ਸਰਹੱਦੀ ਪਿੰਡ ਲਾਖਨਾ ਦੇ ਨੌਜਵਾਨ ਖਿਡਾਰੀ ਗੁਰਤਾਜ ਸਿੰਘ ਪੰਨੂੰ ਨੇ ਨੈਂਸਨਲ ਕਿੱਕਬਾਕਸਿੰਗ ਚੈਂਪੀਅਨ ਚ ਗੋਲਡ ਮੈਡਲ ਜਿੱਤ ਕੇ ਇਲਾਕੇ ਦਾ ਨਾਮ ਰੋਸ਼ਨ ਕੀਤਾ

ਅੰਮ੍ਰਿਤਸਰ /ਭਿੱਖੀਵਿੰਡ / (ਮਨਜੀਤ ਸਿੰਘ ਸ਼ੇਰਗਿੱਲ ) ਜਿਲਾ ਤਰਨਤਾਰਨ ਦੇ ਸਰਹੱਦੀ ਪਿੰਡ ਲਾਖਨਾ ਦੇ ਦਸਵੀਂ ਕਲਾਸ ਦੇ ਨੌਜਵਾਨ ਖਿਡਾਰੀ ਗੁਰਤਾਜ ਸਿੰਘ ਪੰਨੂੰ (ਉਮਰ16 ਸਾਲ) ਨੇ ਬੀਤੇ ਦਿਨੀ ਹੋਈ ਨੈਂਸਨਲ ਜੂਨੀਅਰ ਕਿੱਕਬਾਕਸਿੰਗ ਚੈਂਪੀਅਨ ਚ ਗੋਲਡ ਮੈਡਲ ਜਿੱਤ ਕੇ ਇਲਾਕੇ ਦਾ ਨਾਮ ਰੋਸ਼ਨ ਕੀਤਾ। ਅੱਜ ਨੌਜਵਾਨ ਖਿਡਾਰੀ ਦਾ ਪਿੰਡ ਲਾਖਣਾ ਵਿਖੇ ਪਹੁੰਚਣ ਨਗਰ ਨਿਵਾਸੀਆਂ ਵੱਲੋਂ ਜੋਰਦਾਰ ਸਵਾਗਤ ਕੀਤਾ ਗਿਆ ਤੇ ਖਿਡਾਰੀ ਗੁਰਤਾਜ ਸਿੰਘ ਪੰਨੂੰ ਦੇ ਦਾਦਾ ਸ੍. ਬਘੇਲ ਸਿੰਘ ਪੰਨੂੰ ਤੇ ਪਿਤਾ ਸ੍. ਹਰਪਾਲ ਸਿੰਘ ਪੰਨੂੰ ਨੂੰ ਵਧਾਈਆਂ ਦਿੱਤੀਆਂ ਗਈਆਂ। ਇਸ ਮੌਕੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਖਿਡਾਰੀ ਗੁਰਤਾਜ ਸਿੰਘ ਪੰਨੂੰ ਨੇ ਦੱਸਿਆਂ ਕਿ ਮੈ ਕੈਮਰਿਜ ਸਕੂਲ ਪੱਟੀ ਵਿਖੇ ਦਸਵੀਂ ਦੀ ਪੜਾਈ ਕਰ ਰਿਹਾ ਹਾਂ। ਤਾਂ ਮੈਨੂੰ ਬਚਪਨ ਤੋਂ ਹੀ ਵੱਖ ਵੱਖ ਗੇਮਾਂ ਵਿੱਚ ਸੌਂਕ ਰੱਖਦਾ ਸੀ। ਤੇ ਵੱਖ ਵੱਖ ਗੇਮਾਂ ਵਿੱਚ ਹਿੱਸਾ ਲੈਕੇ ਵਧੀਆ ਪ੍ਰਦਰਸਨ ਕਰਦਾ ਰਿਹਾ । ਇਸੇ ਹੀ ਲੜੀ ਤਹਿਤ ਬੀਤੇ ਦਿਨੀ ਉੜੀਸਾ ਵਿੱਚ ਹੋਈ ਨੈਂਸਨਲ ਕਿੱਕਬਾਕਸਿੰਗ ਚੈਂਪੀਅਨ ਚ ਗੋਲਡ ਮੈਡਲ ਜਿੱਤ ਕੇ ਇਲਾਕੇ ਦਾ ਨਾਮ ਰੋਸ਼ਨ ਕੀਤਾ। ਅੱਗੇ ਗੁਰਤਾਜ ਸਿੰਘ ਪੰਨੂੰ ਨੇ ਦੱਸਿਆਂ ਕਿ ਮੈਨੂੰ ਮੇਰੇ ਪਰਿਵਾਰਿਕ ਮੈਂਬਰਾਂ ਤੇ ਸਕੂਲ ਸਟਾਫ ਦਾ ਵੀ ਬਹੁਤ ਸਹਿਯੋਗ ਮਿਲ ਰਿਹਾ ਹੈ। ਤੇ ਹੁਣ ਨਵੰਬਰ ਚ ਸਾਡੀ ਇੰਡੀਆਂ ਟੀਮ ਵਿਦੇਸ ਦੀ ਧਰਤੀ ਇਟਲੀ ਵਿੱਚ ਵਧੀਆਂ ਪ੍ਰਦਰਸਣ ਕਰਕੇ ਆਪਣੇ ਇਲਾਕੇ ਦਾ ਮਾਨ ਵਧਾਏਗੀ। ਇਸ ਮੌਕੇ ਰਵੇਲ ਸਿੰਘ ਪੰਨੂ, ਦਿਆਲ ਸਿੰਘ ,ਅਵਤਾਰ ਸਿੰਘ ,ਬਲਕਾਰ ਸਿੰਘ,ਗੁਰਨੂਰ ਸਿੰਘ, ਏਕਮਜੀਤ ਸਿੰਘ ,ਸਹਿਜਪ੍ਰੀਤ ਸਿੰਘ, ਹਰਜਿੰਦਰ ਸਿੰਘ, ਤੇਜਿੰਦਰ ਸਿੰਘ,ਗੁਰਸਾਜਣ ਪੰਨੂ, ਕਿਰਨਦੀਪ ਕੌਰ,ਰਾਜਨ ਪੰਨੂ, ਗੁਰਪ੍ਰੀਤ ਸਿੰਘ, ਹਰਮਨ ਸਿੰਘ, ਕਸ਼ਮੀਰ ਸਿੰਘ ਆਦਿ ਸਮੂਹ ਪੰਨੂੰ  ਪਰਿਵਾਰ ਹਾਜਰ ਸੀ।