Manpreet Singh
ਗਿੱਦੜਬਾਹਾ, ਅਗਸਤ (ਲਖਵੀਰ ਸਿੰਘ ਧੂਲਕੋਟੀਆ) – ਕਾਂਗਰਸ ਨੇ ਰਾਹੁਲ ਗਾਂਧੀ ਦੇ ਵੋਟ ਚੋਰੀ ਦੇ ਦਾਵਿਆਂ ਨੂੰ ਸਿੱਧਾ ਜਨਤਾ ਤੱਕ ਪਹੁੰਚਾਉਣ ਲਈ ਚਲਾਏ ਮੁਹਿੰਮ ਦੇ ਤਹਿਤ ਪੰਜਾਬ ਕਾਂਗਰਸ ਪ੍ਰਧਾਨ ਅਤੇ ਸੰਸਦ ਮੈਂਬਰ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਗਿੱਦੜਬਾਹਾ ਵਿੱਚ ਬੀਤੀ ਰਾਤ ਲੋਕਤੰਤਰ ਬਚਾਓ ਮਸਾਲ ਮਾਰਚ ਮੁਹਿੰਮ ਅਧੀਨ ਕੈਂਡਲ ਮਾਰਚ ਕੱਢਿਆ ਗਿਆ। ਇਸ ਮੌਕੇ ਕਾਂਗਰਸ ਦੇ ਸੀਨੀਅਰ ਆਗੂ ਤੇ ਨਗਰ ਕੌਂਸਲ ਦੇ ਪ੍ਰਧਾਨ ਨਰਿੰਦਰ ਮੁੰਜਾਲ ਬਿੰਟਾ ਅਰੋੜਾ ਅਤੇ ਨਗਰ ਕੌਂਸਲ ਮਲੋਟ ਦੇ ਪ੍ਰਧਾਨ ਸ਼ੁਭਦੀਪ ਸਿੰਘ ਬਿੱਟੂ ਨੇ ਕਿਹਾ ਕਿ ਰਾਹੁਲ ਗਾਂਧੀ ਨੇ ਸਬੂਤਾਂ ਦੇ ਨਾਲ ਵੋਟ ਚੋਰੀ ਦਾ ਸਚ ਸਾਹਮਣੇ ਰੱਖ ਕੇ ਦੱਸਿਆ ਹੈ ਕਿ ਕਿਵੇਂ ਲੋਕਤੰਤਰ ਦਾ ਗਲਾ ਘੁੱਟਿਆ ਜਾ ਰਿਹਾ ਹੈ। ਕਾਂਗਰਸ ਲਈ ਇਹ ਕਰੋ ਜਾਂ ਮਰੋ ਦਾ ਮੁੱਦਾ ਹੈ। ਕਾਂਗਰਸ ਹੀ ਇੱਕ ਵਿਅਕਤੀ, ਇੱਕ ਵੋਟ ਦਾ ਸਿਧਾਂਤ ਲਿਆਈ ਸੀ ਅਤੇ ਇਸ ਨੂੰ ਬਚਾਉਣ ਲਈ ਜੀ-ਜਾਨ ਨਾਲ ਲੜੇਗੀ। ਇਹ ਲੋਕਾਂ ਦੇ ਹੱਕਾਂ ਦੀ ਲੜਾਈ ਹੈ। ਇਸ ਮੌਕੇ ਬਿੰਟਾ ਅਰੋੜਾ ਤੇ ਸ਼ੁਭਦੀਪ ਸਿੰਘ ਬਿੱਟੂ ਤੋਂ ਇਲਾਵਾ ਸੰਦੀਪ ਗਰਗ ਸੀਪਾ, ਸਾਹਿਬ ਸਿੰਘ ਭੂੰਦੜ, ਕਾਕੂ ਸੀਰਵਾਲੀ, ਭੀਨਾ ਬਰਾੜ, ਕੌਂਸਲਰ ਸੁਖਮੰਦਰ ਲੱਕੀ, ਕੌਂਸਲਰ ਕਰਮਚੰਦ ਝਗੜੂ, ਕੌਂਸਲਰ ਨਿੰਦਰ ਸਿੰਘ, ਕੌਂਸਲਰ ਲਖਵੀਰ ਸਿੰਘ ਲੱਖਾ, ਅਸ਼ਵਨੀ ਸਚਦੇਵਾ ਬਿੱਟੂ ਅਤੇ ਜਸਪ੍ਰੀਤ ਸਿੰਘ ਭਲਾਈਆਣਾ ਆਦਿ ਵੀ ਮੌਜੂਦ ਸਨ।
