ਮੇਰੀ ਸਹਿਰ ਦੀ ਪ੍ਰਮੁੱਖ ਸਮੱਸਿਆ ਹੈ ਸਟੋਰੀ ਬਣਾ ਕੇ ਭੇਜੀ ਹੈ ਫਰੰਟ ਪੇਜ ਤੇ ਹਾਈਲਾਈਟ ਕਰਕੇ ਲਗਾ ਦਿਓ , ਨਾਲ ਹੀ ਫੋਟੋਆਂ

– ਆਵਾਰਾ ਕੁੱਤਿਆਂ ਦਾ ਖੌਫ਼: ਬੱਚੇ, ਬਜ਼ੁਰਗ ਦਹਿਸ਼ਤ ਹੇਠ, ਨਗਰ ਕੌਂਸਲ ਦੀ ਚੁੱਪੀ ਬਣੀ ਵੱਡਾ ਸਵਾਲ

– ਧਨੌਲਾ ਦੀ ਜਨਤਾ ਪੁੱਛਦੀ ਹੈ ਸਵਾਲ—ਆਖ਼ਿਰ ਕਦੋਂ ਮਿਲੇਗੀ ਆਵਾਰਾ ਪਸ਼ੂਆਂ ਅਤੇ ਕੁੱਤਿਆਂ ਤੋਂ ਨਿਜਾਤ?

ਧਨੌਲਾ, 10 ਜੁਲਾਈ (ਹਰਦੀਪ ਹੈਰੀ) – ਧਨੌਲਾ ਸ਼ਹਿਰ ਵਿੱਚ ਆਵਾਰਾ ਕੁੱਤਿਆਂ ਦੀ ਵੱਧ ਰਹੀ ਗਿਣਤੀ ਹੁਣ ਆਮ ਲੋਕਾਂ ਲਈ ਗੰਭੀਰ ਚਿੰਤਾ ਦਾ ਵਿਸ਼ਾ ਬਣ ਚੁੱਕੀ ਹੈ। ਵੱਖ-ਵੱਖ ਗਲੀਆਂ ਅਤੇ ਮੁੱਖ ਸੜਕਾਂ ‘ਤੇ 10 ਤੋਂ 12 ਕੁੱਤਿਆਂ ਦੇ ਝੁੰਡ ਬੇਖੌਫ਼ ਘੁੰਮਦੇ ਨਜ਼ਰ ਆ ਰਹੇ ਹਨ। ਸਭ ਤੋਂ ਵੱਧ ਪਰੇਸ਼ਾਨੀ ਸਕੂਲ ਜਾਣ ਵਾਲੇ ਬੱਚਿਆਂ, ਬਜ਼ੁਰਗਾਂ ਅਤੇ ਬਿਮਾਰ ਲੋਕਾਂ ਨੂੰ ਝੱਲਣੀ ਪੈ ਰਹੀ ਹੈ।ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਸਵੇਰੇ ਅਤੇ ਸ਼ਾਮ ਦੇ ਸਮੇਂ ਕੁੱਤਿਆਂ ਦੇ ਝੁੰਡ ਰਾਹਗੀਰਾਂ ਦੇ ਪਿੱਛੇ ਦੌੜਦੇ ਹਨ ਅਤੇ ਭੌਂਕਦੇ ਹੋਏ ਹਮਲਾ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ, ਜਿਸ ਕਾਰਨ ਹਰ ਵੇਲੇ ਹਾਦਸੇ ਦਾ ਡਰ ਬਣਿਆ ਰਹਿੰਦਾ ਹੈ। ਮਾਪੇ ਆਪਣੇ ਬੱਚਿਆਂ ਨੂੰ ਸਕੂਲ ਭੇਜਣ ਸਮੇਂ ਚਿੰਤਤ ਰਹਿੰਦੇ ਹਨ, ਜਦਕਿ ਬਜ਼ੁਰਗ ਘਰਾਂ ਤੋਂ ਬਾਹਰ ਨਿਕਲਣ ਤੋਂ ਵੀ ਡਰਦੇ ਹਨ।ਹੈਰਾਨੀ ਦੀ ਗੱਲ ਇਹ ਹੈ ਕਿ ਲੋਕਾਂ ਵੱਲੋਂ ਵਾਰ-ਵਾਰ ਸ਼ਿਕਾਇਤਾਂ ਕੀਤੀਆਂ ਜਾਣ ਦੇ ਬਾਵਜੂਦ ਨਗਰ ਕੌਂਸਲ ਅਤੇ ਸੰਬੰਧਿਤ ਪ੍ਰਸ਼ਾਸਨ ਵੱਲੋਂ ਇਸ ਗੰਭੀਰ ਸਮੱਸਿਆ ਦੇ ਹੱਲ ਲਈ ਕੋਈ ਠੋਸ ਕਦਮ ਨਹੀਂ ਚੁੱਕਿਆ ਗਿਆ। ਲੋਕਾਂ ਦਾ ਦੋਸ਼ ਹੈ ਕਿ ਜ਼ਿੰਮੇਵਾਰ ਅਧਿਕਾਰੀ ਸਿਰਫ਼ ਕਾਗਜ਼ੀ ਕਾਰਵਾਈ ਤੱਕ ਹੀ ਸੀਮਤ ਹਨ, ਜਦਕਿ ਆਮ ਜਨਤਾ ਹਰ ਰੋਜ਼ ਖ਼ਤਰਾ ਮੋਲ ਲੈ ਕੇ ਆਵਾਜਾਈ ਕਰਨ ਲਈ ਮਜਬੂਰ ਹੈ।ਲੋਕਾਂ ਦੀ ਆਵਾਜ਼ ਸਮਾਜ ਸੇਵੀ ਆਗੂ – ਰਮਨ ਵਰਮਾ (ਪ੍ਰਧਾਨ ਵਪਾਰ ਮੰਡਲ ਧਨੋਲਾ) “ਧਨੌਲਾ ਦੀਆਂ ਸੜਕਾਂ ਹੁਣ ਲੋਕਾਂ ਲਈ ਨਹੀਂ, ਆਵਾਰਾ ਪਸ਼ੂਆਂ ਅਤੇ ਕੁੱਤਿਆਂ ਲਈ ਰਾਖਵੀਆਂ ਲੱਗਦੀਆਂ ਹਨ। ਜੇਕਰ ਪ੍ਰਸ਼ਾਸਨ ਨੇ ਹੁਣ ਵੀ ਅੱਖਾਂ ਬੰਦ ਰੱਖੀਆਂ ਤਾਂ ਕਿਸੇ ਵੱਡੇ ਹਾਦਸੇ ਤੋਂ ਬਾਅਦ ਸਿਰਫ਼ ਅਫ਼ਸੋਸ ਹੀ ਬਚੇਗਾ।”ਵਪਾਰੀ ਆਗੂ – ਰਾਮਿੰਦਰ ਰਾਮਾ (ਚੇਅਰਮੈਨ ਵਪਾਰ ਮੰਡਲ ਧਨੌਲਾ)”ਰੋਜ਼ਾਨਾ ਬਾਜ਼ਾਰ ਆਉਣ ਵਾਲੇ ਗਾਹਕ ਅਤੇ ਦੁਕਾਨਦਾਰ ਡਰ ਦੇ ਸਾਏ ਹੇਠ ਰਹਿੰਦੇ ਹਨ। ਕਈ ਵਾਰ ਪਸ਼ੂ ਆਪਸ ਵਿੱਚ ਲੜਦੇ ਹੋਏ ਦੁਕਾਨਾਂ ਤੱਕ ਪਹੁੰਚ ਜਾਂਦੇ ਹਨ। ਨਗਰ ਕੌਂਸਲ ਨੂੰ ਤੁਰੰਤ ਵਿਸ਼ੇਸ਼ ਮੁਹਿੰਮ ਚਲਾਉਣੀ ਚਾਹੀਦੀ ਹੈ।”ਸਮਾਜ ਸੇਵੀ– (ਗੋਰੀ ਬਰਾੜ੍ਹ) (ਸਵਰਨਕਾਰ ਧਨੌਲਾ)”ਸਰਕਾਰ ਅਤੇ ਪ੍ਰਸ਼ਾਸਨ ਲੋਕਾਂ ਦੀ ਸੁਰੱਖਿਆ ਦੀਆਂ ਗੱਲਾਂ ਤਾਂ ਕਰਦੇ ਹਨ, ਪਰ ਜਦੋਂ ਆਮ ਨਾਗਰਿਕ ਸੜਕ ‘ਤੇ ਹੀ ਸੁਰੱਖਿਅਤ ਨਹੀਂ, ਤਾਂ ਇਹ ਦਾਅਵੇ ਕਾਗਜ਼ਾਂ ਤੱਕ ਹੀ ਸੀਮਤ ਰਹਿ ਜਾਂਦੇ ਹਨ। ਹੁਣ ਕਾਰਵਾਈ ਦਾ ਸਮਾਂ ਹੈ, ਭਰੋਸਿਆਂ ਦਾ ਨਹੀਂ।”ਸੀਨੀਅਰ ਨਾਗਰਿਕ – ਰਾਕੇਸ਼ ਮਿੱਤਲ (ਜ਼ਿਲਾ ਸੇਵਾ ਪ੍ਰਮੁੱਖ)”ਸਵੇਰ ਦੀ ਸੈਰ ਕਰਨੀ ਵੀ ਖ਼ਤਰੇ ਤੋਂ ਖਾਲੀ ਨਹੀਂ ਰਹੀ। ਬੱਚੇ ਸਕੂਲ ਅਤੇ ਬਜ਼ੁਰਗ ਗੁਰਦੁਆਰੇ ਜਾਂਦੇ ਸਮੇਂ ਡਰਦੇ ਹਨ। ਇਹ ਸਿਰਫ਼ ਇੱਕ ਸਮੱਸਿਆ ਨਹੀਂ, ਸਗੋਂ ਜਨ ਸੁਰੱਖਿਆ ਨਾਲ ਜੁੜਿਆ ਗੰਭੀਰ ਮੁੱਦਾ ਹੈ।”ਇਲਾਕਾ ਨਿਵਾਸੀਆਂ ਦਾ ਸਵਾਲ ਪ੍ਰਸ਼ਾਸਨ ਨੂੰ…- ਕੀ ਕਿਸੇ ਵੱਡੇ ਹਾਦਸੇ ਦੀ ਉਡੀਕ ਕੀਤੀ ਜਾ ਰਹੀ ਹੈ?- ਆਵਾਰਾ ਪਸ਼ੂਆਂ ਅਤੇ ਕੁੱਤਿਆਂ ਨੂੰ ਕਾਬੂ ਕਰਨ ਲਈ ਬਣੀਆਂ ਯੋਜਨਾਵਾਂ ਕਿੱਥੇ ਹਨ?- ਲੋਕਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਦੀ ਜ਼ਿੰਮੇਵਾਰੀ ਕੌਣ ਨਿਭਾਏਗਾ?- ਕੀ ਨਗਰ ਕੌਂਸਲ ਇਸ ਸਮੱਸਿਆ ਦਾ ਪੱਕਾ ਹੱਲ ਕਰਨ ਲਈ ਕੋਈ ਸਮਾਂ-ਸੀਮਾ ਤੈਅ ਕਰੇਗੀ?ਸ਼ਹਿਰ ਵਾਸੀਆਂ ਨੇ ਪ੍ਰਸ਼ਾਸਨ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਜਲਦੀ ਆਵਾਰਾ ਕੁੱਤਿਆਂ ਨੂੰ ਫੜਨ ਅਤੇ ਲੋਕਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਲਈ ਮੁਹਿੰਮ ਨਾ ਚਲਾਈ ਗਈ ਤਾਂ ਕਿਸੇ ਵੀ ਅਣਸੁਖਾਵੀਂ ਘਟਨਾ ਦੀ ਪੂਰੀ ਜ਼ਿੰਮੇਵਾਰੀ ਨਗਰ ਕੌਂਸਲ ਅਤੇ ਪ੍ਰਸ਼ਾਸਨ ਦੀ ਹੋਵੇਗੀ। ਲੋਕਾਂ ਨੇ ਮੰਗ ਕੀਤੀ ਹੈ ਕਿ ਕੁੱਤਿਆਂ ਨੂੰ ਤੁਰੰਤ ਕਾਬੂ ਕਰਕੇ ਸ਼ਹਿਰ ਵਾਸੀਆਂ ਨੂੰ ਇਸ ਦਹਿਸ਼ਤ ਤੋਂ ਰਾਹਤ ਦਿਵਾਈ ਜਾਵੇ।