ਬਿਜਲੀ ਦੇ ਲੰਮੇ ਕੱਟਾਂ ਤੋਂ ਘਰੇਲੂ ਖਪਤਕਾਰ ਦੁਖੀ–ਸੰਧੂ ,ਸ਼ਰਮਾ, ਰਤਨਪਾਲ 

ਕਪੂਰਥਲਾ, 10 ਜੂਨ (ਕੌੜਾ )- ਝੋਨੇ ਦੀ ਬਜਾਈ ਅਜੇ ਸ਼ੁਰੂ ਹੋਈ ਹੈ ਪਰ ਘਰੇਲੂ ਖਪਤਕਾਰਾਂ ਲਈ ਬਿਜਲੀ ਦੇ ਲੰਮੇ ਕੱਟ ਜਾਂ 15 -20 ਮਿੰਟ ਆਈ ਤੇ ਫਿਰ ਚਲੀ ਗਈ , ਨੇ ਲੋਕਾਂ ਨੂੰ ਪਰੇਸ਼ਾਨ ਕਰ ਛੱਡਿਆ ਹੈ। ਝੋਨੇ ਦੀ ਫਸਲ ਲਈ ਅੱਠ ਘੰਟੇ ਬਿਜਲੀ ਦੀ ਸਪਲਾਈ ਦੇਣਾ ਚੰਗੀ ਗੱਲ ਹੈ ਪਰ ਘਰੇਲੂ ਖਪਤਕਾਰਾ ਨੂੰ ਬਿਜਲੀ ਸਪਲਾਈ ਨਾ ਮਿਲੇ ਬਹੁਤ ਮਾੜਾ ਵਰਤਾਰਾ ਹੈ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਕੀਰਤਨਪਾਲ ਸੰਧੂ, ਮੈਂਬਰ ਪੰਚਾਇਤ ਧੀਰਜ ਕੁਮਾਰ ਸ਼ਰਮਾ ਤੇ ਲਖਵਿੰਦਰ ਸਿੰਘ ਰਤਨਪਾਲ ਨੇ ਅੱਜ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਹੈ। ਪੈ ਰਹੀ ਸਖਤ ਗਰਮੀ ਵਿੱਚ ਬਜ਼ੁਰਗਾਂ ਅਤੇ ਬੱਚਿਆਂ ਲਈ ਬੜਾ ਔਖਾ ਹੈ। ਅਜਿਹੀ ਪੈ ਰਹੀ ਗਰਮੀ ਵਿੱਚ ਟੈਂਕੀ ਵਿੱਚ ਪਾਣੀ ਹੋਏ ਤਾਂ ਕੋਈ ਨਹਾ ਲੈਂਦਾ ਹੈ ਜਾਂ ਕੋਈ ਗਿੱਲਾ ਕੱਪੜਾ ਕਰਕੇ ਉੱਤੇ ਲੈ ਲੈਂਦਾ ਹੈ । ਪਰ ਜੇਕਰ ਟੈਂਕੀ ਵਿੱਚ ਪਾਣੀ ਹੀ ਨਾ ਹੋਇਆ ਤਾਂ ਉਹ ਕੀ ਕਰੇਗਾ। ਜੇਕਰ ਬਿਜਲੀ ਦੋ ਦੋ ਘੰਟੇ ਨਾ ਆਈ ਤਾਂ 43- 44 ਦੇ ਤਾਪਮਾਨ ਵਿੱਚ ਬੰਦਾ ਕਿੱਧਰ ਜਾਵੇ। ਇਸ ਦਾ ਖਿਆਲ ਰੱਖਣਾ ਬਿਜਲੀ ਵਿਭਾਗ ਅਤੇ ਸਰਕਾਰ ਦੀ ਜਿੰਮੇਵਾਰੀ ਬਣਦੀ ਹੈ।