ਸੰਦੀਪ ਸਿੰਘ ਸੰਨੀ ਢਿੱਲੋਂ ਵੱਲੋਂ ਕਣਕ ਦੀ ਸਰਕਾਰੀ ਖ਼ਰੀਦ ਸ਼ੁਰੂ ਕਰਵਾਈ

ਦੋਦਾ, 17 ਅਪ੍ਰੈਲ ( ਰਣਜੀਤ ਗਿੱਲ  ) ਪਿੰਡ ਦੋਦਾ ਦੀ ਅਨਾਜ਼ ਮੰਡੀ ਵਿਖੇ ਹਲਕਾ ਗਿਦੜਬਾਹਾ ਦੇ ਵਿਧਾਇਕ ਹਰਦੀਪ ਸਿੰਘ ਡਿੰਪੀ ਢਿੱਲੋਂ ਦੇ ਭਰਾ ਸੰਦੀਪ ਸਿੰਘ ਸੰਨੀ ਢਿੱਲੋਂ ਵੱਲੋਂ ਸਮੂਹ ਕੱਚਾ ਆੜ੍ਹਤੀਆਂ ਐਸੋਸੀਏਸ਼ਨ, ਗਰਾਮ ਪੰਚਾਇਤ ਦੋਦਾ, ਕਿਸਾਨਾਂ, ਮਜ਼ਦੂਰਾਂ ਅਤੇ ਪਿੰਡ ਦੇ ਮੋਹਤਬਰਾਂ ਦੀ ਹਾਜਰੀ ’ਚ ਕਣਕ ਦੀ ਸਰਕਾਰੀ ਖ਼ਰੀਦ ਸ਼ੁਰੂ ਕਰਵਾਈ ਗਈ। ਇਸ ਮੌਕੇ ਸੰਨੀ ਢਿੱਲੋਂ ਵੱਲੋਂ ਸਮੂਹ ਇੱਕਤਰ ਕਿਸਾਨਾਂ, ਮਜਦੂਰਾਂ ਅਤੇ ਆੜਤੀਆਂ ਨੂੰ ਵਿਸ਼ਵਾਸ ਦਵਾਇਆ ਕਿ ਇਸ ਹਾੜੀ ਦੇ ਸੀਜਨ ਦੌਰਾਨ ਸਾਰੇ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ ਅਤੇ ਦਾਣਾ ਮੰਡੀਆਂ ’ਚ ਕਿਸੇ ਨੂੰ ਕੋਈ ਮੁਸ਼ਕਲ ਨਹੀ ਆਉਣ ਦਿੱਤੀ ਜਾਵੇਗੀ। ਇਸ ਮੌਕੇ ਸੂਬੇਦਾਰ ਭਾਗ ਸਿੰਘ, ਗੁਲਾਬ ਸਿੰਘ ਸਾਬਕਾ ਸਰਪੰਚ, ਬੋਹੜ ਸਿੰਘ,ਸੁਖਪਾਲ ਬਰਾੜ, ਸਰਦੂਲ ਸਿੰਘ,ਰਜਿੰਦਰ ਕੁਮਾਰ ਵਧਵਾ, ਨਰੇਸ਼ ਕੁਮਾਰ ਗੋਇਲ, ਰੇਸ਼ਮ ਸਿੰਘ ਮੈਂਬਰ, ਬੇਅੰਤ ਸਿੰਘ ਖਾਲਸਾ, ਰਸ਼ਪਾਲ ਸਚਦੇਵਾ, ਵਿਜੇ ਕੁਮਾਰ, ਬਿੱਟੂ ਸਚਦੇਵਾ, ਬਲਜੀਤ ਸਚਦੇਵਾ, ਪ੍ਰਧਾਨ ਅਮਰੀਕ ਸਿੰਘ ਵਕੀਲ ਬਰਾੜ, ਪਰਵਿੰਦਰ ਸਿੰਘ, ਜਸਪਾਲ ਸਿੰਘ ਤੇ ਜੋਧ ਸਿੰਘ ਮਾਰਕਿਟ ਕਮੇਟੀ, ਚੌਕੀ ਇੰਚਾਰਜ਼ ਗੁਰਤੇਜ ਸਿੰਘ ਤੇ ਗੁਰਪ੍ਰੀਤ ਸਿੰਘ ਮੁੱਖ ਮੁਨਸ਼ੀ ਆਦਿ ਹਾਜ਼ਰ ਸਨ।