Manpreet Singh
ਸਰਾਏ ਅਮਾਨਤ ਖਾਂ, 15 ਅਪ੍ਰੈਲ (ਗੁਰਸ਼ਰਨ ਸਿੰਘ ਔਲਖ) -ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵੱਲੋਂ ਪਿੰਡਾਂ ਦੀ ਕਾਇਆ ਕਲਪ ਕਰਨ ਲਈ ਵੱਡੇ ਪੱਧਰ ਤੇ ਉਪਰਾਲੇ ਕੀਤੇ ਜਾ ਰਹੇ ਹਨ ਤਾ ਕਿ ਪਿੰਡ ਵਾਸੀਆਂ ਨੂੰ ਵੀ ਸ਼ਹਿਰਾਂ ਵਰਗੀਆਂ ਸਹੂਲਤਾਂ ਮਿਲ ਸਕਣ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪਿੰਡ ਸਰਾਏ ਅਮਾਨਤ ਖਾਂ ਦੇ ਸਮਾਜਸੇਵੀ ਹਰਪ੍ਰੀਤ ਸਿੰਘ ਪੀਤਾ ਨੇ ਗੱਲਬਾਤ ਦੋਰਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਹਲਕਾ ਤਰਨਤਾਰਨ ਦੇ ਵਿਧਾਇਕ ਡਾਕਟਰ ਕਸ਼ਮੀਰ ਸਿੰਘ ਸੋਹਲ ਦੀ ਅਗਵਾਈ ਹੇਠ ਪਿੰਡ ਦੀਆਂ ਬਹਿਕਾਂ ਨੂੰ ਜਾਦੇ ਰਸਤੇ ਨੂੰ ਪੱਕਾ ਕਰਨ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਜਿਸ ਨੂੰ ਕੁਝ ਦਿਨਾਂ ਵਿਚ ਮੁਕੰਮਲ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਪਿੰਡਾਂ ਨੂੰ ਸ਼ਹਿਰਾਂ ਵਰਗੀ ਦਿੱਖ ਦੇਣ ਲਈ ਹਰ ਸੰਭਵ ਯਤਨ ਕੀਤੇ ਜਾ ਰਹੇ ਹਨ ਜਿਸ ਨਾਲ ਪਿੰਡਾਂ ਦੀ ਨੁਹਾਰ ਬਦਲੀ ਜਾਵੇਗੀ। ਇਸ ਮੌਕੇ ਸਰਪੰਚ ਬਲਜਿੰਦਰ ਕੌਰ,ਮੈਂਬਰ ਬਾਬਾ ਕੁਲਦੀਪ ਸਿੰਘ,ਮੈਂਬਰ ਸੁਖਪਾਲ ਸਿੰਘ, ਮੈਂਬਰ ਰਾਜਬੀਰ ਕੋਰ,ਮੈਂਬਰ ਸਰਬਦੀਪ ਕੌਰ, ਮੈਂਬਰ ਕੁਲਵਿੰਦਰ ਸਿੰਘ,ਮੈਂਬਰ ਰਛਪਾਲ ਸਿੰਘ,ਨੰਬਰਦਾਰ ਜਸਬੀਰ ਸਿੰਘ, ਨੰਬਰਦਾਰ ਰਾਮ ਸਿੰਘ, ਕੁਲਦੀਪ ਸਿੰਘ ਔਲਖ,ਦਲਜੀਤ ਸਿੰਘ ਔਲਖ,ਦਿਲਬਾਗ ਸਿੰਘ ਸਾਂਘਣੀਆ, ਗੁਰਮੁੱਖ ਸਿੰਘ ਸਾਘਣੀਆ, ਕੁਲਵਿੰਦਰ ਸਿੰਘ ਡੀਸੀ,ਮੇਜਰ ਸਿੰਘ ਭੋਲਾ, ਲਖਵਿੰਦਰ ਸਿੰਘ,ਗੁਰਜੀਤ ਸਿੰਘ ਢਿੱਲੋਂ,ਨਿਰਵੈਲ ਸਿੰਘ ਲਾਲੀ, ਤਜਿੰਦਰ ਸਿੰਘ ਬਾਈ, ਅੰਗਰੇਜ ਸਿੰਘ ਰਾਧਾ ਸੁਆਮੀ,ਸਰਬਜੀਤ ਸਿੰਘ ਕਠਾਣੀਆ, ਲਖਬੀਰ ਸਿੰਘ ਲੱਖਾ,ਗੁਰਦੇਵ ਸਿੰਘ ਸਰਾ,ਬਾਬਾ ਰੂਪ ਸਿੰਘ, ਸਤਨਾਮ ਸਿੰਘ ਐੱਸਟੀਡੀ ਆਦਿ ਹਾਜ਼ਰ ਸਨ।
