Manpreet Singh
ਸ੍ਰੀ ਮੁਕਤਸਰ ਸਾਹਿਬ, 22 ਅਗਸਤ (ਮਨਪ੍ਰੀਤ ਮੋਨੂੰ)- ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਜਗਦੀਪ ਸਿੰਘ ਕਾਕਾ ਬਰਾੜ ਨੇ ਅੱਜ ਬਰਕੰਦੀ ਰੋਡ ਦਾ ਦੌਰਾ ਕੀਤਾ ਅਤੇ ਮੁਹੱਲਾ ਵਾਸੀਆਂ ਦੀਆਂ ਮੁਸ਼ਕਿਲਾਂ ਨੂੰ ਸੁਣਿਆ। ਮੁਹੱਲਾ ਨਿਵਾਸੀਆਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਮੁਹੱਲੇ ਵਿਚ ਗਲੀਆਂ ਅਤੇ ਸੜਕਾਂ ਕਾਫ਼ੀਆਂ ਟੁੱਟੀਆਂ ਹਨ ਅਤੇ ਇਸਦੇ ਨਾਲ ਹੀ ਬਿਜਲੀ ਦੀਆਂ ਤਾਰਾਂ ਨੀਵੀਆਂ ਹਨ, ਸੀਵਰੇਜ਼ ਓਵਰਫਲੋ ਹੋ ਰਹੇ ਹਨ ਅਤੇ ਗੰਦਗੀ ਵੀ ਕਾਫ਼ੀ ਹੈ। ਜਿਸ ਤੇ ਕਾਕਾ ਬਰਾੜ ਨੇ ਦੱਸਿਆ ਕਿ ਜਲਦ ਹੀ ਉਨ੍ਹਾਂ ਦੀਆਂ ਮੁਸ਼ਕਿਲਾ ਦਾ ਹੱਲ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਜਲਦ ਹੀ ਸੜਕ ਦਾ ਨਿਰਮਾਣ ਵੀ ਹੋਣ ਜਾ ਰਿਹਾ ਹੈ ਅਤੇ ਨਾਲ ਹੀ ਸੀਵਰੇਜ ਦੀ ਸਫ਼ਾਈ ਵੀ ਕਰਵਾ ਦਿੱਤੀ ਜਾਵੇਗੀ ਅਤੇ ਬਿਜਲੀ ਵਿਭਾਗ ਨੂੰ ਕਹਿ ਕੇ ਨਵੇਂ ਖੰਭੇ ਲਗਾ ਦਿੱਤੇ ਜਾਣਗੇ। ਜਿਸ ਨਾਲ ਤਾਰਾ ਉਚੀਆਂ ਹੋ ਜਾਣਗੀਆਂ ਅਤੇ ਸਫ਼ਾਈ ਕਰਮਚਾਰੀਆਂ ਨੂੰ ਵੀ ਹਦਾਇਤ ਕੀਤੀ ਜਾਵੇਗੀ ਕਿ ਉਹ ਇਸ ਪਾਸੇ ਵੱਲ ਵੀ ਧਿਆਨ ਦੇਣ। ਇਸ ਮੌਕੇ ਮੁਹੱਲਾ ਨਿਵਾਸੀ ਜਿੰਨ੍ਹਾਂ ਵਿਚ ਕਾਲਾ ਸਿੰਘ ਬੇਦੀ, ਲੱਕੀ ਮਾਨ, ਮਾਸਟਰ ਕੰਵਲਜੀਤ ਸਿੰਘ, ਸੰਤ ਰਾਮ ਖਿੱਚੀ, ਧਰਮ ਸਿੰਘ ਗੋਨਿਆਣਾ, ਸੁਭਾਸ਼ ਕੁਮਾਰ, ਰਾਜਾ ਸਿੰਘ, ਕਾਕਾ ਸਿੰਘ ਠੇਕੇਦਾਰ, ਮਨੋਜ ਖਿੱਚੀ, ਨਰਿੰਦਰ ਖਿੱਚੀ, ਭੋਲੂ ਵਾਲੀਆ, ਜਗਮੇਲ ਸਿੰਘ ਸਿੱਧੂ, ਸਮਰ ਬੇਦੀ, ਭਜਨ ਸਿੰਘ, ਗੁਰਾਂਦਿੱਤਾ ਸਿੰਘ ਆਦਿ ਮੌਜੂਦ ਸਨ।
