ਪਿੰਡ ਖਿਆਲਾ ਖੁਰਦ ਦੀ ਸੁੰਦਰਤਾ ਨੂੰ ਗ੍ਰਹਿਣ ਲਗਾ ਰਹੇ ਕੂੜੇ ਦੇ ਢੇਰ 

ਅੰਮ੍ਰਿਤਸਰ 16ਜੂਨ(ਦਿਨੇਸ਼ ਸੋਨੀ )ਹਲਕਾ ਰਾਜਾਸਾਂਸੀ ਦੇ ਅਧੀਨ ਆਉਂਦੇ ਪਿੰਡ ਖਿਆਲਾ ਖੁਰਦ ਵਿਖੇ ਭੰਗੂ ਡੇਅਰੀ ਦੇ ਸਾਹਮਣੇ ਪਏ ਹੋਏ ਕੁੜੇ ਦੇ ਢੇਰ ਪਿੰਡ ਦੀ ਸੁੰਦਰਤਾ ਨੂੰ ਗ੍ਰਹਿਣ ਲਗਾਉਂਦੇ ਹੋਏ ਨਜ਼ਰ ਆ ਰਹੇ ਹਨ ਪੱਤਰਕਾਰਾ ਵਲੋ ਜਦ ਇਸ ਪਿੰਡ ਚ ਜਾ ਕੇ ਵੇਖਿਆ ਗਿਆ ਤਾਂ  ਪਿਛਲੀਆਂ ਸਰਕਾਰਾ ਸਮੇਂ ਇਸ ਪਿੰਡ ਦੇ ਸਰਪੰਚਾਂ ਵਲੋ ਪਿੰਡ ਵਿੱਚ ਵਿਕਾਸ ਕਾਰਜ ਕਰਵਾਏ ਵੇਖੇ ਜਾ ਸਕਦੇ ਹਨ ਪ੍ਰੰਤੂ ਓਥੇ ਜਗ੍ਹਾ ਜਗ੍ਹਾ ਲੱਗੇ ਕੂੜੇ ਦੇ ਢੇਰ ਇਹ ਦਸ ਰਹੇ ਹਨ ਕਿ ਪਿਛਲੀਆਂ ਸਰਕਾਰਾ ਦੇ ਸਰਪੰਚ ਸਿਰਫ ਕਾਰਜ ਤੱਕ ਹੀ ਸੀਮਤ ਰਹੇ  ਹਨ ਪਿੰਡ ਵਿੱਚ ਕੂੜੇ ਕਰਕਟ ਨੂੰ ਚੁੱਕਣ ਦਾ ਪ੍ਰਬੰਧ ਕਿਸੇ ਵੀ ਸਰਕਾਰ ਵਲੋ ਨਹੀਂ ਕੀਤਾ ਗਿਆ ਪਿੰਡ ਵਾਸੀਆਂ ਵਲੋ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ ਤੇ ਪੱਤਰਕਾਰਾ ਨੂੰ ਦੱਸਿਆ ਕਿ ਇਹ ਕੂੜੇ ਦੇ ਢੇਰ ਪਿਛਲੇ 20 ਤੋ 25 ਸਾਲ ਤੋਂ ਇਸੇ ਜਗਾ ਤੇ ਵੇਖੇ ਜਾ ਸਕਦੇ ਹਨ ਜਿਸ ਨਾਲ ਅਨੇਕਾਂ ਗੰਭੀਰ ਬਿਮਾਰੀਆਂ ਫੈਲਣ ਦਾ ਖਤਰਾ ਹਰ ਵੇਲੇ ਬਣਿਆ ਰਹਿੰਦਾ ਹੈ ਪੰਜਾਬ ਚ ਇਸ ਵੇਲੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ਹੈ ਮਾਨਯੋਗ ਮੁੱਖ ਮੰਤਰੀ ਸ੍ਰ ਭਗਵੰਤ ਸਿੰਘ ਮਾਨ ਵਲੋ ਪੰਜਾਬ ਨੂੰ ਸੱਭ ਤੋਂ ਸੁੰਦਰ ਤੇ ਖੁਸ਼ਹਾਲ ਸੂਬਾ ਬਣਾਉਣ ਦੇ ਬਿਆਨ ਸਮੇਂ ਸਮੇਂ ਤੇ ਦਿੱਤੇ ਜਾਂਦੇ ਹਨ ਪ੍ਰੰਤੂ ਇਸ ਪਿੰਡ ਵਿੱਚ ਜਗ੍ਹਾ ਜਗ੍ਹਾ ਲੱਗੇ ਹੋਏ ਕੂੜੇ ਦੇ ਢੇਰ ਦੀ ਸਾਰ ਕੌਣ ਲਵੇਗਾ ਜੇਕਰ ਸਮਾ ਰਹਿੰਦੇ ਕੂੜੇ ਦੇ ਢੇਰ ਦੀ ਸਫਾਈ ਨਾ ਕਰਵਾਈ ਗਈ ਤਾਂ ਪਿੰਡ ਵਾਸੀਆਂ ਨੂੰ ਗੰਭੀਰ ਬਿਮਾਰੀਆਂ ਨਾਲ ਜੂਝਨਾ  ਪਵੇਗਾ ।।