ਭਾਜਪਾ ਵੱਲੋਂ ਜ਼ਿਲ੍ਹਾ ਜਗਰਾਉਂ ਵਿੱਚ ਦੋ ਰੋਜ਼ਾ ਸਫਾਈ ਮੁਹਿੰਮ ਦੀ ਸ਼ੁਰੂਆਤ

ਜਗਰਾਉਂ, 16 ਜੁਲਾਈ (ਜਸਵਿੰਦਰ ਸਿੰਘ ਡਾਂਗੀਆ ) ਭਾਰਤੀ ਜਨਤਾ ਪਾਰਟੀ ਜ਼ਿਲ੍ਹਾ ਜਗਰਾਉਂ ਵੱਲੋਂ ਜ਼ਿਲ੍ਹਾ ਪ੍ਰਧਾਨ ਡਾ. ਰਜਿੰਦਰ ਸ਼ਰਮਾ ਦੀ ਅਗਵਾਈ ਹੇਠ ਦੋ ਰੋਜ਼ਾ ਸਫਾਈ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ। ਪਾਰਟੀ ਹਾਈਕਮਾਨ ਦੇ ਨਿਰਦੇਸ਼ਾਂ ਅਨੁਸਾਰ ਸ਼ੁਰੂ ਕੀਤੀ ਗਈ ਇਸ ਮੁਹਿੰਮ ਤਹਿਤ ਜ਼ਿਲ੍ਹੇ ਦੇ ਸਾਰੇ ਮੰਡਲਾਂ ਵਿੱਚ ਧਾਰਮਿਕ ਅਤੇ ਜਨਤਕ ਥਾਵਾਂ ਦੀ ਸਫਾਈ ਕਰਕੇ ਸਵੱਛਤਾ ਦਾ ਸੰਦੇਸ਼ ਦਿੱਤਾ ਗਿਆ। ਡਾ. ਰਜਿੰਦਰ ਸ਼ਰਮਾ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪੰਜਾਬ ਫੇਰੀ ਦੇ ਮੱਦੇਨਜ਼ਰ ਸਵੱਛਤਾ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਇਹ ਮੁਹਿੰਮ ਚਲਾਈ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਹਰੇਕ ਮੰਡਲ ਵਿੱਚ ਪੰਜ ਥਾਵਾਂ ‘ਤੇ ਸਫਾਈ ਕਰਨ ਦਾ ਟੀਚਾ ਨਿਰਧਾਰਤ ਕੀਤਾ ਗਿਆ ਹੈ ਅਤੇ ਇਹ ਮੁਹਿੰਮ ਦੋ ਦਿਨ ਤੱਕ ਜਾਰੀ ਰਹੇਗੀ। ਪਹਿਲੇ ਦਿਨ ਰਾਏਕੋਟ, ਜਗਰਾਉਂ, ਮੁੱਲਾਂਪੁਰ, ਸੁਧਾਰ ਅਤੇ ਕਾਉਂਕੇ ਮੰਡਲਾਂ ਵਿੱਚ ਪਾਰਟੀ ਵਰਕਰਾਂ ਨੇ ਸਫਾਈ ਮੁਹਿੰਮ ਚਲਾਈ। ਜਗਰਾਉਂ ਵਿਖੇ ਡਾ. ਰਜਿੰਦਰ ਸ਼ਰਮਾ ਨੇ ਖੁਦ ਮੁਹਿੰਮ ਵਿੱਚ ਹਿੱਸਾ ਲਿਆ। ਸੁਧਾਰ ਵਿਖੇ ਬਾਲ ਕ੍ਰਿਸ਼ਨ ਗਰਗ, ਪਰਮਜੀਤ ਸਿੰਘ ਟੂਸੇ, ਧਰਮਿੰਦਰ ਸਿੰਘ, ਮਨੋਜ ਗੋਇਲ, ਯਸ਼ਪਾਲ ਸ਼ਰਮਾ ਅਤੇ ਅਵਤਾਰ ਸਿੰਘ ਸਮੇਤ ਕਈ ਵਰਕਰਾਂ ਨੇ ਸੇਵਾ ਨਿਭਾਈ। ਜਗਰਾਉਂ ਵਿਖੇ ਡਾ. ਨਿਰਮਲ ਭੁੱਲਰ, ਅਜੀਤ ਸਿੰਘ ਅਖਾੜਾ, ਰਵੀ ਅਰੋੜਾ, ਟੋਨੀ ਵਰਮਾ, ਅਨਿਲ ਕੁਮਾਰ, ਸ਼ੈਂਟੀ ਚੋਪੜਾ, ਗੌਰਵ ਗੁਪਤਾ, ਲਲਿਤ ਜੈਨ, ਸੁਸ਼ੀਲ ਪੱਪੂ ਗੋਇਲ, ਸੌਰਵ ਗਰਗ ਅਤੇ ਸੋਮਨਾਥ ਯੋਧਾ ਹਾਜ਼ਰ ਸਨ। ਮੁੱਲਾਂਪੁਰ ਵਿਖੇ ਹਰਮਿੰਦਰ ਸਿੰਘ, ਸ਼ੁਭਮ ਮੁੱਲਾਂਪੁਰ ਅਤੇ ਸੁਖਮਿੰਦਰ ਸਿੰਘ ਸਮੇਤ ਹੋਰ ਵਰਕਰਾਂ ਨੇ ਵੀ ਮੁਹਿੰਮ ਵਿੱਚ ਸ਼ਮੂਲੀਅਤ ਕੀਤੀ।