ਬੀਤੇਂ ਦਿਨੀਂ ਆਈ ਬਾਰਿਸ਼ ਕਾਰਨ ਗਰੀਬ ਪਰਿਵਾਰ ਦੇ ਘਰ ਦੀ ਛੱਤ ਡਿੱਗੀ

ਸ਼੍ਰੀ ਮੁਕਤਸਰ ਸਾਹਿਬ, 26 ਅਗਸਤ ()- ਬੀਤੇ ਦਿਨੀਂ ਸ਼੍ਰੀ ਮੁਕਤਸਰ ਸਾਹਿਬ ਦੇ ਮਲੋਟ ਹਲਕੇ ’ਚ ਇੱਕ ਗਰੀਬ ਪਰਿਵਾਰ ਦੇ ਘਰ ਦੀ ਛੱਤ ਡਿੱਗਣ ਕਾਰਨ ਘਰ ’ਚ ਪਿਆ ਕਾਫੀ ਘਰੇਲੂ ਸਮਾਨ ਨੁਕਸਾਨਿਆ ਗਿਆ। ਜਾਣਕਾਰੀ ਮੁਤਾਬਿਕ ਪਿਛਲੇਂ 2-3 ਦਿਨਾਂ ਤੋਂ ਹੋ ਰਹੀ ਬਾਰਿਸ਼ ਦੇ ਕਾਰਨ ਮਲੋਟ ਦੇ ਵਾਰਡ ਨੰਬਰ 13 ਗਲੀ ਨੰਬਰ 9 ’ਚ ਇੱਕ ਮਜ਼ਦੂਰ ਪਰਿਵਾਰ ਉਦਮੀਂ ਰਾਮ ਸਪੁੱਤਰ ਜਵਾਹਰ ਲਾਲ ਦੇ ਘਰ ਦੀ ਛੱਤ ਡਿੱਗ ਗਈ, ਜਿਸ ਨਾਲ ਘਰ ’ਚ ਪਿਆ ਕਾਫੀ ਸਾਰਾ ਘਰੇਲੂ ਸਮਾਨ ਮਲਬੇ ਹੇਠਾਂ ਦੱਬ ਗਿਆ। ਪਰ ਇਸ ਗੱਲ ਦੀ ਰਾਹਤ ਰਹੀ ਕਿ ਜਾਂਨੀ ਨੁਕਸਾਨ ਤੋਂ ਬਚਾਅ ਰਿਹਾ। ਪਰਿਵਾਰ ਮਜ਼ਦੂਰੀ ਦਿਹਾੜੀ ਦਾ ਕੰਮਕਾਰ ਕਰਦਾ ਹੈ। ਇਸ ਮੌਕੇ ਗਰੀਬ ਪਰਿਵਾਰ ਨੇ ਪ੍ਰਸਾਸ਼ਨ ਤੇ ਪੰਜਾਬ ਸਰਕਾਰ ਤੋਂ ਆਰਥਿਕ ਸਹਾਇਤਾ ਦੀ ਮੰਗ ਕੀਤੀ ਹੈ।