ਜੈ ਬਾਬੇ ਦੀ ਬਲੱਡ ਸੇਵਾ ਸੁਸਾਇਟੀ ਦੇ ਮੈਂਬਰ ਨੇ ਕੀਤੀ ਖੂਨਦਾਨ ਦੀ ਐਮਰਜੈਂਸੀ ਸੇਵਾ

ਸ਼੍ਰੀ ਮੁਕਤਸਰ ਸਾਹਿਬ, 11 ਜੂਨ (ਦੀਪਾਂਕਰ)- ਇਕਾਲੇ ਦੀ ਨਾਮਵਰ ਸੰਸਥਾ ਜੈ ਬਾਬੇ ਦੀ ਬਲੱਡ ਸੇਵਾ ਸੋਸਾਇਟੀ ਪਿਛਲੇ ਲੰਬੇ ਅਰਸੇ ਤੋਂ ਲਗਾਤਾਰ ਲੋੜਵੰਦ ਲੋਕਾਂ ਨੂੰ ਖੂਨਦਾਨ ਕਰਕੇ ਸਮਾਜ ਸੇਵਾ ਕਰਦੀ ਆ ਰਹੀ ਹੈ। ਇਸੇ ਲੜੀ ਤਹਿਤ ਸੁਸਾਇਟੀ ਦੇ ਇੱਕ ਮੈਂਬਰ ਪਾਲੀ ਵੱਲੋਂ ਐਕਸੀਡੈਂਟ ਕੇਸ ਵਿੱਚ ਜਖ਼ਮੀ ਮਰੀਜ਼ ਨੂੰ ਖ਼ੂਨ ਦੀ ਐਮਰਜੈਂਸੀ ਸੇਵਾ ਕੀਤੀ, ਦੱਸ ਦੇਈਏ ਕਿ ਉਕਤ ਸੁਸਾਇਟੀ ਮੈਂਬਰ ਜੋ ਡੀਸੀ ਦਫ਼ਤਰ ਨੌਕਰੀ ਕਰਦੇ ਹਨ ਤੇ ਹਰ ਸਮੇਂ ਲੋੜਵੰਦ ਵਿਅਕਤੀਆਂ ਦੀ ਮੱਦਦ ਕਰਨ ਲਈ ਤੱਤਪਰ ਰਹਿੰਦੇ ਹਨ। ਸੁਸਾਇਟੀ ਚੇਅਰਮੈਨ ਦੀਪਾਂਕਰ ਰਮਨ ਨੇ ਦੱਸਿਆ ਕਿ ਪਾਲੀ ਵੱਲੋਂ ਉਨ੍ਹਾਂ ਅਕਸਰ ਹੀ ਫੋਨ ਕੀਤਾ ਜਾਂਦਾ ਹੈ ਕਿ ਮੇਰੇ ਖੂਨ ਦਾਨ ਕਰਨ ਤੋਂ ਬਾਅਦ ਦਾ ਸਮਾਂ ਪੂਰਾ ਹੋ ਚੁੱਕਾ ਜੇਕਰ ਕਿਸੇ ਨੂੰ ਜਰੂਰਤ ਹੋਵੇ ਤਾਂ ਉਹ ਖੂਨਦਾਨ ਕਰਨ ਲਈ ਤਿਆਰ ਹਨ। ਇਸ ਮੌਕੇ ਚੇਅਰਮੈਨ ਦੀਪਾਂਕਰ ਨੇ ਜੈ ਬਾਬੇ ਦੀ ਬਲੱਡ ਸੇਵਾ ਸੋਸਾਇਟੀ ਮੈਂਬਰ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ, ਜਿੰਨੇ ਨੇ ਐਮਰਜੰਸੀ ਵਿੱਚ ਖੂਨ ਦਾਨ ਕੀਤਾ। ਚੇਅਰਮੈਨ ਦੀਪਾਂਕਰ ਨੇ ਕਿਹਾ ਕਿ ਸੇਵਾਦਾਰ ਹਮੇਸ਼ਾ ਬਲੱਡ ਦੀ ਸੇਵਾ ਲਈ ਤਿਆਰ ਰਹਿੰਦੇ ਨੇ ਤੇ ਮੈ ਰੱਬ ਰੂਪੀ ਖੂਨਦਾਨੀਆਂ ਦਾ ਵੀ ਤਹਿ ਦਿਲੋਂ ਧੰਨਵਾਦ ਕਰਦਾ।