Manpreet Singh
ਰਾਏ ਅਮਾਨਤ ਖਾਂ, 4 ਅਪ੍ਰੈਲ (ਗੁਰਸ਼ਰਨ ਸਿੰਘ ਔਲਖ) – ਵਿਧਾਨ ਸਭਾ ਹਲਕਾ ਤਰਨ ਤਾਰਨ ਤੋ ਸੀਨੀਅਰ ਕਾਂਗਰਸੀ ਆਗੂ ਚੇਅਰਮੈਨ ਰਣਜੀਤ ਸਿੰਘ ਰਾਣਾ ਗੰਡੀਵਿੰਡ ਨੇ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨਾਲ ਉਨ੍ਹਾਂ ਦੀ ਰਹਾਇਸ਼ ਤੇ ਮੁਲਾਕਾਤ ਕੀਤੀ ਅਤੇ ਤਰਨ ਤਾਰਨ ਹਲਕੇ ਬਾਰੇ ਵਿਚਾਰ ਵਰਚਾ ਕੀਤੀ । ਇਸ ਸਮੇ ਪੰਜਾਬ ਕਾਂਗਰਸ ਦੇ ਬੁਲਾਰੇ ਅਤੇ ਗੰਡੀਵਿੰਡ ਬਲਾਕ ਦੇ ਪ੍ਰਧਾਨ ਐਡਵੋਕੇਟ ਜਗਮੀਤ ਢਿੱਲੋ ਗੰਡੀਵਿੰਡ ਵੀ ਨਾਲ ਮੌਜੂਦ ਸਨ ਜਿੰਨਾ ਨੇ ਪ੍ਰਤਾਪ ਸਿੰਘ ਬਾਜਵਾ ਵੱਲੋ ਬਜਟ ਸੈਸ਼ਣ ਵਿਚ ਸਰਕਾਰ ਨੂੰ ਵੱਖ ਵੱਖ ਮੁੱਦਿਆ ਤੇ ਘੇਰਨ ਲਈ ਵਿਰੋਧੀ ਧਿਰ ਦੇ ਨੇਤਾ ਦੀ ਪ੍ਰਸੰਸਾ ਕੀਤੀ । ਇਸ ਸਮੇਂ ਪ੍ਰਤਾਪ ਬਾਜਵਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਹਰ ਫਰੰਟ ਤੇ ਫੇਲ ਹੋ ਚੁੱਕੀ ਹੈ ਚਾਹੇ ਵਧ ਰਹੇ ਭ੍ਰਿਸ਼ਟਾਚਾਰ,ਕਰਜਾਂ ਅਤੇ ਗੈਗਸਟਰ ਵਾਦ ਨੇ ਪੰਜਾਬ ਦਾ ਮਹੌਲ ਅਣਸੁੱਖਾਵਾਂ ਬਣਾ ਦਿੱਤਾ ਹੈ ਜਿਸ ਕਰਕੇ ਪੰਜਾਬ ਦੇ ਲੋਕ ਪੰਜਾਬ ਛੱਡ ਕੇ ਵਿਦੇਸ਼ਾ ਵੱਲ ਰੁੱਖ ਕਰ ਰਹੇ ਹਨ ਅਤੇ ਪੰਜਾਬ ਦੀ ਇੰਡਾਸਟਰੀ ਵੀ ਹੋਰਨਾਂ ਸੂਬਿਆ ਵੱਲ ਕੂਚ ਕਰ ਰਹੀ ਤੇ ਭਗਵੰਤ ਮਾਨ ਲੋਕਾਂ ਦੇ ਮਨਾਂ ਵਿਚੋ ਉੱਤਰ ਕੇ ਹਰ ਫਰੰਟ ਤੇ ਫੇਲ ਹੋ ਚੁੱਕੀ ਹੈ ।ਇਸ ਮੌਕੇ ਉਪਕਾਰ ਸਿੰਘ ਭੁੱਚਰ,ਪ੍ਰੋ ਇੰਦਰਜੀਤ ਸਿੰਘ ਕਸੇਲ ਆਦਿ ਹਾਜਰ ਸਨ ।
