Manpreet Singh
ਅੰਮ੍ਰਿਤਸਰ28 ਜੁਲਾਈ(ਦਿਨੇਸ਼ ਸੋਨੀ ) ਲੁਹਾਰਕਾ ਰੋਡ ਸਥਿਤ ਗੁਮਟਾਲਾ ਕਲੋਨੀ ਵਿਖੇ ਬਿਜਲੀ ਦੀ ਵਧਦੀ ਮੰਗ ਨੂੰ ਧਿਆਨ ਚ ਰੱਖਦਿਆਂ ਵਿਭਾਗ ਵੱਲੋਂ 200 ਕੇਵੀ ਏ ਦਾ ਟ੍ਰਾਂਸਫਾਰਮਰ ਲਗਾਇਆ ਗਿਆ ਹੈ। ਇਸ ਮੌਕੇ ਇਲਾਕੇ ਵਿਚ ਵਾਰਡ ਨੰਬਰ ਇਕ ਦੇ ਕੌਂਸਲਰ ਪ੍ਰਭਜੀਤ ਸਿੰਘ ਅਤੇ ਵਾਰਡ ਨੰਬਰ 2 ਦੇ ਕੌਂਸਲਰ ਅਮਰਜੀਤ ਸਿੰਘ ਵੀ ਪਹੁੰਚੇ, ਜਿੱਥੇ ਲੋਕਾਂ ਵਲੋਂ ਹਾਜਰ ਕੌਂਸਲਰ ਸਾਹਿਬਾਨਾਂ ਦਾ ਧੰਨਵਾਦ ਕੀਤਾ ਗਿਆ। ਉਪਰੰਤ ਕੌਂਸਲਰ ਪ੍ਰਭਜੀਤ ਸਿੰਘ ਅਤੇ ਕੌਂਸਲਰ ਅਮਰਜੀਤ ਸਿੰਘ ਵਲੋਂ ਇਸ ਟ੍ਰਾਂਸਫਾਰਮਰ ਨੂੰ ਲਗਾਉਣ ਸਬੰਧੀ ਇਲਾਕੇ ਦੇ ਜੇਈ ਕੁਲਦੀਪ ਕੁਮਾਰ ਵਲੋਂ ਕੀਤੇ ਗਏ ਉਪਰਾਲੇ ਦੀ ਵੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ।
