ਬਰਸਾਤ ਦਾ ਮੌਸਮ ਸਿਰ ਪਰ ਚੌਏ ਚ ਫਸੀ ਜੰਗਲੀ ਬੂਟੀ ਦੀ ਨਹੀ ਹੋਈ ਸਫਾਈ -ਧਰਮਸੋਤ

ਭਾਦਸੋਂ, 22 ਜੁਲਾਈ ( ਜਗਜੀਤ ਸਿੰਘ ਕੈਂਥ ) ਕਾਂਗਰਸ ਪਾਰਟੀ ਦੇ ਕਾਰਜਕਾਲ ਦੌਰਾਨ ਮੰਤਰੀ ਰਹੇ ਸਾਧੂ ਸਿੰਘ ਧਰਮਸੋਤ ਨੇ ਬੀਤੇ ਦਿਨੀ ਭਾਦਸੋਂ ਸਰਹੰਦ ਚੋਅ ਵਿਖੇ ਦੌਰਾ ਕੀਤਾ ਅਤੇ ਜਾਇਜਾ ਲਿਆ।ਇਸ ਦੌਰਾਨ ਗੱਲਬਾਤ ਕਰਦੇ ਹੋਏ ਸਾਧੂ ਸਿੰਘ ਧਰਮਸੋਤ ਨੇ ਕਿਹਾ ਕਿ ਬਰਸਾਤ ਦਾ ਮੌਸਮ ਸਿਰ ਤੇ ਹੈ ਪਰ ਅਜੇ ਤੱਕ ਸਫਾਈ ਨਾ ਹੋਣ ਕਰਕੇ ਬੂਟੀ ਨੇ ਰਸਤਾ ਘੇਰ ਰੱਖਿਆ ਹੈ ਜਿਸ ਨਾਲ ਪਾਣੀ ਆਉਣ ਦੀ ਸੂਰਤ ਵਿਚ ਹੜ ਵਰਗੀ ਸਥਿਤੀ ਉਭਰ ਸਕਦੀ ਹੈ।ਉਨਾ ਕਿਹਾ ਕਿ ਆਪ ਸਰਕਾਰ ਹਰੇਕ ਫਰੰਟ ਤੇ ਫੇਲ ਸਾਬਤ ਹੋਈ ਹੈ ।ਸਰਕਾਰ ਦਾ ਕੰਮ ਸਿਰਫ ਇਸ਼ਤਿਹਾਰਬਾਜੀ ਜੋਗਾ ਹੀ ਰਹਿ ਗਿਆ ਹੈ ਜਦਕਿ ਵਿਕਾਸ ਕੋਹਾਂ ਦੂਰ ਹੈ ।ਉਨਾ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਕਾਰਜਕਾਲ ਦੌਰਾਨ ਇਲਾਕਾ ਵਾਸੀਆਂ ਨੂੰ ਕਦੀ ਵੀ ਕੋਈ ਸਮੱਸਿਆ ਨਹੀ ਆਉਣ ਦਿੱਤੀ  ਅਤੇ ਸ਼ਹਿਰ ਭਾਦਸੋਂ ਦਾ ਪੂਰਨ ਵਿਕਾਸ ਕੀਤਾ ਗਿਆ ਪਰ ਹੁਣ ਸ਼ਹਿਰ ਦਾ ਵਿਕਾਸ ਤਾਂ ਇੱਕ ਪਾਸੇ ਰਿਹਾ ਸਰਕਾਰ ਵਲੋਂ ਸ਼ਹਿਰ ਦੇ ਲਈ ਕੋਈ ਵੀ ਗ੍ਰਾਂਟ ਨਹੀ ਦਿੱਤੀ ਗਈ।ਇਸ ਮੌਕੇ ਉਨਾ ਨਾਲ ਨਗਰ ਪੰਚਾਇਤ ਭਾਦਸੋਂ ਦੇ ਸਾਬਕਾ ਪ੍ਰਧਾਨ ਚੂਨੀ ਲਾਲ,ਆਸ਼ੀਸ ਸਿੰਗਲਾ,ਸ਼ਹਿਰੀ ਪ੍ਰਧਾਨ ਸੁਖਜੀਵਨ ਭੋਲਾ,ਸੰਜੀਵ ਕਾਕਾ,ਕਰਨੈਲ ਸਿੰਘ ,ਅਜਮੀਲ਼ ਖਾਂ ਸੂਬਾਈ ਆਗੂ ਵੀ ਹਾਜਰ ਸਨ।