ਭਾਰਤੀ ਯੋਗ ਸੰਸਥਾਨ ਵੱਲੋਂ ਯੋਗ ਕੇਂਦਰ ਦਾ ਵਿਧੀਵਤ ਉਦਘਾਟ

ਅੰਮ੍ਰਿਤਸਰ 8 ਅਗਸਤ( ਮਨਜੀਤ ਸਿੰਘ     )ਭਾਰਤੀ ਯੋਗ ਸੰਸਥਾਨ ਵੱਲੋਂ ਐਚ.ਆਈ.ਜੀ. ਵੈਲਫੇਅਰ ਸੋਸਾਇਟੀ ਵਿਖੇ ਯੋਗ ਕੇਂਦਰ ਦਾ ਵਿਧੀਵਤ ਉਦਘਾਟਨ ਪੰਜਾਬ ਪ੍ਰਾਂਤ ਮੰਤਰੀ ਅਤੇ ਪ੍ਰਸਿੱਧ ਸਮਾਜ ਸੇਵੀ ਸ਼੍ਰੀ ਸਤੀਸ਼ ਮਹਾਜਨ ਜੀ ਦੇ ਮੁੱਖ ਆਤਿਥੀ ਅਤੇ ਪੰਜਾਬ ਸੰਗਠਨ ਮੰਤਰੀ ਸ਼੍ਰੀ ਮਨਮੋਹਨ ਕਪੂਰ ਜੀ ਦੇ ਵਿਸ਼ੇਸ਼ ਆਤਿਥੀ ਵਿੱਚ ਸੰਪੰਨ ਹੋਇਆ। ਸਮਾਗਮ ਦਾ ਆਯੋਜਨ ਐਚ.ਆਈ.ਜੀ. ਵੈਲਫੇਅਰ ਸੋਸਾਇਟੀ ਦੀ ਉਪ-ਪ੍ਰਧਾਨ ਡਾ. ਸਵਰਾਜ ਗਰੋਵਰ ਅਤੇ ਯੋਗ ਕੇਂਦਰ ਵੱਲੋਂ ਕੀਤਾ ਗਿਆ। ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਡਾ. ਕਿਰਨ ਖੰਨਾ ਨੇ ਵੀ ਆਪਣੀ ਗਰਿਮਾਮਈ ਹਾਜ਼ਰੀ ਨਾਲ ਸਮਾਗਮ ਦੀ ਸ਼ੋਭਾ ਵਧਾਈ।ਸਮਾਗਮ ਦੀ ਸ਼ੁਰੂਆਤ ਭਾਰਤੀ ਯੋਗ ਸੰਸਥਾਨ ਦੇ ਸੰਸਥਾਪਕ ਸ਼੍ਰੀ ਪ੍ਰਕਾਸ਼ ਲਾਲ ਜੀ ਦੇ ਚਿੱਤਰ ’ਤੇ ਫੁੱਲਾਂ ਦੀ ਮਾਲਾ ਅਰਪਿਤ ਕਰਕੇ ਕੀਤੀ ਗਈ। ਯੋਗ ਮਾਹਿਰ ਸ਼੍ਰੀਮਤੀ ਕੁਲਵਿੰਦਰ ਕੌਰ ਅਤੇ ਸ਼੍ਰੀ ਵਿਵੇਕ ਗੁਪਤਾ ਨੇ ਯੋਗ ਕਿਰਿਆਵਾਂ ਦਾ ਪ੍ਰਦਰਸ਼ਨ ਕਰਵਾਇਆ। ਸ਼੍ਰੀਮਤੀ ਹੈਰੀ ਨੇ ਓਮ ਧੁਨੀ ਅਤੇ ਆਸਟ੍ਰੇਲੀਆ ਤੋਂ ਆਏ ਸਮਾਜ ਸੇਵੀ ਸ਼੍ਰੀ ਪੀਯੂਸ਼ ਗਰੋਵਰ ਨੇ ਪ੍ਰੇਰਣਾਦਾਇਕ ਭਜਨ ਪੇਸ਼ ਕੀਤਾ।ਮੁੱਖ ਮਹਿਮਾਨ ਸ਼੍ਰੀ ਸਤੀਸ਼ ਮਹਾਜਨ ਜੀ ਨੇ ਯੋਗ ਕੇਂਦਰ ਦੇ ਬੈਨਰ ਦਾ ਉਦਘਾਟਨ ਕਰਕੇ ਕੇਂਦਰ ਦੀ ਰਸਮੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਕਿਹਾ ਕਿ “ਯੋਗ ਸਮੁੱਚੇ ਜੀਵਨ ਦਾ ਵਿਗਿਆਨ ਹੈ ਅਤੇ ਵਿਸ਼ਵ ਸ਼ਾਂਤੀ ਦਾ ਆਧਾਰ ਹੈ। ਯੋਗ ਪਰਿਵਾਰ, ਸਮਾਜ ਅਤੇ ਰਾਸ਼ਟਰ ਨੂੰ ਤੰਦਰੁਸਤ ਅਤੇ ਮਜ਼ਬੂਤ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾ ਸਕਦਾ ਹੈ।”ਡਾ. ਸਵਰਾਜ ਗਰੋਵਰ ਨੇ ਭਾਰਤੀ ਯੋਗ ਸੰਸਥਾਨ ਨੂੰ ਰਾਸ਼ਟਰ ਦੀ ਅਮੁੱਲ ਧਰੋਹਰ ਦੱਸਦਿਆਂ ਕਿਹਾ ਕਿ ਯੋਗ ਸਰੀਰਕ, ਮਾਨਸਿਕ ਅਤੇ ਸਮਾਜਿਕ ਸਿਹਤ ਲਈ ਬਹੁਤ ਮਹੱਤਵਪੂਰਨ ਹੈ।ਇਸ ਮੌਕੇ ਸ਼੍ਰੀ ਰਾਜੇਸ਼ ਭਾਟੀਆ, ਸ਼੍ਰੀਮਤੀ ਇੰਦਰਾ ਧਵਨ, ਡੋਲੀ ਭਾਟੀਆ, ਵੀਣਾ ਮਹਾਜਨ, ਮੁਸਕਾਨ ਅਰੋੜਾ, ਸੋਨੀਆ ਚੌਹਾਨ, ਊਸ਼ਾ ਗੁਪਤਾ, ਸ਼੍ਰੀਮਤੀ ਨੀਲੂ, ਦੀਪਤੀ ਕੌਰ, ਪ੍ਰਕਾਸ਼ ਕੌਰ, ਸੋਨਿਕਾ ਧਾਮੀ, ਰਾਜਦੀਪ ਕੌਰ, ਨੀਲਮ ਸਮੇਤ ਵੱਡੀ ਗਿਣਤੀ ਵਿੱਚ ਪਤਵੰਤੇ ਮਹਿਮਾਨ ਅਤੇ ਇਲਾਕਾ ਨਿਵਾਸੀ ਹਾਜ਼ਰ ਸਨ। ਅੰਤ ਵਿੱਚ ਸ਼੍ਰੀ ਮਨਮੋਹਨ ਕਪੂਰ ਜੀ ਨੇ ਸਾਰੇ ਮਹਿਮਾਨਾਂ ਅਤੇ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ। ਸ਼ਾਂਤੀ ਪਾਠ ਨਾਲ ਸਮਾਗਮ ਦੀ ਸਮਾਪਤੀ ਹੋਈ।