ਲੋਕ ਹਿੱਤ ਮਿਸ਼ਨ ਵੱਲੋਂ ਬਲਵੰਤ ਸਿੰਘ ਸੈਣੀ ਨੂੰ ਜਥੇਬੰਦੀ ਦਾ ਸ਼ੋਸਲ ਵੈਲਫ਼ੇਅਰ ਐਡਵਾਇਜ਼ਰ ਨਿਯੁਕਤ 

ਨਿਊ ਚੰਡੀਗੜ੍ਹ, 14 ਜੁਲਾਈ (ਬਜੀਦਪੁਰ) – ਲੋਕ ਹਿੱਤ ਮਿਸ਼ਨ ਬੀਕੇਯੂ ਪੰਜਾਬ ਵੱਲੋਂ ਸਾਬਕਾ ਅਧਿਕਾਰੀ ਬਲਵੰਤ ਸਿੰਘ ਸੈਣੀ ਨੂੰ ਜਥੇਬੰਦੀ ਦਾ ਸ਼ੋਸਲ ਵੈਲਫ਼ੇਅਰ ਐਡਵਾਇਜ਼ਰ ਨਿਯੁਕਤ ਕੀਤਾ ਹੈ। ਇਸ ਸਬੰਧੀ ਜਾਣਕਾਰੀ ਸਾਂਝੀ ਕਰਦਿਆਂ ਜਥੇਬੰਦੀ ਦੇ ਕਾਰਜਕਾਰੀ ਪ੍ਰਧਾਨ ਗੁਰਮੀਤ ਸਿੰਘ ਸਾਂਟੂ ਤੇ ਜਨਰਲ ਸਕੱਤਰ ਰਵਿੰਦਰ ਸਿੰਘ ਬਜੀਦਪੁਰ ਨੇ ਦੱਸਿਆ ਕਿ ਬਲਵੰਤ ਸਿੰਘ ਜੋ ਮਾਰਕਫੈਡ ਵਿੱਚ ਸੀਨੀਅਰ ਅਧਿਕਾਰੀ ਪਦ ਤੇ ਹੋਣ ਸਮੇਂ ਵੀ ਇਮਾਨਦਾਰੀ ਸੀ ਮਿਸਾਲ ਸਨ, ਓਹ ਹੁਣ ਰਿਟਾਇਡਮੈਂਟ ਹੋਣ ਤੋਂ ਬਾਅਦ ਵੀ ਲੋਕ ਭਲਾਈ ਦੇ ਕਾਰਜ ਕਰਦੇ ਹਨ। ਇਸ ਲਈ ਉਨ੍ਹਾਂ ਨੂੰ ਜਥੇਬੰਦੀ ਇਸ ਅਹੁਦੇ ਰਾਹੀਂ ਲੋਕ ਸੇਵਾ ਲਈ ਨਿਯੁਕਤ ਕਰਕੇ ਮਾਣ ਮਹਿਸੂਸ ਕਰਦੀ ਹੈ। ਇਸ ਬਦਲੇ ਸ. ਸੈਣੀ ਨੇ ਲੋਕ ਹਿੱਤ ਮਿਸ਼ਨ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਸਨੇ ਜਥੇਬੰਦੀ ਦੇ ਕੰਮਾਂ ਤੋਂ ਪ੍ਰਭਾਵਿਤ ਹੋ ਕੇ ਜੁੜਨ ਦਾ ਫ਼ੈਸਲਾ ਲੈਂਦਿਆਂ ਅੱਗੋਂ ਇਸ ਜਿਮੇਂਵਾਰੀ ਨੂੰ ਪੂਰੀ ਸਿੱਦਤ ਨਾਲ ਨਿਭਾਵਾਂਗਾ।