ਲੱਭਿਆ ਮੋਬਾਇਲ ਫੋਨ ਵਾਪਸ ਕਰਕੇ ਦਿੱਤਾ ਇਮਾਨਦਾਰੀ ਦਾ ਸਬੂਤ

ਸ੍ਰੀ ਮੁਕਤਸਰ ਸਾਹਿਬ, 3 ਅਪ੍ਰੈਲ ( ਮਨਪ੍ਰੀਤ ਮੋਨੂੰ )-ਅੱਜ ਕੱਲ ਦੇ ਘੋਰ ਕਲਯੁਗ ਵਿਚ ਜਿੱਥੇ ਚੰਦ ਪੈਸਿਆਂ ਪਿੱਛੇ ਕਿਸੇ ਵੀ ਹੱਦ ਤਕ ਚੱਲੇ ਜਾਂਦੇ ਹਨ ਪ੍ਰੰਤੂ ਅੱਜ ਵੀ ਕੁਝ ਅਜਿਹੇ ਵਿਅਕਤੀ ਹਨ ਜੋ ਕਿਸੇ ਦੀ ਮਿਲ਼ੀ ਵਸਤੂ ਨੂੰ ਅਮਾਨਤ ਸਮਝਦੇ ਹੋਏ ਉਸ ਨੂੰ ਵਾਪਸ ਕਰਨਾ ਆਪਣਾ ਮੁੱਢਲਾ ਫਰਜ਼ ਸਮਝਦੇ ਹਨ । ਇਮਾਨਦਾਰੀ ਦੀ ਇੱਕ ਅਜਿਹੀ ਹੀ ਮਿਸਾਲ ਉਸ ਵੇਲੇ ਦੇਖਣ ਨੂੰ ਮਿਲੀ ਜਦੋਂ ਲੱਭਿਆ ਹੋਇਆ ਮੋਬਾਇਲ ਫੋਨ ਉਸ ਦੇ ਅਸਲ ਮਾਲਕ ਨੂੰ ਸੌਂਪਿਆ ਗਿਆ । ਜਾਣਕਾਰੀ ਅਨੁਸਾਰ ਕੁਲਬੀਰ ਸਿੰਘ ਗਿੱਲ ਦਾ ਮੋਬਾਇਲ ਡਿੱਗ ਪਿਆ ਸੀ ਜੋਕਿ ਵੀਨਸ ਮਾਨਕਟਾਲਾ ਅਤੇ ਸਾਗਰ ਰਾਣਾ  ਨੂੰ ਚੱਕ ਬੀੜ ਸਰਕਾਰ ਤੋਂ ਸੜਕ ਤੇ ਪਿਆ ਮਿਲਿਆ ਸੀ। ਉਹਨਾਂ ਮੋਬਾਇਲ ਦੇ ਅਸਲ ਮਾਲਕ ਤੱਕ ਪਹੁੰਚ ਕਰਕੇ ਲੱਭਿਆ ਹੋਇਆ ਮੋਬਾਇਲ ਫੋਨ ਵਾਪਸ ਕਰਕੇ ਇਮਾਨਦਾਰੀ ਦਾ ਸਬੂਤ ਦਿੱਤਾ । ਜਿਸ ਤੇ ਮੋਬਾਇਲ ਮਾਲਕ ਕੁਲਬੀਰ ਸਿੰਘ ਗਿੱਲ ਨੇ ਵੀਨਸ ਮਾਨਕਟਾਲਾ ਅਤੇ ਸਾਗਰ ਰਾਣਾ  ਦਾ ਧੰਨਵਾਦ ਕੀਤਾ ।