82 ਸਾਲਾ ਬਾਪੂ ਬੋਹੜ ਸਿੰਘ ਮਾਨ ਵਾਕਰ ਤੇ ਚਲ ਕੇ ਪਹੁੰਚਿਆ ਧਰਨੇ ਤੇ, ਦੋ ਜਗਹਾ ਤੋਂ ਟੁੱਟ ਚੁੱਕੀ ਲੱਤ

ਮਲੋਟ, 31 ਦਸੰਬਰ (ਬਲਕਰਨ ਜਟਾਣਾ ) 30 ਦਸੰਬਰ ਨੂੰ ਪੰਜਾਬ ਬੰਦ ਦੇ ਸੱਦੇ ਨੂੰ ਮੁੱਖ ਰੱਖਦਿਆਂ ਪਿੰਡ ਪੰਨੀ ਵਾਲਾ ਫੱਤਾ ਜਿਲਾ ਸ੍ਰੀ ਮੁਕਤਸਰ ਸਾਹਿਬ ਚੌਕ ਵਿੱਚ ਕਿਸਾਨਾਂ ਨੇ ਧਰਨਾ ਲਗਾ ਕੇ ਚਾਰੇ ਸੜਕਾਂ ਤੇ ਆਵਾਜਾਈ ਠੱਪ ਕਰ ਦਿੱਤੀ ਪਿੰਡ ਬਾਮ ਦੇ ਕਿਸਾਨ ਬਾਪੂ ਬੋਹੜ ਸਿੰਘ ਮਾਨ ਵਾਕਰ ਤੇ ਚੱਲ ਕੇ ਧਰਨੇ ਵਾਲੀ ਥਾਂ ਤੇ ਪਹੁੰਚ ਗਏ ।ਬਾਪੂ ਨੇ ਦੱਸਿਆ ਕਿ ਉਸ ਦੀ ਦੋ ਵਾਰ ਲੱਤ ਟੁੱਟ ਚੁੱਕੀ ਹੈ ਇੱਕ ਵਾਰ ਗੋਡੇ ਤੋਂ ਥੱਲੇ ਅਤੇ ਦੂਜੀ ਵਾਰ ਪੱਟ ਕੋਲੋਂ ਲੱਤ ਟੁੱਟੀ ਹੈ ਹੁਣ ਉਹ ਵਾਕਰ ਤੇ ਥੋੜਾ ਬਹੁਤਾ ਤੁਰ ਲੈਂਦਾ ਹੈ ਪਰ ਬਾਪੂ ਕਹਿੰਦਾ ਕਿ ਕਿਸਾਨੀ ਸੰਘਰਸ਼ ਵਿੱਚ ਮੈਂ ਪਹਿਲਾਂ ਵੀ ਵੱਡਾ ਯੋਗਦਾਨ ਪਾ ਚੁੱਕਾ ਹਾਂ ਅਤੇ ਹੁਣ ਵੀ ਪਿੱਛੇ ਨਹੀਂ ਹਟਾਂ

ਗਾ ਜੇ ਡੱਲੇਵਾਲ ਸਾਹਿਬ ਆਪਣੀ ਜਿੰਦਗੀ ਕਿਸਾਨੀ ਪਿੱਛੇ ਦਾਅ ਤੇ ਲਗਾ ਦਿੰਦੇ ਹਨ ਤਾਂ ਮੈਂ ਘਰ ਕਿਉਂ ਬੈਠਾ। ਉਹਨਾਂ ਵਾਕਰ ਸਾਹਮਣੇ ਰੱਖ ਕੇ ਇੱਕ ਕੁਰਸੀ ਤੇ ਬੈਠ ਕੇ ਜੋਰਦਾਰ ਤਰੀਕੇ ਨਾਲ ਸੰਬੋਧਨ ਕੀਤਾ ਅਤੇ ਮੋਦੀ ਸਰਕਾਰ ਨੂੰ ਲਲਕਾਰਿਆ ਉਹਨਾਂ ਕਿਹਾ ਕਿ ਅਸੀਂ ਤਾਂ ਜਿੰਦਗੀ ਹੰਢਾ ਚੁੱਕੇ ਹਾਂ ਹੁਣ ਜੇ ਜਿੰਦਗੀ ਨੂੰ ਕਿਸਾਨੀ ਦੇ ਲੇਖੇ ਲਗਾ ਦੇਵਾਂਗੇ ਤੇ ਅਸੀਂ ਆਪਣੇ ਆਪ ਨੂੰ ਵਡਭਾਗੇ ਸਮਝਾਂਗੇ ਉਹਨਾਂ ਨੌਜਵਾਨਾਂ ਨੂੰ ਲਲਕਾਰ ਕੇ ਕਿਹਾ ਕਿ ਤੁਸੀਂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਦੇ ਵਾਰਸ ਹੋ ਜਿਨਾਂ ਨੇ ਆਪਣੇ ਚਾਰ ਪੁੱਤਰ ਹੱਸ ਹੱਸ ਕੇ  ਜੁਲਮ ਦੇ ਵਿਰੁੱਧ ਵਾਰ ਦਿੱਤੇ ਸਨ ਅਤੇ ਆਪਣਾ ਪਿਤਾ ਵੀ ਵਾਰ ਦਿੱਤਾ ਸੀ ਤੁਸੀਂ ਉਸ ਕੌਮ ਦੇ ਵਾਰਸ ਹੋ ਅੱਜ ਕਿਸਾਨੀ ਨੂੰ ਬਚਾਉਣ ਵਾਸਤੇ ਅੱਗੇ ਆਉਣ ਦੀ ਲੋੜ ਹੈ ਅਤੇ ਘਰ ਬੈਠਣ ਦੀ ਬਜਾਏ ਸੰਘਰਸ਼ਾਂ ਵਿੱਚ ਵੱਧ ਚੜ ਕੇ ਹਿੱਸਾ ਲਓ ਤਾਂ ਕਿ ਮੋਦੀ ਨੂੰ ਲੋਹੇ ਦੇ ਚਨੇ ਚਬਾ ਸਕੀਏ  ਬਾਪੂ ਦੇ ਹੌਸਲੇ ਨੂੰ ਦੇਖ ਕੇ ਸਾਰੇ ਲੋਕ ਗਦ ਗਦ ਹੋ ਉੱਠੇ ਬਾਪੂ ਨੇ ਕਿਹਾ ਕਿ ਮੈਂ ਖਨੌਰੀ ਬਾਰਡਰ ਤੇ ਵੀ ਜਾਵਾਂਗਾ ਅਤੇ ਉੱਥੇ ਜਾ ਕੇ ਵੀ ਪੂਰੀ ਲੜਾਈ ਲੜਾਂਗਾ।