ਕੈਂਟਰ ਤੇ ਮੋਟਰਸਾਇਕਲ ਦੀ ਟੱਕਰ ’ਚ ਇਕ ਦੀ ਮੌਤ, ਇਕ ਜਖ਼ਮੀ

ਸ਼੍ਰੀ ਮੁਕਤਸਰ ਸਾਹਿਬ, ਮਲੋਟ, 23 ਜੂਨ ()- ਮਲੋਟ-ਮੁਕਤਸਰ ਰੋਡ ’ਤੇ ਪਿੰਡ ਈਨਾਖੇੜ੍ਹਾ ਨੇੜੇ ਇਕ ਕੈਂਟਰ ਤੇ ਮੋਟਰਸਾਇਕਲ ਦੀ ਟੱਕਰ ’ਚ ਮੋਟਰਸਾਇਕਲ ਸਵਾਰ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਜਦਕਿ ਇਕ ਜਖ਼ਮੀ ਹੋ ਗਿਆ। ਪੁਲਿਸ ਵੱਲੋਂ ਕੈਂਟਰ ਚਾਲਕ ਵਿਰੁੱਧ ਪਰਚਾ ਦਰਜ਼ ਕਰ ਲਿਆ ਹੈ। ਇਸ ਸਬੰਧੀ ਥਾਣਾ ਸਦਰ ਮਲੋਟ ਪੁਲਿਸ ਨੂੰ ਦਿੱਤੇ ਬਿਆਨਾਂ ’ਚ ਸੁਖਜਿੰਦਰ ਸਿੰਘ ਪੁੱਤਰ ਰਣਜੀਤ ਸਿੰਘ ਵਾਸੀ ਕੁਰਾਈਵਾਲਾ ਨੇ ਦੱਸਿਆ ਕਿ ਮਿਤੀ 21.06.25 ਨੂੰ ਉਹ ਆਪਣੀ ਕਾਰ ’ਤੇ ਸਵਾਰ ਹੋਕੇ ਮਲੋਟ ਤੋਂ ਆਪਣੇ ਪਿੰਡ ਕੁਰਾਈਵਾਲਾ ਨੂੰ ਜਾ ਰਿਹਾ ਸੀ ਤੇ ਉਸਦੀ ਕਾਰ ਅੱਗੇ ਸੱਤਪਾਲ ਸਿੰਘ ਪੁੱਤਰ ਮਿੱਠੂ ਸਿੰਘ ਅਤੇ ਗੁਰਪ੍ਰੀਤ ਸਿੰਘ ਪੁੱਤਰ ਨੱਥਾ ਸਿੰਘ ਵਾਸੀਆਨ ਕੁਰਾਈਵਾਲਾ ਆਪਣੇ ਮੋਟਰਸਾਇਕਲ ਪਲਟੀਨਾ ਨੰਬਰ ਪੀਬੀ30ਕੇ 5345 ’ਤੇ ਪਿੰਡ ਕੁਰਾਈਵਾਲਾ ਨੂੰ ਜਾ ਰਹੇ ਸੀ। ਜਦ ਉਹ ਮਲੋਟ ਤੋਂ ਮੁਕਤਸਰ ਮੇਨ ਰੋਡ ਪਿੰਡ ਈਨਾਖੇੜਾ ਦੇ ਗੁਰੂਦੁਆਰਾ ਸਾਹਿਬ ਪਾਸ ਪੁੱਜਾ ਤਾਂ ਸਾਹਮਣੇ ਤੋਂ ਇੱਕ ਛੋਟਾ ਕੈਂਟਰ ਨੰਬਰੀ ਪੀਬੀ04ਏਐਫ 4758 ਬੜੀ ਤੇਜ ਸਪੀਡ ਨਾਲ ਆਇਆ ਜਿਸਨੇ ਲਾਪਰਵਾਹੀ ਨਾਲ ਲਿਆਕੇ ਉਸਦੇ ਅੱਗੇ ਜਾਂਦੇ ਮੋਟਰਸਾਇਕਲ ’ਚ ਮਾਰਿਆ ਜਿਸ ਨਾਲ ਮੋਟਰਸਾਇਕਲ ਸਮੇਤ ਦੋਨੋ ਵਿਅਕਤੀ ਡਿੱਗ ਪਏ ਜਦੋਂ ਉਸਨੇ ਕਾਰ ਰੋਕ ਕੇ ਵੇਖਿਆ ਤਾਂ ਸੱਤਪਾਲ ਸਿੰਘ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਤੇ ਗੁਰਪ੍ਰੀਤ ਸਿੰਘ ਦੇ ਕਾਫੀ ਸੱਟਾਂ ਲੱਗੀਆਂ ਜਿੰਨਾ ਨੂੰ ਉਸਨੇ ਸਵਾਰੀ ਦਾ ਪ੍ਰਬੰਧ ਕਰਕੇ ਸਿਵਲ ਹਸਪਤਾਲ ਪਹੁੰਚਾਇਆ ਜੋ ਹੁਣ ਪੜਤਾਲ ਕਰਨ ’ਤੇ ਪਤਾ ਲੱਗਾ ਕਿ ਉਕ ਕੈਂਟਰ ਗੁਰਤੇਜ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਸੀ ਵਾਰਡ ਨੰਬਰ 11 ਅਜੀਤ ਨਗਰ ਮਲੋਟ ਚਲਾ ਰਿਹਾ ਸੀ। ਉਕਤ ਬਿਆਨਾਂ ’ਤੇ ਥਾਣਾ ਸਦਰ ਮਲੋਟ ਪੁਲਿਸ ਨੇ ਗੁਰਤੇਜ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਸੀ ਵਾਰਡ ਨੰ: 11 ਅਜੀਤ ਨਗਰ ਮਲੋਟ ਦੇ ਖਿਲਾਫ਼ ਪਰਚਾ ਦਰਜ਼ ਕਰ ਲਿਆ ਹੈ ਜਦਕਿ ਗ੍ਰਿਫ਼ਤਾਰੀ ਅਜੇ ਬਾਕੀ ਹੈ।