ਹੈਲਥ ਵੈਲਨੈੱਸ ਸੈਂਟਰ ਕੋਟਦੁੱਨਾ ਨੇ ਮਾਰੀ ਬਾਜ਼ੀ — ਰਾਸ਼ਟਰੀ ਗੁਣਵੱਤਾ ਸਰਟੀਫਿਕੇਟ ਹਾਸਲ

 ਧਨੌਲਾ, 25 ਮਾਰਚ ( ਹਰਦੀਪ ਹੈਰੀ ) ਸਿਹਤ ਵਿਭਾਗ ਬਰਨਾਲਾ ਲਈ ਮਾਣ ਵਾਲੀ ਗੱਲ ਹੈ ਕਿ ਹੈਲਥ ਵੈਲਨੈੱਸ ਸੈਂਟਰ ਕੋਟਦੁੱਨਾ (ਧਨੌਲਾ) ਨੂੰ ਸਾਲ 2024-25 ਲਈ ਰਾਸ਼ਟਰੀ ਗੁਣਵੱਤਾ ਸਰਟੀਫਿਕੇਟ ਪ੍ਰਾਪਤ ਹੋਇਆ ਹੈ। ਇਸ ਸੈਂਟਰ ਨੇ ਰਾਸ਼ਟਰੀ ਪੱਧਰ ਦੀ ਗੁਣਵੱਤਾ ਮਿਆਰ ਜਾਂਚ ਵਿੱਚ ਸ਼ਾਨਦਾਰ 89.15% ਸਕੋਰ ਹਾਸਲ ਕਰਕੇ ਆਪਣੀ ਉਤਕ੍ਰਿਸ਼ਟ ਸੇਵਾ ਦਾ ਸਬੂਤ ਦਿੱਤਾ ਹੈ।ਇਹ ਉਪਲਬਧੀ ਸੈਂਟਰ ਦੇ ਸਮੂਹ ਸਟਾਫ ਦੀ ਲਗਨ, ਮੇਹਨਤ ਅਤੇ ਲੋਕਾਂ ਨੂੰ ਵਧੀਆ ਸਿਹਤ ਸੇਵਾਵਾਂ ਦੇਣ ਦੇ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ। ਇਸ ਮੌਕੇ ਸੀਨੀਅਰ ਮੈਡੀਕਲ ਅਫਸਰ ਡਾ. ਸਤਵੰਤ ਸਿੰਘ ਔਜਲਾ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ, “ਇਹ ਸਾਡੇ ਲਈ ਬਹੁਤ ਮਾਣ ਦੀ ਗੱਲ ਹੈ ਕਿ ਹੈਲਥ ਵੈਲਨੈੱਸ ਸੈਂਟਰ ਕੋਟਦੁੱਨਾ ਨੂੰ ਰਾਸ਼ਟਰੀ ਪੱਧਰ ‘ਤੇ ਮਾਨਤਾ ਮਿਲੀ ਹੈ। ਇਹ ਸਾਡੀ ਟੀਮ ਦੀ ਲਗਾਤਾਰ ਮੇਹਨਤ, ਇਮਾਨਦਾਰੀ ਅਤੇ ਲੋਕਾਂ ਨੂੰ ਗੁਣਵੱਤਾ ਭਰੀ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਦੇ ਜਜ਼ਬੇ ਦਾ ਨਤੀਜਾ ਹੈ। ਅਸੀਂ ਭਵਿੱਖ ਵਿੱਚ ਵੀ ਇਨ੍ਹਾਂ ਮਿਆਰਾਂ ਨੂੰ ਕਾਇਮ ਰੱਖਦੇ ਹੋਏ ਲੋਕਾਂ ਨੂੰ ਹੋਰ ਵੀ ਵਧੀਆ ਸੇਵਾਵਾਂ ਦੇਣ ਲਈ ਵਚਨਬੱਧ ਹਾਂ।” ਇਸ ਮੌਕੇ ਸਿਹਤ ਵਿਭਾਗ ਦੇ ਉੱਚ ਅਧਿਕਾਰੀਆਂ ਵੱਲੋਂ ਸੈਂਟਰ ਦੀ ਟੀਮ ਨੂੰ ਵਧਾਈ ਦਿੱਤੀ ਗਈ ਅਤੇ ਭਵਿੱਖ ਵਿੱਚ ਵੀ ਇਸੇ ਤਰ੍ਹਾਂ ਉੱਚ ਮਿਆਰ ਬਰਕਰਾਰ ਰੱਖਣ ਲਈ ਪ੍ਰੇਰਿਤ ਕੀਤਾ ਗਿਆ।