ਸ਼੍ਰੋਮਣੀ ਅਕਾਲੀ ਦਾ ਡੈਲੀਗੇਟਸ ਇਜਲਾਸ ਅੱਜ ਫ਼ਰੀਦਕੋਟ ਵਿਖੇ ਹੋਵੇਗਾ

ਫ਼ਰੀਦਕੋਟ, 27 ਜੁਲਾਈ (ਵਿਪਨ ਮਿੱਤਲ)-ਫ਼ਰੀਦਕੋਟ ਵਿਖੇ ਸ਼੍ਰੋਮਣੀ ਦਲ ਦਾ ਡੈਲੀਗੇਟ ਇਜਲਾਸ 28 ਜੁਲਾਈ ਨੂੰ ਸਵੇਰੇ 11:30 ਵਜੇ ਗੁਰਦੁਆਰਾ ਹਰਿੰਦਰਾ ਨਗਰ ਫ਼ਰੀਦਕੋਟ ਵਿਖੇ ਸੱਦਿਆ ਗਿਆ ਹੈ। ਇਸ ਮੌਕੇ ਬਤੌਰ ਆਬਜ਼ਰਵਰ ਜੱਥੇਦਾਰ ਸੰਤਾ ਸਿੰਘ ਉਮੈਦਪੁਰੀ ਚੋਣ ਕਰਵਾਉਣ ਲਈ ਫ਼ਰੀਦਕੋਟ ਪਹੁੰਚ ਰਹੇ ਹਨ। ਇਹ ਜਾਣਕਾਰੀ ਦਿੰਦੇ ਹੋਏ ਮਨਪ੍ਰੀਤ ਸਿੰਘ ਭੋਲੂਵਾਲਾ ਅਤੇ ਅਮਨਿੰਦਰ ਸਿੰਘ ਬੰਨੀ ਬਰਾੜ ਨੇ ਦੱਸਿਆ ਇਸ ਮੀਟਿੰਗ ’ਚ ਫ਼ਰੀਦਕੋਟ ਜ਼ਿਲੇ ਤੇ ਤਿੰਨ ਵਿਧਾਨ ਸਭਾ ਹਲਕਿਆਂ ਫ਼ਰੀਦਕੋਟ, ਕੋਟਕਪੂਰਾ, ਜੈਤੋ ਦਾ ਇਕੱਠਾ ਡੈਲੀਗੇਟ ਇਜਲਾਸ ਹੋਵੇਗਾ। ਇਸ ਇਜਲਾਸ ’ਚ ਜ਼ਿਲਾ ਅਤੇ ਸਟੇਟ ਡੈਲੀਗੇਟ ਦੇ ਚੋਣ ਹੋਵੇਗੀ। ਇਸ ਮੌਕੇ ਚਰਨਜੀਤ ਸਿੰਘ ਬਰਾੜ ਵੀ ਪਹੁੰਚ ਰਹੇ ਹਨ। ਦੋਹਾਂ ਯੂਥ ਆਗੂਆਂ ਨੇ ਦੱਸਿਆ ਕਿ ਇਜਲਾਸ ਸਮੇਂ ਸ਼ੁਰੂ ਹੋ ਜਾਵੇਗਾ। ਉਨ੍ਹਾਂ ਸਮੂਹ ਸਰਕਲ ਡੈਲੀਗੇਟਸ ਅਤੇ ਮੈਂਬਰਜ਼ ਨੂੰ ਸਮੇਂ ਸਿਰ ਪਹੁੰਚਣ ਦੀ ਅਪੀਲ ਕੀਤੀ।