਈਚਾਰੇ ਵੱਲੋਂ ਸੁਸਾਇਟੀ ਮੈਂਬਰਾਂ ਨੂੰ ਜੀ ਆਇਆ ਆਖਿਆ ਗਿਆ। ਇਸ ਮੌਕੇ ਸੁਸਾਇਟੀ ਵੱਲੋਂ ਰਣਜੀਤ ਕੌਰ, ਸੰਜੀਵ ਨਾਗਪਾਲ ਅਤੇ ਪ੍ਰਿੰਸ ਸੇਠੀ ਆਦਿ ਹਾਜ਼ਰ ਸਨ।