Manpreet Singh
ਹੰਸ ਫਾਊਂਡੇਸ਼ਨ ਮੋਬਾਇਲ ਮੈਡੀਕਲ ਪ੍ਰਬੰਧਕ ਪ੍ਰੋਜੈਕਟ ਦੇ ਕਲਾਕਾਰਾਂ ਦੀ ਟੀਮ ਵੱਲੋਂ ਨੁੱਕੜ ਨਾਟਕ ਪੇਸ਼ ਕੀਤੇ ਗਏ
ਫਿਰੋਜ਼ਪੁਰ, 21 ਨਵੰਬਰ (ਅਸ਼ੋਕ ਭਾਰਦਵਾਜ) ਦ ਹੰਸ ਫਾਊਂਡੇਸ਼ਨ ਮੋਬਾਈਲ ਮੈਡੀਕਲ ਯੂਨਿਟ ਸਿਹਤ ਸੰਬੰਧੀ ਜਾਗਰੂਕਤਾ ਫੈਲਾਉਣ ਸੰਬੰਧੀ ਹਮੇਸ਼ਾ ਹੀ ਮੋਹਰੀ ਰਹੀ ਹੈ । ਇਸ ਸੰਸਥਾ ਵੱਲੋਂ ਕਾਫ਼ੀ ਲੰਬੇ ਸਮੇਂ ਤੋਂ ਪਿੰਡ- ਪਿੰਡ ਜਾ ਕੇ ਮਰੀਜ਼ਾਂ ਨੂੰ ਮੁਫ਼ਤ ਦਵਾਈਆਂ ਦੇ ਕੇ ਉਹਨਾਂ ਦਾ ਇਲਾਜ਼ ਕੀਤਾ ਜਾ ਰਿਹਾ ਹੈ। ਸਮੇਂ-ਸਮੇਂ ਤੇ ਇਸ ਸੰਸਥਾ ਦੇ ਮੈਂਬਰਾਂ ਵੱਲੋਂ ਵੱਖ-ਵੱਖ ਇਲਾਕਿਆਂ ਵਿੱਚ ਜਾ ਕੇ ਸਿਹਤ ਸੰਬੰਧੀ ਜਾਗਰੂਕਤਾ ਸੈਮੀਨਾਰ ਲਗਾਏ ਜਾ ਰਹੇ ਹਨ। ਇਸ ਦੇ ਸੰਬੰਧ ਵਿੱਚ ਅੱਜ ਪਿੰਡ ਵਾਹਗੇ ਵਾਲਾ ਜ਼ਿਲਾ ਫਿਰੋਜ਼ਪੁਰ ਵਿਖੇ ਦ ਹੰਸ ਫਾਊਂਡੇਸ਼ਨ ਮੋਬਾਇਲ ਮੈਡੀਕਲ ਪ੍ਰਬੰਧਕ ਪ੍ਰੋਜੈਕਟ ਕੋਆਰਡੀਨੇਟਰ ਸੱਤਿਆਜੀਤ ਸਰਕਾਰ ਦੀ ਰਹਿਨੁਮਾਈ ਹੇਠ ਕਲਾਕਾਰਾਂ ਦੀ ਟੀਮ ਵੱਲੋਂ ਨੁੱਕੜ ਨਾਟਕ ਪੇਸ਼ ਕੀਤੇ ਗਏ, ਜਿੰਨਾਂ ਦਾ ਵਿਸ਼ਾ ਸਿਹਤ ਸੰਬੰਧੀ ਜਾਗਰੁਕਤਾ ਦਾ ਸੁਨੇਹਾ ਦੇਣਾ ਰਿਹਾ । ਇਸ ਸਮੇਂ ਭਾਰੀ ਗਿਣਤੀ ਵਿੱਚ ਇਲਾਕਾ ਨਿਵਾਸੀਆਂ ਨੇ ਪਹੁੰਚ ਕੇ ਇਹਨਾਂ ਨੁੱਕੜ ਨਾਟਕਾਂ ਜਰਿਏ ਚੰਗੀ ਸਿਹਤ ਬਰਕਰਾਰ ਰੱਖਣ ਸੰਬੰਧੀ ਅਨੇਕਾਂ ਗੱਲਾਂ ਦਾ ਗਿਆਨ ਪ੍ਰਾਪਤ ਕੀਤਾ। ਇਸ ਸਮੇਂ
ਦ ਹੰਸ ਫਾਊਂਡੇਸ਼ਨ ਮੋਬਾਈਲ ਮੈਡੀਕਲ ਯੂਨਿਟ 02 ਦੀ ਟੀਮ ਵੱਲੋਂ ਸਿਹਤ ਸਬੰਧੀ ਇਲਾਕਾ ਨਿਵਾਸੀਆਂ ਨਾਲ ਆਪਣੇ ਵਿਚਾਰ ਸਾਂਝੇ ਕੀਤੇ ਗਏ। ਇਸ ਸਮੇਂ ਡਾਕਟਰ ਅੰਕੁਰਪ੍ਰੀਤ ਸਿੰਘ ਕਾਹਲੋਂ,ਸਾਹਿਲ ਸ਼ਰਮਾ( ਫਾਰਮਾਸਿਸਟ) ਵਿਕਰਮ ਸਿੰਘ( ਲੈਬ ਟੈਕਨੀਸ਼ੀਅਨ) ਮੈਡਮ ਸ਼ਿਵਾਨੀ ਚੌਧਰੀ( SPO) ਰਣਜੀਤ ਸਿੰਘ (ਪਾਇਲਟ )ਅਤੇ ਰਾਜੀਵ ਆਰੀਆ ( ਡਰੱਗ ਇੰਚਾਰਜ਼ ) ਹਾਜ਼ਰ ਸਨ।
