ਪ੍ਰਵਾਸੀਆਂ ਦੀ ਬਗੈਰ ਤਫਤੀਸ਼ੀ ਕੀਤੇ ਬਿਨਾਂ ਚੰਦ ਪੈਸਿਆ ਦੇ ਲਾਲਚ ਚ ਕਰਵਾਏ ਜਾ ਰਹੇ ਨਜਾਇਜ ਕਬਜੇ-ਸੂਤਰ

 ਨਜਾਇਜ ਕਬਜਿਆ ਕਰਕੇ ਸ਼ਾਮ ਸਵੇਰੇ ਟ੍ਰੈਫਿਕ ਪੱਖੋ ਬਹੁਤ ਹੀ ਬੁਰਾ ਹਾਲ ਹੁੰਦਾ ਹੈ ਸ਼ਹਿਰ ਦੇ ਚਾਰੇ ਪਾਸੇ ਬਣੇ ਰੋਡਾਂ ਦਾ

ਫਿਰੋਜ਼ਪੁਰ 2 ਅਪ੍ਰੈਲ (ਅਸ਼ੋਕ ਭਾਰਦਵਾਜ) ਨਗਰ ਕੌਂਸਲ ਫਿਰੋਜ਼ਪੁਰ ਜੋ ਆਪਣੀਆਂ ਨਕਾਮੀਆਂ ਚ ਹਮੇਸ਼ਾ ਹੀ ਮੁਹਰਲੀ ਲਾਇਨ ਚ ਖੜਿਆ ਮਿਲਦਾ ਹੈ। ਜੇਕਰ ਨਜਾਇਜ ਕਬਜਿਆ ਦੀ ਗੱਲ ਕੀਤੀ ਜਾਏ ਤਾਂ ਨਗਰ ਕੌਂਸਲ ਫਿਰੋਜ਼ਪੁਰ ਦੀ ਹਦੂਦ ਅੰਦਰ ਕੀਤੇ ਗਏ ਨਜਾਇਜ ਕਬਜਿਆ ਪ੍ਰਤੀ ਪੂਰੇ ਪੰਜਾਬ ਤੋ ਪਹਿਲੇ ਨੰਬਰ ਤੇ ਰਹਿ ਰਿਹਾ ਹੈ ਇਸ ਦਫਤਰ ਦਾ ਅਮਲਾ। ਸ਼ਾਮ ਵੇਲੇ ਸ਼ਹਿਰ ਦੇ ਗੁਰੂਦੁਆਰਾ ਰਾਮ ਲਾਲ ਤੋ ਲੈ ਕੇ ਬੀ ਡੀ ਪੀ ਉ ਦਫਤਰ ਦੇ ਬਾਹਰ,ਮਨਜੀਤ ਪੈਲਸ ਵਾਲਾ ਰੋਡ,ਮੁਲਤਾਨੀ ਗੇਟ ਵਾਲਾ ਰੋਡ,ਲਵਕੁਸ਼ ਚੋਕ ਆਦਿ ਭਾਵ ਕਿ ਸ਼ਹਿਰ ਚ ਕੋਈ ਰੋਡ ਅਜਿਹਾ ਨਹੀ ਜਿਥੇ ਕਿ ਨਗਰ ਕੌਂਸਲ ਫਿਰੋਜ਼ਪੁਰ ਅਮਲੇ ਦੀ ਮਿਲੀਭੁਗਤ ਨਾਲ ਕਬਜਾ ਨਾ ਕੀਤਾ ਗਿਆ ਹੋਵੇ ਹੈਰਾਨੀ ਦੀ ਗੱਲ ਤਾਂ ਇਹ ਵੀ ਹੈ ਕਿ ਲੋਕਾਂ ਦੇ ਪੈਦਲ ਮਾਰਗੀ ਰਸਤਾ ਫੁੱਟਪਾਥ ਜਿਥੇ ਲੋਕਾਂ ਦਾ ਦਿਲ ਕਰੇ ਕਬਜਾ ਕਰਨ ਲਈ ਝੱਟ ਲਾਉਂਦੇ ਹਨ ਜਿਸ ਕਾਰਨ ਸ਼ਹਿਰ ਚ ਸਭ ਤੋ ਵੱਧ ਟ੍ਰੈਫਿਕ ਸਮੱਸਿਆ ਰਹਿੰਦੀ ਹੈ। ਪਿਛਲੇ ਦਿਨੀ ਸ਼ਹਿਰ ਚ ਨਗਰ ਕੀਰਤਨ ਦੀ ਆਮਦ ਨੂੰ ਲੈ ਕੇ ਪ੍ਰਸ਼ਾਸਨ ਹਰਕਤ ਵਿੱਚ ਆਇਆ ਸੀ ਤੇ ਨਜਾਇਜ ਕਬਜਿਆ ਨੂੰ ਝੱਟ ਹੀ ਖਾਲੀ ਕਰਵਾ ਕੇ ਵਾਹ ਵਾਹ ਖੱਟ ਲਈ ਪਰ ਜਿਵੇ ਹੀ ਨਗਰ ਕੀਰਤਨ ਸ਼ਹਿਰ ਤੋ ਬਾਹਰ ਜਾਂਦਾ ਦਿੱਸਿਆ ਤਾਂ ਨਜਾਇਜ ਕਬਜਾਕਾਰਾਂ ਵਲੋ ਫੋਰਨ ਤੋਰ ਤੇ ਹੀ ਬਿਨਾਂ ਕਿਸੇ ਡਰ ਤੇ ਕਬਜਾ ਕਰ ਲਿਆ ਜੋ ਕਿ ਨਗਰ ਕੌਂਸਲ ਫਿਰੋਜ਼ਪੁਰ ਦੀ ਬੜੀ ਨਲਾਇਕੀ ਤੇ ਲਾਪ੍ਰਵਾਹੀ ਰਹੀ। ਪ੍ਰਵਾਸੀਆਂ ਨੂੰ ਕਬਜਾ ਕਰਵਾਉਣ ਚ ਵੀ ਨਗਰ ਕੌਂਸਲ ਫਿਰੋਜ਼ਪੁਰ ਵਲੋ ਵੀ ਬੜੀ ਵਿਲੱਖਣਤਾ ਦਿਖਾਈ ਜਾ ਰਹੀ ਹੈ ਕਿਉਕਿ ਦੇਖਣ ਚ ਇਹ ਆਇਆ ਹੈ ਕਿ ਇਹਨਾਂ ਪ੍ਰਵਾਸੀਆਂ ਦੀ ਤਫਤੀਸ਼ ਕਿਤੇ ਤੋ ਬਿਨਾਂ ਸ਼ਿਫਾਰਸ਼ਾ ਜਰੀਏ ਇਹਨਾਂ ਦੀ ਪਰਚੀ ਕੱਟ ਕੇ ਕਬਜਿਆ ਤੇ ਕਾਬਜ ਕੀਤਾ ਜਾ ਰਿਹਾ ਹੈ। ਜੋ ਕਿ ਹਰੇਕ ਸ਼ਹਿਰ ਵਾਸੀ ਲਈ ਬੜੀ ਵੱਡੀ ਚੁਣੋਤੀ ਸਾਬਿਤ ਹੋ ਰਹੀ ਹੈ।