ਜੈਤੋ ਨੂੰ ਮਿਲ ਸਕਦਾ ਸਿਵਲ ਹਸਪਤਾਲ ਦਾ ਤੋਹਫ਼ਾ – ਲਛਮਣ ਭਗਤੂਆਣਾ

ਮੁੱਖ ਮੰਤਰੀ ਦੀ ਜੈਤੋ ਫੇਰੀ ਨੂੰ ਲੈਕੈ ਆਪ ਵਰਕਰਾਂ ਤੇ ਆਗੂਆਂ ‘ਚ ਉਤਸ਼ਾਹ।

ਜੈਤੋ 3 ਅਪ੍ਰੈਲ (ਗੁਰਦੀਪ ਸਿੰਘ ਢਿੱਲੋਂ ) ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ 5 ਅਪ੍ਰੈਲ ਨੂੰ ਜੈਤੋ ਆਮਦ ਤੇ ਗਦਗਦ ਹੁੰਦੇ ਹੋਏ ਆਮ ਆਦਮੀ ਪਾਰਟੀ ਦੇ ਸਿਰਕੱਢ ਆਗੂ ਤੇ ਮਾਰਕਿਟ ਕਮੇਟੀ ਦੇ ਚੇਅਰਮੈਨ ਲਛਮਣ ਭਗਤੂਆਣਾ ਨੇ ਚੋਣਵੇਂ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਸਾਡੀ ਸਰਕਾਰ ਵੱਲੋਂ ਪੰਜਾਬ ਦੀ ਜਨਤਾ ਨਾਲ ਕੀਤੇ ਗਏ ਨਾ ਕੇਵਲ ਸਾਰੇ ਵਾਅਦੇ ਹੀ ਪੂਰੇ ਕੀਤੇ ਬਲਕਿ ਪੰਜਾਬ ਨੂੰ ਵਿਕਾਸ ਕਾਰਜਾਂ ਦੀ ਲੜੀ ਵਿੱਚ ਪਿਰੋਅ ਦਿੱਤਾ ਗਿਆ ਹੈ। ਭਗਤੁਆਣਾ ਨੇ ਕਿਹਾ ਕਿ ਅਕਾਲੀ ਸਰਕਾਰ ਨੇ ਇਲਾਕੇ ਖਾਸਕਰ ਜੈਤੋ ਦੀ ਜਨਤਾ ਨਾਲ ਧ੍ਰੋਹ ਕਮਾਉਂਦੇ ਹੋਏ ਸੇਠ ਰਾਮ ਨਾਥ ਸਿਵਲ ਹਸਪਤਾਲ ਨੂੰ ਹੈਲਥ ਕਮਿਊਨਿਟੀ ਸੈਂਟਰ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਸੀ ਜਿਸਨੂੰ ਅੱਗੇ ਆਉਣ ਵਾਲੀਆਂ ਸਰਕਾਰਾਂ ਨੇ ਵੀ ਗੰਭੀਰਤਾ ਨਾਲ ਨਹੀਂ ਲਿਆ ਤੇ ਹੁਣ ਯੁੱਗ ਪੁਰਸ਼ ਭਗਵੰਤ ਮਾਨ ਵੱਲੋਂ ਆਪਣੀ ਜੈਤੋ ਫੇਰੀ ਦੌਰਾਨ ਇਤਿਹਾਸਕ ਨਗਰੀ ਨੂੰ ਅਨੇਕਾਂ ਹੋਰ ਸੋਗਾਤਾਂ ਦੇ ਗੱਫਿਆਂ ਦੇ ਨਾਲ ਨਾਲ ਹੀ ਸਿਵਲ ਹਸਪਤਾਲ ਦਾ ਦਰਜਾ ਵੀ ਦਿੱਤਾ ਜਾ ਸਕਦਾ ਹੈ।